25 شىلدە, 2019 ايتتى-ەي, باۋىرىڭ!
قاۋىپسىزدىك سەرتيفيكاتى دەگەن قايدان شىقتى؟
قۋانىش ەدىلحانتەگى اتتى فەيسبۋك قولدانۋشىسى قازاقستاندا ۇيالى بايلانىس وپەراتورلارىن قاۋىپسىزدىك سەرتيفيكاتىنا تىركەۋ باستاماسىنىڭ قايدان شىققانىن ايتتى, دەپ جازادى qamshy.kz اقپارات اگەنتتىگى.
رەسەيدە ينتەرنەتتى دۇنيەجۇزىلىك عالامتوردان ايىرۋعا دايىندىق ءجۇرىپ جاتىر. بۇل جونىندە وتكەن اقپان ايىندا پۋتين: "ول باتىس ارنايى ورگاندارىنىڭ ويلاپ تاپقانى. وتىرىپ الادى دا تىڭدايدى, وقيدى, ءسويتىپ قورعانىسقا قاتىستى اقپار جينايدى, سوندىقتان ءبىز دۇنيەجۇزىلىك عالامتوردان اجىراتىلۋعا دايىن بولۋىمىز قاجەت" دەگەن ەدى.
دەربەس ينتەرنەت تۋرالى زاڭ قاراشا ايىندا كۇشىنە ەنەدى, وعان دەيىن زاڭدى تۇسىندىرەتىن قوسىمشا اكتىلەر مەن جازبالار ساراپشىلار مەن پروۆايدەرلەردىڭ وزدەرىن شالقاسىنان تۇسىرۋدە.
مەم.دۋما ەندى ەلەكتروندىق پوشتاعا اۋىز سالدى - يدەنتيفيكاسياسىز ەلەكتروندىق پوشتا اشۋعا تىيىم سالىناتىن بولدى.
رف ۇكىمەتى رەسەيلىكتەرگە "ru" زوناسىنان تىس جەردەگى سايتتارعا كىرۋگە تىيىم سالۋعا ۇسىنىس ءتۇسىردى.
بىزدەگى قاۋىپسىزدىك سەرتيفيكاتى دەگەننىڭ قايدان كەلىپ جاتقانى ەندى تۇسىنىكتى بولعان شىعار؟
جالپى ينتەرنەتپەن سوڭعى ايلار عانا جۇمىس جاساپ جاتقان سياقتىمىز. ارينە, مەكەمەلەر اراسىندا حات جازىسۋ, اقپارات الماسۋ, بانكتەردەگى وپەراسيالار دەربەس جۇمىس جاساي بەرۋى مۇمكىن, ءبىراق بۇرىنعىداي دۇنيە ءجۇزىنىڭ كەز-كەلگەن نۇكتەسىمەن ەمىن-ەركىن اقپارات الماسىپ وتىرۋ بولماۋى عاجاپ ەمەس. بۇل xxi عاسىر ەمەس, xix عاسىر بولىپ جاتسا تاڭ قالمايمىن.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر