• usd 468.56

  • eur 497.56

  • rub 7.3

  • cny 67.18

29 ناۋرىز, 19:12:40
الماتى
+35°

24 شىلدە, 2019 ايتتى-ەي, باۋىرىڭ!

مۇحتار جاكىشەۆ: "؛سىبىرلاپ ايتىلعان شىندىق قاتتى ءارى جاڭعىرىپ ەستىلەدى"؛

بۇگىن سەمەي قالاسىندا مۇحتار جاكىشەۆتى مەرزىمىنەن بۇرىن بوساتۋ تۋرالى سوت وتىرىسى ءوتتى. سۋديا سوت شەشىمىن وزگەرىسسىز قالدىردى.

سۋديا مىرزا, بۇل مەنىڭ سوڭعى 10 جىل ىشىندەگى العاش رەت ەل الدىنا شىعۋىم. سونداي-اق بۇل مەنىڭ قاتىسۋىممەن وتكەن بەسىنشى سوت وتىرىسى ەكەنىن ايتقىم كەلەدى. وسىدان 10 جىل 2 اي بۇرىن وتكەن العاشقى سوت وتىرىسى كەزىندە سۋديا ماعان سانكسيا جاريالاپ, اسكەري سوتتا قامايتىنىن مالىمدەدى. مەن "اسكەري سوتقا قانداي قاتىسىم بار ەكەنىن سۇراعانىمدا, "قازاتومونەركاسىپ" اسكەري كۇشكە قاتىستى تاۋارلاردىڭ بارىن ايتتى. ءبىراق "قازاتومونەركاسىپتە" ەشقاشان قارۋلى كۇشكە قاتىستى تاۋار بولمادى. مەن, ارينە, كىم, قاشان دەپ سۇراق قويعانىمدا "مۇنداي اقپارات بەرە المايمىز" دەپ جاۋاپتان جالتاردى. بۇل مەنىڭ ءبىزدىڭ سوتپەن العاشقى تانىسۋىم ەدى. ؛

ەكىنشى سوت وتىرىسى. سۋديا ۇكىمى مەن كۋاگەرلەردىڭ ايتقانىمەن دە سايكەس كەلمەدى. سونىمەن قاتار سۋديا ماعان "جوعارى مارتەبەلىم" دەپ سويلەۋ كەرەكتىگىن ايتقان. ءبىراق مەن "سۋديا مىرزا" دەپ اتاۋدى جالعاستىردىم. ءبىراق ول دا بۇلاي اتاۋعا لايىق بولمادى. ؛

ۇشىنشى سوت وتىرىسىنا مەن جارتىلاي قاتىستىم دەسەم دە بولادى. ماعان قانداي ايىپ تاعاتىندارى عانا قىزىق بولدى. ءبىراق سوندا دا تۇسىنە المادىم. مەنى "قازاتومونەركاسىپ" ەشقانداي زاۋىت سالمادى, تاۋارلاردى ءوز باعىسىنان جوعارى باعاعا ساتىپ الدى دەگەن ايىپ تاعىلدى. "قازاتومونەركاسىپ" ءوز بەتىنشە قۇبىر زاۋىتتارى مەن تەمىر جول سالۋ قاجەت ەدى. سوندا عانا بارلىعىن ءوز باعىسىمەن الا الادى. ءبىراق تەرگەۋ ناتيجەسى ءوز باعاسى مەن ساتۋشىنىڭ مارجاسىنىڭ اراسىنداعى ايىرماشىلىقتى "قازاتومونەركاسىپتىڭ" شىعىنى دەپ كورسەتكەن. مەن ءوز كەزەگىمدە قر پرەزيدەنتىنىڭ بۇل ىسكە تىيىم سالعانىن ايتتىم. ياعني مەن قۇبىر زاۋىتىن, تەمىر جول مەن قىشقىل زاۋىتىن ؛ سالا المايمىن, سەبەبى بۇل جۇمىستار باسقا ادامدارعا مىندەتتەلگەن. بۇل "قازاتومونەركاسىپتىڭ" نەگىزگى قىزمەتى ەمەس. سول سەبەپتى مەنى زاۋىت سالمادى, تاۋاردى ءوز باعاسىنان جوعارى باعاعا ساتىپ الدى دەپ ايىپتاۋ - ءبىرتۇرلى. ؛بىز سوتتا وسى ماسەلەلەردىڭ ءبارىن تۇسىندىرە باستاعاندا, زالال تۋرالى قۇجاتتاردى دايىنداعان ساراپشىلار سوتتا بۇل زالال ەمەس, مامىلەنى رەتتەۋ ەكەنىن مويىنداعان بولاتىن. ؛

بىراق شاعىمدار كەيىنىرەك پايدا بولدى. قاپشاعايدىڭ ءبىر جەرىندە, بەلگىسىز ءبىر سۋديا شىعىن رەتىندە تانىلماعان ەسەپتەۋلەردى الىپ, اتقارۋ پاراعىنا اۋىستىرعان. بۇل سوتقا مەن دە, مەنىڭ قورعاۋشىلارىم دا قاتىسپادى. سونداي-اق بۇل تۋرالى مەن جاقىندا عانا ءبىلدىم. ؛

تورتىنشى سوت وتىرىسى بىلتىر وسى زالدا ءوتتى. اتالمىش سوت وتىرىسىندا مەنىڭ مەرزىمىمنەن بۇرىن بوساتۋ تۋرالى عانا ءسوز قوزعالدى. ؛جوعارعى سوتتىڭ شەشىمىنە سايكەس, ەگەر سوتتالعان ادام اۋرۋىنا نەمەسە ەڭبەككە جارامسىزدىعىنا بايلانىستى جۇمىس ىستەي الماسا, سوت تالاپ-ارىزى شارتتى تۇردە مەرزىمىنەن بۇرىن باس تارتۋعا نەگىز بولىپ تابىلمايدى. جاي عانا مەنىڭ قانشالىقتى اۋىراتىنىم مەن جۇمىس ىستەۋگە مۇمكىندىگىمدى انىقتاۋ كەرەك بولعان. ءبىراق سوت باسقا جولدى تاڭدادى. ؛

اتالمىش سوت وتىرىرىستارى ءبىر عانا نارسەنى ايعاقتاپ تۇر. شىندىقتىڭ جوق ەكەنىن. شىندىقتىڭ جوقتىعى, وكىنىشكە وراي, ءبىزدىڭ ار-لجدانىمىزبەن, ىشكى كوزقاراسىمىزبەن شەشىم قابىلداپ, قادام جاساۋىمىزعا كەرى اسەرىن تيگىزەدى. شىندىق - اۋرۋ ەمەس. ونى قولدان جاساۋعا دا, جۇقتىرۋعا دا بولمايدى. شىندىق ءارقايسىمىزدىڭ ىشكى جان-دۇنيەمىزدە. ءارقايسىمىز تاڭداۋ جاساۋعا قۇقىلىمىز. سىبىرلاپ ايتىلعان شىندىق قاتتى ءارى جاڭعىرىپ ەستىلەدى. ؛

بىز بىرگە دۇرىس تاڭداۋ جاساپ, وڭ شەشىم شىعارادى دەپ قاتتى ۇمىتتەنەمىن. ءتىپتى باس پروكۋراتۋرانىڭ فورماسىن كيگەن ادامنىڭ ءوزى اقيقات پەن شىندىقتىڭ جاعىناشىققان ءوز ارىپتەسىنە قۇرمەتپەن قارايتىن بولادى. ؛ولار ءوز شەشىمىن اقيقات پەن زاڭ نەگىزىندە قابىلدايتىن جانە وسى شەشىمدەردى تەك ءبىر جەردەن قوڭىراۋ شالۋمەن ەمەس, ءوزىنىڭ ابىرويىمەن عانا ۇيلەستىرەتىن سۋدياعا ۇلكەن نازار اۋدارادى.سول كەزدە عانا كەز كەلگەن ازامات ءاربىر سۋدياعا "جوعارى مارتەبەلىم" دەپ قۇرمەتتەيتىن بولادى. مىنە, وسىنداي تاڭداۋ جاسايمىز دەپ ۇمىتتەنەمىن. ەگەر بۇلاي بولماسا, مەن ساتتىلىك تىلەيتىن ءبىر ادام ايتپاقشى, ءبىز جانە بالالالارىمىز ءۇشىنشى الەمدە ەكىنشى سورتتاعى ادام بولىپ قالا بەرەمىز جانە ولار ماڭگى ءارى ءۇمىتسىز دامي بەرەدى. مەنىڭ ايتارىم وسى. ؛

مۇحتار جاكىشەۆتىڭ 24 شىلدەدە وتكەن سوت وتىرىسىنداعى سوڭعى ءسوزى

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر