الماتى وبلىسىندا بيىل 25 ادام سۋعا كەتكەن

شومىلۋ ماۋسىمى باستالعالى بەرى الماتى وبلىسىندا 25 ادام سۋعا كەتكەن دەپ حابارلايدى qamshy.kz اقپارات اگەنتتىگى «؛حابار 24»؛ سايتىنا سىلتەمە جاساپ. ؛

قازا تاپقانداردىڭ ونى - كامەلەتتىك جاسقا تولماعان ءجاسوسپىرىم. قايعىلى جاعدايعا دەمالۋشىلاردىڭ بەيقامدىعى سەبەپ. سونىمەن قاتار دەمالىس ورىندارىنىڭ بەكىتىلگەن تالاپتاردى ورىنداماۋى دا ىقپال ەتكەن.

ادام شىعىنىن بولدىرماۋ ماقساتىندا توتەنشە جاعدايلار دەپارتامەنتىنىڭ وكىلدەرى ارنايى رەيد وتكىزىپ جاتىر.

ماماندار بالقاش, قاپشاعاي جانە الاكول جاعالاۋىنداعى تىنىعۋشىلارعا قاۋىپسىزدىك ەرەجەلەرىن ءتۇسىندىردى. جادىنامالار تاراتىپ, ساقتىق شارالارىن ەستەن شىعارماۋ كەرەكتىگىنە باسا نازار اۋداردى.

يگور جۋكوۆ, وبلىستىق تجد ءبولىم باستىعى: &ndash؛ رۇقسات ەتىلمەگەن سۋ ايدىندارىندا شومىلۋعا بولمايدى. قۇتقارۋشىلارى بار دەمالىس ورنىن تاڭداعان ءجون. ەگەر جۇزە الماساڭىزدار, تەرەڭ جەرگە بارماۋ كەرەك. جانە ىشىمدىك ءىشىپ سۋعا تۇسۋگە بولمايدى. ەڭ باستىسى جاسوسپىرىمدەر مەن كىشكەنتاي بالالاردى نازاردان تىس قالدىرماڭىزدار.