• usd 389.52
  • eur 429.21
  • rub 6.07
  • cny 54.94
19 قازان، 09:13:42
نازارباەۆ: "؛نۇر وتان"؛ حالىقتى مازالايتىن ماسەلەلەرگە ارالاسپايدى

23 شىلدە، 2019 ۇلت بولمىسى

«قامشى» پورتالى «وزگەر-ىس» جالپىقازاق جاستارىنىڭ ءبىرىنشى قۇرىلتايىن وتكىزەدى (ۆيدەو)

قازاق ەلىنە  «وزگەرىس» كەرەك. تۋراسىن ايتقاندا ءىستىڭ وزگەرگەنى كەرەك. وزگەرىستى جاستاردىڭ جاساعانى ابزال. سول ءۇشىن بۇل جيىندى 1917 جىل وتكەن ءبىرىنشى، ەكىنشى جالپىقازاق سەزىنىڭ داستۇرىمەن «وزگەر-ىس» جالپىقازاق جاستارىنىڭ ءبىرىنشى قۇرىلتايى دەپ اتاۋدى ءجون كوردىك.

 ؛

قۇرىلتاي نە ءۇشىن كەرەك بولدى؟

جاڭا پرەزيدەنت كەزەڭى باستالدى. ؛ 30 جىل قوردالانعان ماسەلەلەر حالىقتى «؛الاڭعا»؛ شىعاردى. مىزعىماستاي بولعان جۇيەنىڭ مىڭ پروبلەماسى تەز ارادا شەشىلمەسە، تاۋەلسىزدىككە قاتەر تونەتىن جاعدايعا جەتتى. قاتىپ قالعان بيلەۋ ءتاسىلى تەك جاستاردىڭ قولىمەن جاڭالانباسا باسقا جول جوق ەكەنى ايدان انىق بولدى. اقوردا تاراپىنىڭ دا الاش جۇرتىمەن ديالوگقا دايىن ەكەنى ايتىلدى. ەندى تەك ءىس كەرەك. ءسوز ەمەس!!! ەڭ باستىسى &ndash؛ ەل ىرگەسىن شايقالتپاي، تۇبەگەيلى «؛وزگەرىس»؛ جاساۋ كەرەك. ول قانداي وزگەرىس؟ جالپىلاما سيپاتتايىق. جىڭىشكەلەپ جىكتەۋ - وتكەلى وتىرعان قۇرىلتايدىڭ ەنشىسىندە قالسىن.

قۇرىلتاي

قۇرىلتاي مازمۇنى:

بىرىنشى، ۇلتتىق ءعىلىم-بىلىم. قازاق بالاسىنىڭ ساناسىن سانسىراتپايتىن، ؛ قازاق ۇستازىنىڭ ءقادىرىن ارتتىراتىن ۇلتتىق وقۋ-اعارتۋ جۇيەسىن قۇرۋ! قازاقستاندىق دارىندىلاردىڭ شەتەل اسپاۋى ءۇشىن ۇلتتىق قوردىڭ ارنايى بولىگىن عىلىمنىڭ دامۋىنا ءبولىپ، شىن تالانتتىلاردىڭ عىلىمدى دامىتۋىنا بارلىق جاعدايدى جاساۋ قاجەت.

ەكىنشى، ۇلت قازىناسى. اتا-بابادان قالعان جەر، كەن بايلىعىن قازاقتىڭ اشىق باقىلاۋىنا قول جەتكىزۋ، كەلەسى ۇرپاقتىڭ دا ەنشىسىن ءقازىر ەسەپكە ەنگىزۋ. ؛

ۇشىنشى، ۇلتتىق پارلامەنت، ۇلت اسكەرى، ۇلت پوليسياسى، ۇلتتىق سوت قالىپتاسۋىن قامتاماسىز ەتىپ، كۇشتىك قۇرىلىمدار مەن قۇقىق قورعاۋ ورگاندارىن بيلىكتى قورعاۋعا ەمەس حالىقتى قورعاۋعا جۇمىلدىراتىن جاڭا زاڭ، تىڭ رەفورما جاساۋ. ساياسي تۇتقىنداردى اباقتىدان بوساتۋ، «؛سايلاۋ تۋرالى»؛، «؛بەيبىت شەرۋ»؛ تۋرالى، «؛باق»؛ تۋرالى زاڭدارعا وزگەرىستەر ەنگىزىپ، ازاماتتاردىڭ ساياسي ۇستانىمى ءۇشىن قۇقىعى شەكتەلۋىن بولدىرماۋ.

تورتىنشى، ۇلتتىق ەكونوميكا. ەل ەكونوميكاسىن تاۋەلسىزدەندىرۋ، وتاندىق ءوندىرىستى 3 جىلعا دەيىن سالىقتان بوساتۋ. اۋىل-شارۋاشىلىق ونىمدەرىن شەتەلگە ەكسپورتتاۋعا بار جاعدايدى جاساۋ. ۇلان-بايتاق قازاق جەرىن الەمدىك ازىق-تۇلىك ورتالىعىنا اينالدىرۋ. ؛

بەسىنشى، ۇلتتىق يدەولوگيا. تىلدەگى شۇبارلىق، دىندەگى الاۋىزدىق، دىلدەگى بەرەكەسىزدىكتى جوياتىن ءبىرتۇتاس ۇلتتىق جاڭالانۋ پروسەسىن تەز قارقىنمەن جۇزەگە اسىرۋ.

التىنشى، ايماقتىق قاۋىپسىزدىك. رەسەي، قىتاي سىندى الپاۋىت كورشىلەرمەن، ەجەلدەن ءتىلى، ءدىنى ءبىر تۋىسقان مەملەكەتتەرمەن بۇرىنعى جاسالعان كەلىسىمشارتتارعا وزگەرىستەر ەنگىزۋ جانە جەتىلدىرۋ ارقىلى ؛ ايماقتىق قاۋىپسىزدىكتى ساقتاۋدا «؛تەڭدىك»؛ ءپرينسيپىن ۇستاناتىن جاڭاشا ىنتىماقتاستىقتى قالىپتاستىرۋ.

جەتىنشى، ؛ ۇلتتىق تاريح. قازاق تاريحشىلارىن جەتكىلىكتى دەڭگەيدە قولداۋ مەن جاڭا تولقىن تاريحشىلاردى بىرىكتىرۋ ارقىلى «؛قازاقستان تاريحىن»؛ قايتا جازىپ شىعۋ.

سەگىزىنشى، ۇلتتىق ءوسىم. كوپ بالالى انالار مەن جاس وتباسىلاردى قولداۋ جانە شەتەلدەگى قازاقتاردىڭ ۇلتتىق بولمىسىن ساقتاۋ مەن ولاردىڭ وتانىنا ورالۋىنا بار مۇمكىندىكتى جاساۋ جولدارىن ۇسىنۋ. ؛

توعىزىنشى، تۇركى بىرلىگى. تۇركى مەملەكەتتەرى اراسىندا ورتاق ەكونوميكالىق كەڭىستىك قۇرۋ، ورتاق ءبىلىم جۇيەسىن جەتىلدىرۋ، ورتاق اسكەري بىرلىك قالىپتاستىرۋ.

ونىنشى، قازاق ارمانى. الاش توپىراعىن مەكەندەيتىن ءارتۇرلى ۇلتتار «؛قازاق بىرلىگىنىڭ»؛ اينالاسىنا توپتاسىپ تەڭ ءومىر سۇرەتىن، تۇركى مەملەكەتتەرىنىڭ ءتۇپ قازىعىنا اينالعان، ورتا ازيانىڭ ساياسي ورتالىعى &ndash؛ دامىعان قازاق ەلى بولۋ!

قۇرىلتاي

 ؛

قۇرىلتايدىڭ وزگەشەلىگى:

قازاق تىنىش بولسا، قازاقستان تىنىش! قازاقستان تىنىش بولسا، قازاق جەرىن مەكەندەيتىن كەز كەلگەن ادام بەيبىت، بەرەكەلى قوعامدا ءومىر سۇرەدى. ەڭ الدىمەن «؛وزگە ءناسىلدىڭ»؛ قامىن ويلاپ كەلگەن بيلىككە دە، سوعان كونىپ كەلگەن قازاققا دا ءقازىر ءبىر انىق نارسە - وسى! وسىعان دەيىن «؛جەتىمنىڭ»؛ كۇيىن كەشىپ كەلگەن الاش جۇرتى ەندى «؛ولگەنى ءتىرىلىپ، وشكەنى جانسا دا»؛، باياعى قوناقجايلىعى مەن باۋىرمالدىعىنان اينىمايدى. ول &ndash؛ اقيقات! اقيقات &ndash؛ ەڭ الدىمەن قازاقتىڭ جوعى تۇگەندەلىپ، ءوز ەلىنەن ءتيىستى ەنشىسىن الۋى!

قۇرىلتاي ماقساتى:

تاۋەلسىزدىك جىلدارىنىڭ الدى-ارتىندا دۇنيەگە كەلگەن، وزىندىك وي-پىكىرى قالىپتاسقان جاستاردىڭ باسىن قوسۋ. سول ارقىلى «؛داعدارىستاعى بيلىككە»؛ باعىت-باعدار ۇسىنۋ جانە قوردالانعان ماسەلەلەردى شەشۋگە اتسالىسۋ. وزدەرىنىڭ قانداي مەملەكەتتە ءومىر سۇرگىسى كەلەتىنىن بيلىك نازارىنا، حالىق تارازىسىنا سالۋ!

قۇرىلتايعا قاتىسۋ شارتتارى:

سپيكەرلەر (بايانداما جاساۋ): 35 جاسقا دەيىنگى ازاماتتار.

قوناقتار (پىكىر الماسۋ): 45 جاسقا دەيىنگى قازاقستان ازاماتتارى جانە تۇركيا، ءازىربايجان، وزبەكستان، قىرعىزستان، رەسەيدەن باق وكىلدەرى.

قۇرىلتاي

قامتۋ ايماعى: 14 وبلىس، 3 قالا، شەتەلدەن ورالعان قانداستار، تۋىسقان ەلدەردىڭ باق وكىلدەرى.

ار وڭىردەن 5 ادامنان جيىنى 85 سپيكەر (ساياساتكەر-ساياساتتانۋشى، جۋرناليست-بلوگەر، كاسىپكەر-ەكونوميست، it مامانى-پروگرامميست، ءبىلىم سالاسىنىڭ مامانى-وقىتۋشى، ەگىنشى-مالشى ت.ب. ماماندىق يەلەرى) قاتىسا الادى. سونداي-اق، موڭعوليا، قىتاي، رەسەي، تۇركيا، ت.ب. شەتەلدەردەن ورالعان قانداستارىمىزدان 15 ادام قاتىسادى.

وز ەركىمەن قوناق رەتىندە قاتىسۋشىلارعا شەكتەۋ جوق.

رەسمي قاتىسۋشىلاردىڭ جانە شەتەلدەن كەلەتىن باق وكىلدەرىنىڭ جولاقىسى، جاتىن ورىنى، تاماقتانۋ شىعىندارى «؛قامشى»؛ اقپارات اگەنتتىگى تاراپىنان تولەنەدى.

قاتىسۋشىلاردىڭ ءوز اراسىندا ىرىكتەۋ ارقىلى نەمەسە داۋىس بەرۋ ارقىلى «؛وزگەر-ىس»؛ تۋرالى ەڭ ۇزدىك بايانداما جاساۋشىعا ءاليحان بوكەيحانوۆ اتىنداعى ميلليون تەڭگە ارنايى سىيلىق بەرىلەدى.

ۇمىتكەرلەر «؛قۇرىلتاي مازمۇنىندا»؛ ايتىلعان ماسەلەلەر بويىنشا وي-پىكىرىن جازباشا تۇردە نەمەسە ۆيدەومەن turan.qamshy@gmail.com ەلەكتروندى مەكەن-جايىنا ەرتەڭنەن باستاپ جىبەرە الادى جانە ول ۇسىنىستار «؛قامشى»؛ پورتالىندا جاريالانادى. قاتىسۋشىلار «؛ۇسىنىستارىنىڭ»؛ وزەكتىلىگى مەن ؛ وتكىرلىگىنە قاراي ىرىكتەلەدى. «؛ۇسىنىستاردى»؛ ىرىكتەۋدە ءارتۇرلى مامانداردان جاساقتالعان ارنايى توپتىڭ جانە «؛قامشى»؛ وقىرماندارى مەن الەۋمەتتىك جەلى قولدانۋشىلارىنىڭ پىكىرى ەسەپكە الىنادى.

قاتىسۋشىلارعا قۇلاققاعىس: ەگەر ىرىكتەۋدەن ءوتىپ، قۇرىلتايعا قاتىسۋ مۇمكىندىگىنە يە بولىپ جاتساڭىز، الاشوردا كوسەمدەرىنىڭ كيىم ۇلگىسىمەن كەلۋدى قۇپ كورەمىز. ارينە بۇل ءبىزدىڭ ۇسىنىس قانا. شەشىم ءار ازاماتتىڭ ءوز تاڭداۋىنا بەرىلەدى.

وتەتىن ورىنى: الماتى قالاسى

وتەتىن ۋاقىتى: 26، 27 قازان.

قۇرىلتايدى ۇيىمداستىرۋشى: «؛قامشى»؛ اقپارات اگەنتتىگى

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر