سىز تۋرالى وزگەلەر نە ويلايتىنىن ءبىلىڭىز (پسيحولوگيالىق تەست)

سىرت كوز سىنشى. ىشكى جان دۇنيەمىز وزىمىزگە عانا ءمالىم بولسا دا, وزگەلەر ءبىزدى باسقا قىرىمىزدان تانۋى مۇمكىن. باسقا ادامداردىڭ ءبىز تۋرالى نە ويلايتىنىن بىلگىمىز كەلەدى. اينالامىزداعى ادامدار اراسىندا ءوزىمىز جايلى جاعىمدى پىكىر قالىپتاستىرعاندى ۇناتامىز. ال ءسىز وزگەلەر ءۇشىن قانداي ادام بولىپ كورىنەسىز؟ بىلگىڭىز كەلە مە؟

ەندەشە پسيحولوگيالىق سۋرەتكە ءۇڭىلىپ, كوزىڭىزگە بىردەن تۇسكەن اعاشتى تاڭداڭىز.

وزىڭىزگە ۇناعان اعاشتى تاڭداساڭىز, سيپاتتاماسىن تومەننەن وقىڭىز.

№1 اعاش

سىزدى وزگەلەر جۇمساق, بيازى مىنەزدى ادام رەتىندە تانيدى. جۇرەگىڭىزدىڭ نازىكتىگى, جانىڭىزدىڭ مەيىرىمدىلىگى اينالاڭىزداعى ادامدارعا ۇنايدى. وزگەلەرگە ناعىز قورعان بولا الاتىن, قيىن ساتتە جاقىندارىنىڭ جانىنان تابىلاتىن جان ەكەنىڭىزگە وزگەلەر سان مارتە رەت كوز جەتكىزگەن. سول سەبەپتى ورتاڭىزدا سىيلىسىز, قۇرمەتتىسىز. ءسىز بارلىعىنا كەرەكسىز. ويتكەنى, الەم ءسىز سياقتى مەيىرىمىدى جاندارعا ءزارۋ. ؛

№2 اعاش

سىزدى وزگەلەر ءۇشىن ءاردايىم كوڭىلدى جۇرەتىن, مۇڭايۋدى بىلمەيتىن, اينالاڭىزداعىلارعا كوتەرىڭكى كوڭىل كۇي سىيلايتىن ادام رەتىندە تانيدى. ءسىزدىڭ جانىڭىزدا ءجۇرىپ, سىزبەن ءبىر ساعات سىرلاسقان ادام بارلىق مۇڭ-مۇقتاجىن ۇمىتىپ, ءسىز سياقتى ومىرگە ءپوزيتيۆتى كوزقاراسپەن قاراي باستايدى. وى مىنەزىڭىزدىڭ ارقاسىندا دوستارىڭىز وتە كوپ. ءسىز ادامداردى اتاق-دارەجەسىنە, شىققان تەگىنە قاراي الالامايسىز. ادامداردىڭ بارلىعى تەڭ. ءسىزدى ەڭ العاش كورگەن ادام "قانداي باقىتتى, كوڭىلدى جان" دەپ تاڭدانىپ جاتادى. ءسىز جەمىسىن توككەن اعاشتاي, كەرەمەت ادامسىز.

№3 اعاش

نەتكەن قاراپايىم ادام! مىنا زاماندا وسىنشالىق قاراپايىم ادامدار بار ما؟ ءسىز تۋرالى وزگەلەر وسىلاي ويلايدى. ءسىزدىڭ قاراپايىم مىنەزىڭىز وزگەلەر ءۇشىن جۇمباق. تۇيىقتىعىڭىزدى دا وزگەلەر تۇسىنبەي جاتۋى مۇمكىن. قولىڭىزدا اقشانى ۋىستاپ ۇستاپ جۇرسەڭىز دە قاراپايىم كيىنىپ, قاراپايىم بولىپ جۇرگەندى جاقسى كورەسىز. كەيدە "تىم قاراپايىم بولماساڭشى!" دەپ اقىل ايتىپ جاتاتىندار دا جوق ەمەس. دەگەنمەن, وزگەلەر ءۇشىن سول قاراپايىمدىلىعىڭىزبەن ەرەكشەسىز.

№4 اعاش

سىزدى وزگەلەر شىدامسىز, مازاسىز, ايتقانىن ىستەتپەي قويمايتىن, وزدىگىمەن جۇرەتىن جان دەپ ويلايدى. شىندىعىندا دا سولاي... باسقا ادامدار وزدەرىن ءسىزدىڭ جانىڭىزدا ەركىن ۇستاي المايدى. ويتكەنى سىزدە ليدەرلىك مىنەز باسىم. مازاسىزدىعىڭىز بەن ءىستىڭ ناتيجەسىنە بىردەن قول جەتكىزگىڭىز كەلەتىن قاسيەتىڭىزدى وزگەلەر بىردەن قابىلداي قويماسى انىق. دەگەنمەن ءسىزدىڭ ءسوزىڭىز ءوتىمدى بولعاندىقتان, بۇل قاسيەتىڭىزدى جاقسى قابىلداپ جاتادى. ءسىز ءۇشىن ءبىر ورىندا تۇراقتاپ قالۋ قيىن. ءاردايىم وزگەرىستى قالايسىز. ؛

№5 اعاش

سىزدىڭ مىنەزىڭىز وزگەلەر ءۇشىن تۇسىنىكسىز. ويتكەنى كۇلىپ وتىرىپ مۇڭايا سالاسىز, مۇڭايا وتىرىپ قۋانۋىڭىز تەز. "جۇمباق جان" دەگەن تىركەس سىزگە قاراتىلا ايتىلسا كەرەك. ءقازىر ءبىر ءىستى باستاپ وتىرىپ, ەكىنشى ءبىر ىسكە اۋىسىپ كەتۋىڭىز مۇمكىن. ءسىزدىڭ مىنەزىڭىزدىڭ ؛ ادامدارعا بەيمالىم قىرلارى وتە كوپ. جاعىنۋ, جالپاقتاۋ دەگەندى مۇلدەم بىلمەيسىز. بۇگىن ايتقان اقىلىڭىزعا ەرتەڭ ءوزىڭىز قارسى شىعۋىڭىز مۇمكىن. كەيدە ءوز-وزىڭىزدى دە تۇسىنبەي قالىپ جاتاسىز. ؛

№6 اعاش

دال وسى اعاشتى تاڭداعان ادام وزگەلەردىڭ كوزىنە سۇيكىمدى بولىپ كورىنەدى. وتە تارتىمدى جاندار. سويلەگەن سوزىمەن, ءوز-وزىن ورتادا دۇرىس ۇستاۋىمەن ەرەكشەلەنەدى. وزگەلەر سىزگە "وتە مادەنيەتتى" دەپ باعا بەرىپ جاتادى. ءيا, مادەنيەتتى ەكەنىڭىز راس. اقسۇيەكتەرگە ءتان قاسيەتىڭىز بار. ءوزىڭىزدى جوعارى باعالايسىز. اينالاڭىزداعى ادامدار ءاردايىم ءسىز تۋرالى تەك جاعىمدى پىكىرلەر ايتادى. ؛

مارجان سابەت