ادام اعزاسىن ساتتى دەپ كۇدىككە ىلىنگەن عاني قۇتتىمۇراتوۆقا جازىقسىز جالا جابىلدى دەپ وتىر

ەلىمىزدە بۇيرەگىن اۋىستىرۋعا مۇقتاج 2500 ادام كەزەكتە تۇر دەپ حابارلايدى ؛qamshy.kz اقپارات اگەنتتىگى ؛ەۋرازيا ؛ارناسىنا سىلتەمە جاساپ. ؛

الايدا, ءقازىر بەلگىلى ترانسپلانتولوگ عاني قۇتتىمۇراتوۆ ادام اعزالارىن زاڭسىز الدى دەگەن كۇدىككە ءىلىنىپ, قاماۋدا وتىرعاسىن وپەراسيالاردى جاساۋ توقتاتىلىپتى. بىرنەشە اۋىر ايىپ تاعىلعان دارىگەر 2012 جىلدان بەرى وتكىزىلگەن 1194 وتانىڭ 340-نا قاتىسىپ ءساتتى اياقتاعان. قازاقستاننىڭ مەديسينالىق بىرلەستىگى كۇدىككە ىلىنگەن ونى تەرگەۋ يزولياتورىنان بوساتۋدى سۇراپ وتىر. سەبەبى, ناۋقاستار قيىن جاعدايعا دۋشار بولعان كورىنەدى. ؛قازىر عاني قۇتتىمۇراتوۆ جايلى نە بەلگىلى؟

مايىتتىك دونورلىقتىڭ جوقتىعىننان ەلىمىزدە جىل سايىن 80 ادام جان تاپسىرادى ەكەن. وعان قوسا, مەديسينانىڭ بۇل كۇردەلى سالاسىن مەڭگەرگەن تاجىريبەلى ترانسپلانتولوگ ماماندار ساۋساقپەن سانارلىق. وسى ورايدا, تانىمال حيرۋرگ عاني قۇتتىمۇراتوۆتىڭ يزولياتوردا وتىرعانىنا مىنە ءۇش ايدان
اسىپتى. ارىپتەستەرىنىڭ سوزىنشە, 2017 جىلى عاني قۇتتىمۇراتوۆ جۇمىس ىستەيتىن ۇلتتىق عىلىمي ونكولوگيا جانە ترانسپلانتولوگيا ورتالىعى باسشىلىعىمەن الدەقانداي شەتەلدىك كومپانيا كەلىسىمشارت جاساسقان. وسى ۋاقىتتا ءتىرى دونوردىڭ بۇيرەگىن الۋ ارقىلى وپەراسيا جۇزەگە اسىرىلىپتى. سودان بەرى, قيىردان ناۋقاستار دونور, رەسيپيەنت رەتىندە اعىلا باستاعان كورىنەدى.

"ول قىلمىستىق ءىس بويىنشا كۇدىككە ءىلىنىپ وتىر. عاني قۇتتىمۇراتوۆ ەكى اۋىر باپ بويىنشا ايىپتالۋدا. ءبىرىنشىسى 246-باپتىڭ ء2-بولىمى, ياعني وعان ترانسۇلتتىق ۇيىمداسقان توپ قۇرۋ نەمەسە ترانسۇلتتىق قىلمىستىق ۇيىمعا قاتىسى بار دەگەن كىنا ارتىلدى. ەكىنشىسى, 116-باپتىڭ ء3-بولىمى. بۇل ادامنىڭ ورگاندارى مەن تىندەرىن زاڭسىز الۋ دەگەن ءسوز", - ؛دەيدى "مەديسينالىق قىزمەتكەرلەردىڭ قۇقىعىن قورعاۋ" رەسپۋبليكالىق قوعامدىق بىرلەستىگىنىڭ پرەزيدەنتى نۇرلىبەك ۇدەرباەۆ.

ترانسپلانتولوگيا سالاسىندا اتى شىققان بەلگىلى مامان بۇنداي قىلمىسقا باردى دەگەنگە ورتاسى مۇلدەم سەنبەيدى. ونىڭ بار نيەتى تەك دەرتى دەندەگەندەرگە قول ۇشىن سوزۋ ەدى دەيدى ولار. قويان-قولتىق قاتار قىزمەت اتقارعان ارىپتەستەرى وزگە ەلدەردەن كەلگەندەرگە وپەراسيا جاساعانىمەن, بىرەۋىمەن دە جەكە بايلانىسقا شىققان جوق. ال, وزىنە تۇتىنۋشى تارتۋعا حيرۋرگتىڭ جالعىز ۇلگەرۋى مۇمكىن ەمەس.

"مەن ونى دارىگەر, حيرۋرگ, ارىپتەس, ادام رەتىندە جاقسى بىلەمىن. مەن ءۇشىن وعان اۋىر ايىپتار تاعىلىپ, تەرگەۋ يزولياتورىندا وتىرعانى تاڭعالارلىق جاعداي. ول ەشقاشان ەشكىمگە جاماندىق جاساپ, ءقاۋىپ توندىرگەن جان ەمەس. بۇنداي ادامدى قاماۋدا ۇستاۋ ناعىز ادىلەتسىزدىك. مەنىڭشە, حالىقارالىق قىلمىستىق توپ قۇرىپ, ناۋقاستاردى جيناپ ءارى وپەراسيا جاساپ ۇلگەرۋگە ءبىر حيرۋرگتىڭ كۇشى جەتپەيدى", - دەيدى ۇلتتىق عىلىمي كارديوحيرۋرگيالىق ورتالىق باسقارماسىنىڭ ءتوراعاسى يۋريي پيا.

وسىلايشا, عاني قۇتتىمۇراتوۆتى اق دەپ بىلەمىز دەگەن قىزمەتتەستەرى ونى تەرگەۋ يزولياتورىنان بوساتۋدى سۇراۋدا. ويتكەنى, ونى ەم-دومىن جالعاستىرۋ ءۇشىن كۇتىپ جۇرگەن ناۋقاستار كوپ ەكەن. الايدا, تانىمال ترانسپلانتولوگتىڭ قورعاۋشىسى ونىڭ وپەراسيا ۋاقىتىندا جالعىز بولماعانىن ايتتى.

"مەنىڭ بىلەتىنىم, قىرعىزستان ازاماتشاسى وپەراسياعا اۋدارماشى رەتىندە قاتىسقان. مۇندا دونور بولعاندار وزبەكستان, قىرعىزستان, تادجىكستاننىڭ ازاماتتارى. ال رەسەپيەنتتەر ءيزرايلدىڭ ازاماتتارى", - ؛دەيدى عاني قۇتتىمۇراتوۆتىڭ ادۆوكاتى الدىرزا قۋانىشكەرەەۆ. ؛

ادۆوكات ايتقانداي, ءقازىر شەتەلدىكتەرمەن تىلدەسۋگە كومەكتەسكەن كەلىنشەك تە تۇرمەگە قامالىپتى. ال, ۇيىمداسقان قىلمىستىق توپ قۇرىپ, ادام ورگاندارىن شەتەلدىكتەرگە ساتتى دەپ كۇدىككە ىلىنگەن دارىگەر تۋرالى مينيستر ەلجان ءبىرتانوۆ تا ءوز ويىن ءبىلدىردى.

"بىز مەملەكەتتىك ورگان رەتىندە تەرگەۋ بارىسىنا ارالاسۋعا قۇقىمىز جوق. مەن عاني قۇتتىمۇراتوۆتىڭ جۇبايىمەن كەزدەستىم. ارينە, جاعدايدى ءبىلدىم. ءبىراق ءبارىن زاڭناما شەڭبەرىندە جاساۋ كەرەك. ارى قاراي ناتيجەلەردى كۇتەمىز. وعان دارىگەر رەتىندە وڭ سيپاتتاما بەرەمىز. بۇل مىنەزدەمە ءتيىستى ورگاندارعا تاپسىرىلدى", - دەيدى قر دەنساۋلىق ساقتاۋ ءمينيسترى ەلجان ءبىرتانوۆ. ؛

ال, ءىىم-نىڭ اقپاراتىنشا,ادام اعزاسىن زاڭسىز يەمدەنۋشىلەر تەرگەلۋ ۇستىندە ەكەن. ءقازىر ىسكە قاتىستى ۆەدومستۆوارالىق جەدەل تەرگەۋ توبى قۇرىلىپتى. جاۋاپتى ورگان تەكسەرۋ بارىسىندا ادامنىڭ دەنە بولىكتەرىن زاڭسىز ترانسپلانتاسيالاۋعا عاني قۇتتىمۇراتوۆتىڭ قاتىسى بارىن انىقتادىق دەپ وتىر.