25 شىلدە, 2019 دەنساۋلىق
مينيستر: ادامنىڭ اعزالارىن الۋعا زاڭ جۇزىندە رۇقسات ەتىلەدى
زاڭ بويىنشا قايتىس بولعان ادامنىڭ اعزالارىن تۋىستارىنىڭ رۇقساتىنسىز الۋعا بولادى
دەنساۋلىق ساقتاۋ ءمينيسترى ەلجان ءبىرتانوۆ زاڭ اياسىندا ادام اعزالارىن الۋ قالاي جۇزەگە اسىرىلاتىنىن ءتۇسىندىردى دەپ حابارلايدى ؛qamshy.kz اقپارات اگەنتتىگى ؛sputniknews.kz سايتىنا سىلتەمە جاساپ.
"بىزدىڭ زاڭ بويىنشا ءار ازامات كوزى تىرىسىندە جازباشا تۇردە دونور بولۋدان باس تارتسا, وندا ورگاندارىن المايدى. باسقا جاعدايدا ەگەر جازباشا باس تارتقانى تۋرالى قاعاز بولماسا, ول ادامنىڭ اعزالارىن الۋعا زاڭ جۇزىندە رۇقسات ەتىلەدى", - دەدى ءبىرتانوۆ جۋرناليستەرگە بەرگەن سۇحباتىندا.
مينيستردىڭ ايتۋىنشا, بۇگىندە دونوردى كۇتىپ جۇرگەن ناۋقاستار كوپ. ال قازىرگى نورمانىڭ ارقاسىندا ءبىراز ادامنىڭ ءومىرىن ساقتاپ قالۋعا بولادى.
"بىراق كەيدە تۋعان-تۋىستار سوتقا بەرەدى. نەگە بىزدەن رۇقسات الماي, اعزانى الاسىز دەپ شاعىمدانادى. نەگىزى, زاڭ بويىنشا رۇقسات الۋدىڭ قاجەتى جوق. ادام ءتىرى كەزىندە قارسى ەكەنىن جازىپ كەتۋى كەرەك. مىسالى, بۇگىندە سيفروۆيزاسيا اياسىندا ەمحاناعا تىركەلگەندە ءار ازاماتقا دونور بولۋعا كەلىسەسىز بە, الدە باس تارتاسىز با دەپ ۇسىنىس جاسالادى. كوپ ازاماتتار كەلىسەدى. ءبىز وسىنى پايدالانىپ, باسقا ادامداردىڭ ءومىرىن ساقتاپ ءجۇرمىز", - دەپ اتاپ كورسەتتى ءبىرتانوۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر