• usd 468.56

  • eur 497.56

  • rub 7.3

  • cny 67.18

29 ناۋرىز, 08:37:33
الماتى
+35°

30 شىلدە, 2019 الەۋمەت

2 ملن ادام پاتەرلى بولادى

2019 جىلى شامامەن 13 ملن شارشى مەتر تۇرعىن ءۇي سالۋ جوسپارلانعان. اتالعان كورسەتكىش وتكەن جىلعىدان 500 مىڭ شارشى مەترگە ارتىق, دەپ جازادى qamshy.kz اقپارات اگەنتتىگى.

بۇل تۋرالى ۇكىمەتتىڭ كەزەكتى وتىرىسىندا يندۋستريا جانە ينفراقۇرىلىمدىق دامۋ ءمينيسترى رومان سكليار ايتتى.

"وسى جىلى 6 اي ىشىندە تۇرعىن ءۇي قۇرىلىسىنا 605,7 ملرد تەڭگە ينۆەستيسيا تارتىلدى. بۇل 2018 جىلعى دەڭگەيدەن 15,5 پايىزعا جوعارى. 1 تەڭگە مەملەكەتتىك قاراجاتقا 7,4 تەڭگە جەكە ينۆەستيسيا تارتىلدى. بيىلدىڭ سوڭىنا دەيىن 118 مىڭ باسپانا (13 ملن شارشى مەتر) سالۋدى جوسپارلادىق. جارتىجىلدىق قورىتىندى بويىنشا 48 925 باسپانا (5,7 ملن شارشى مەتر) پايدالانۋعا بەرىلدى" ؛دەدى مينيستر.

جاقىن ارادا نۇر-سۇلتان, الماتى جانە شىمكەنت قالالارىندا جاستارعا باسپانا ءبولۋ ءتارتىبى بەلگىلەنەدى. الداعى ءۇش جىلدا نۇر-سۇلتان, الماتى قالالارىندا 1050 پاتەر جانە شىمكەنتتە 900 پاتەر ۇلەستىرىلمەك.

جىل اياعىنا دەيىن «؛نۇرلى جەر»؛ باعدارلاماسىنىڭ جاڭا رەداكسياسىن بەكىتۋ جوسپارلانۋدا. ونىڭ اياسىندا 2025 جىلعا دەيىن 650 مىڭعا جۋىق وتباسى نەمەسە 2 ملن-نان استام ادام جاڭا تۇرعىن ۇيمەن قامتاماسىز ەتىلەدى دەپ كۇتىلۋدە.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر