الداعى ۋاقىتتا كرەديت بەرۋ شارتتارى وزگەرەدى

ۇلتتىق بانك ءتوراعاسى ەربولات دوساەۆ كرەديت بەرۋ شارتتارىن وزگەرتۋ تۋرالى ايتتى, دەپ حابارلايدى ؛qamshy.kz اقپارات اگەنتتىگى ؛sputnik قازاقستان ؛سايتىنا سىلتەمە جاساپ.

باس بانكيردىڭ ايتۋىنشا, جىل سوڭىنا دەيىن ازاماتتاردىڭ بەرەشەگىن وسىرمەۋ ماقساتىندا ونلاين كرەديتورلار, كرەديتتىك سەرىكتەستەر مەن لومباردتاردى رەتتەۋگە ارنالعان ءنورماتيۆتى اكتىلەر قابىلدانادى.

"بانكتەر مەن بانكتىك قىزمەت تۋرالى زاڭعا, سونداي-اق ميكروقارجىلىق ۇيىمدار تۋرالى زاڭعا 90 كۇننەن استام مەرزىمى وتكەن قارىزدارعا تۇراقسىزدىق ايىبىن, كوميسسيالاردى جانە وزگە دە تولەمدەردى ەسەپتەۋگە تىيىم ورناتۋ بويىنشا تۇزەتۋلەر ەنگىزىلەتىن بولادى. ۇلتتىق بانك اتالاعان تۇزەتۋلەردى پارلامەنتتىڭ قاراۋىنا قىركۇيەكتە ەنگىزەدى", - دەدى دوساەۆ ۇكىمەت وتىرىسىندا.

ونىڭ سوزىنە قاراعاندا, كرەديت العان ادامنىڭ وتباسىنا قالىپتى ءومىر سۇرۋگە قاجەتتى قارجىنى قالدىرۋ ءۇشىن ازاماتتاردىڭ بورىشتىق جۇكتەمەسىن ەسەپتەۋ كەزىندە بارلىق ماسەلە ەسكەرىلەدى.

"قارىز الۋشىنىڭ بارلىق مىندەتتەمەسى, ونىڭ تولەم قابىلەتتىگى جانە الەۋمەتتىك مارتەبەسى ەسەپكە الىناتىن بولادى. بورىشتىق جۇكتەمە كوەففيسەنتىنىڭ شەكتى مولشەرىن ەسەپتەۋ كەزىندە وتباسىنىڭ كامەلەتتىك جاسقا تولماعان ءاربىر مۇشەسىنە تيەسىلى ەڭ تومەنگى كۇنكورىس مولشەرى شەگەرىلەتىن بولادى", - دەپ اتاپ ءوتتى دوساەۆ.

بۇدان بولەك, تۇتىنۋشىلىق كرەديتتەردى بەرۋ كەزىندەگى بانكتەردىڭ مەنشىك كاپيتالىنا قويىلاتىن تالاپتار كۇشەيەتىن بولادى. وسىنىڭ ارقاسىندا شەكتەن تىس كرەديت بەرۋ ساياساتىنىڭ الدىن الۋعا بولادى.