ۇبت: وقۋعا تۇسە الماي قالعان تۇلەكتەرگە تاعى ءبىر مۇمكىندىك بەرىلەدى

ەرتەڭ تامىز ايىندا اقىلى نەگىزدە وتكىزىلەتىن ۇلتتىق ءبىرىڭعاي تەستىلەۋگە وتىنىشتەر قابىلداۋ باستالادى دەپ حابارلايدى ؛qamshy.kz اقپارات اگەنتتىگى sputniknews.kz سايتىنا سىلتەمە جاساپ.

"وتىنىشتەر جەلىلىك جوعارى وقۋ ورىندارىندا 25 شىلدە مەن 3 تامىز ارالىعىندا قابىلدانادى", - دەپ جازىلعان ۇلتتىق تەستىلەۋ ورتالىعىنىڭ سايتىندا.

 ؛جوعارى وقۋ ورنىنا اقىلى نەگىزدە تۇسۋگە مۇمكىندىك بەرەتىن ۇلتتىق ءبىرىڭعاي تەستىلەۋ 2019 جىلدىڭ 17-20 تامىز ارالىعىندا وتكىزىلەدى. باعاسى &ndash؛ 2242 تەڭگە.

اقىلى ۇبت

قازاقستاندا 11 (12) - سىنىپ تۇلەكتەرىنىڭ جىلىنا ءتورت رەت ۇبت تاپسىرۋعا مۇمكىندىگى بار, ولاردىڭ ۇشەۋى اقىلى نەگىزدە بولادى.

• 15 قاڭتاردان 20 قاڭتارعا دەيىن (اقىلى) - وتىنىشتەر 1-15 جەلتوقسان ارالىعىندا قابىلدانادى؛
• 24 ناۋرىزدان 29 ناۋرىزعا دەيىن (اقىلى) - وتىنىشتەر 1-15 اقپان ارالىعىندا قابىلدانادى؛
• 20 ماۋسىمنان 5 شىلدەگە دەيىن (تەگىن) - وتىنىشتەر 10 ناۋرىزدان 10 مامىرعا دەيىن قابىلدانادى؛
• 17 تامىزدان 20 تامىزعا دەيىن (اقىلى) - وتىنىشتەر 25 شىلدەدەن 3 تامىزعا دەيىن قابىلدانادى.

تەستىلەۋدى قاڭتار, ناۋرىز جانە تامىز ايلارىندا ءساتتى تاپسىرعان ستۋدەنتتەر جوعارى وقۋ ورىندارىنا اقىلى نەگىزدە تۇسە الادى. ال ماۋسىم-شىلدە ايلارىنداعى تەستىلەۋ مەملەكەتتىك ءبىلىم گرانتىن الۋعا مۇمكىندىك بەرەدى.

2019 جىلى 110 مىڭنان استام ادام ۇبت تاپسىردى, ولاردىڭ 82 مىڭنان استامى 50 بالدىق شەكتى دەڭگەيدەن ءوتتى.