ازىمبەك بايلين: توقال ماسەلەسى ۇيدە اپتاسىنا ءبىر رەت ءسوز بولادى (ۆيدەو)

جۋىردا الەۋمەتتىك جەلىدەگى كوپتىڭ تالقىسىنا تۇسكەن «؛قاتىنىم»؛ ءانى شىققانىن بىلەمىز. ءبىرى بۇل سوزگە شامدانسا, ءبىرى ءجون ساناپ, ۇزىن-سونار تارتىس باستالعان. qamshy.kz اقپارات اگەنتتىگى ءانشىنىڭ وزىمەن سۇحباتتاسىپ, ءاننىڭ ماقسات-مۇددەسىن انىقتاپ, شىعۋ تاريحىن ءبىلۋدى ءجون كورگەن.

قوش! ەلدىڭ بۇل انگە دەگەن كوزقاراسى تۋرالى, ءاننىڭ دۇنيەگە كەلۋ تاريحى, ونەردەگى ازاماتتاردىڭ پىكىرى جايلى ءبىراز اڭگىمەلەستىك. ءارى قاراي وقي تۇسىڭىزدەر.

- سولتۇستىكتىڭ جىگىتىنە «؛قاتىن»؛ دەگەن ءسوز قاتتى اسەر ەتكەندەي مە؟ جەلىدە «؛حيت»؛ بولعان «؛قاتىنىم»؛ ءانىن جازۋعا نە تۇرتكى بولدى؟

- بۇل ءاندى جازۋداعى ماقساتىم &ndash؛ قولدانىستان شىعىپ قالعان قازاقتىڭ تومەن ەتەكتىلەر باعىتىنا قاراتا ايتاتىن «؛قاتىن»؛ دەگەن تيتۋلىنىڭ ماعىناسىن اشۋ ەدى. مەن ءوزىم سولتۇستىكتىڭ جىگىتىمىن. ءبىز جاقتا بۇل ءسوزدى كوپ قولدانا بەرمەيتىن. بىرەۋ تۋرالى كەرەعار پىكىر ايتقاندا, جامانداعاندا, ۇرىس-كەرىستە عانا ارا-تۇرا ەستىپ قالاتىنبىز.

الماتىعا كەلگەنىمە ون جىلدىڭ ءجۇزى بولدى. شىمكەنت جاقتا, جالپى وڭتۇستىك ايماقتاردا «؛قاتىن»؛ دەگەن ءسوزدى كوپ قولدانادى. العاشىندا ماعان دا ەرسى كورىنەتىن. كەلە-كەلە قۇلاق ۇيرەنىپ كەتتى. ءدال وسى ءاندى جازاردا مەن «؛قاتىن»؛ ءسوزىنىڭ تاريحىن قازاقى ءداستۇر بويىنشا, شاريعات بويىنشا ءبىرشاما زەرتتەدىم. جوق, ءقازىر قۇلاققا تۇرپىدەي تيەتىن بۇل ءسوزدىڭ اۋەلگى ماعىناسى مەن تاريحتاعى قولدانىلۋ اياسى ايتارلىقتاي كولەمدى. ماعىناعا سالار بولساق ابىرويدان دا كەندە ەمەس.

«؛قاتىن»؛ ءسوزى ايەلدى ساباسىنا تۇسىرەدى...

قازىرگى ۋاقىتتا كۇندەلىكتى كورىپ جۇرگەن ءبىر جايت بار. جىگىتتەر كەلىنشەگىن, سۇيىكتىسىن «؛جانىم, كۇنىم, ايىم, بوتام»؛ دەپ ەركەلەتىپ جاتادى. مەنىڭ زەرتتەۋىم بويىنشا, ءدال وسى «؛جىلى»؛ سوزدەر ايەل ادامنىڭ ءوز-وزىن كوتەرمەلەۋىنە الىپ كەلەدى. ال قازاقتىڭ ء«؛اي, قاتىن»؛ دەگەن ءبىر اۋىز ءسوزى ونى ساباسىنا تۇسىرەدى ەكەن.

وتباسى بولعان سوڭ ىدىس-اياق سىلدىرلاماي تۇرمايدى. سول كەزدە ەر ادامنىڭ «؛قاتىن»؛ دەگەن ءسوزى وزىنە رۋح بەرىپ, قوجايىن ەكەنىن اڭعارتاتىن قۇدىرەتكە يە.

ان قالاي شىقتى, يدەيا قالاي كەلدى؟

بىرشاما ۋاقىت بۇرىن, مامىر ايى كەزىندە «؛جەكپە-جەك»؛ دەگەن باعدارلاما بولىپ, سوعان ءبىزدىڭ توپتىڭ ءسوليستى ماقسات راحمەت قاتىسىپ, ءبىز قولداۋعا باردىق. باعدارلامادان شىققاننان كەيىن جىگىتتەردىڭ بارلىعىن الىپ كەلىپ ءاندى تىڭداتتىم. ول جەردە ەلدوس ۇمبەتالى دەگەن اقىن, كومپوزيتور باۋىرىم, ايتبەك تۇرسىنباي دەگەن اقىن باۋىرىم بار. سودان جىگىتتەرگە وسىنداي ءان شىعارعانىمدا, ەندى سول انگە تاقىرىپ قاجەت ەكەنىن ايتتىم. ەلدوس «؛تۇرمىستىق تاقىرىپ ال»؛ دەگەن اقىل ايتتى. ارتىنشا «؛قاتىن»؛ دەپ جازساي دەدى. سول جەردە ءبارىمىز بۇل تاقىرىپقا كۇلدىك. ءبىراق ارتىنشا ويلانا باستادىم. ءدال وسى ءسوزدى تەرەڭ ءارى جان-جاقتى زەرتتەي باستادىم.

ومار جالەل, مۇحامەدجان تازابەك سياقتى اعالارىمىز «؛قاتىن»؛ ءسوزىنىڭ دۇرىستىعى تۋرالى ايتىپ ءجۇر عوي. ءبىراق بۇل تۋرالى ءان جوق, تاقىرىپ جوق. سودان تاۋەكەل ەتىپ, بەل بايلادىم.

بۇل ءاننىڭ ءسوزىن جازۋ دا اسا ءبىر قيىندىق تۋعىزدى دەپ ايتپايمىن. جىگىتتەر جينالدىق. تاڭنان كەشكە دەيىن جان-جاقتى دايىندىعىمىزدى, جيعان-تەرگەنىمىزدى ءبىر پىسىقتاپ الدىق. نەگىزى, ءاننىڭ ءسوزىن ەلدوس ۇمبەتالى جازاتىن بولعان. ءبىراق تۋرا جازار كەزدە ايتبەك باۋىرىم ەلدوسقا ءوتىنىش جاسادى. سولاي كىرىسكەن بويدا جارتى ساعات كولەمىندە جازىپ شىقتى ءسوزىن. ەكى اقىن جازعان ءسوزدى امانجول رىسمەنديەۆ اعامىز كەلىپ تۇزەدى, قارادى. وسىلايشا «؛قاتىنىم»؛ دەگەن ءان جارىققا شىقتى.

- كىم قالاي قابىلدادى؟ اسىرەسە ۇزەڭگىلەس جىگىتتەر, ونەردەگى دوستارىڭىز قانداي پىكىر ءبىلدىردى؟

- ءان جارىققا شىققاننان كەيىن ءبىرشاما ادام جاقسى قابىلدادى, ساتتىلىك تىلەپ جاتتى.

كەي جىگىتتەر بولدى «؛ازەكە, بۇل قالاي بولادى ەكەن؟! «؛الاش ۇلى»؛ توبىنىڭ رەپۋتاسياسىنا كەلمەيدى عوي. تويدىڭ توڭىرەگىندەگى ويناقى دۇنيە عوي»؛ دەگەن. ءبىراق ولار دا ءاندى بىرنەشە قايتارا تىڭداپ, بەينەبايانىن كورگەننەن كەيىن پىكىرلەرىن وزگەرتتى.

- بەينەبايان تاقىرىبىنا ءوزىڭىز ويىستىڭىز. بەينەباياندا, تىڭدارماندار پىكىرىنە سۇيەنسەك, بارلىق كەيىپكەر ءوز ورىنىن تاپقان. اكتەرلار قالاي تاڭدالدى؟

- بەينەبايان جىلدام ءتۇسىرىلدى. ول ءۇشىن اعالارعا, دوستارىما, اكتەرلارعا العىسىم شەكسىز. اكتەرلار تاڭداۋعا كەلگەندە كوپتىڭ پىكىرى ءتۇرلى سەريالداردا ەرلى-زايىپتىنىڭ ءرولىن سومداپ جۇرگەن اقبولات پەن ماديناعا ءتۇستى.

اقبولات تا, مادينا دا ءبىر اۋىز سوزگە كەلمەستان كەلىسە كەتتى. ءبىرى اقتوبەدەن, ءبىرى نۇر-سۇلتاننان ۇشىپ كەلدى. تاعى ءبىر ءبيشى نۇر-سۇلتاننان ارنايى كەلدى.

قاراپ وتىرساق, بەينەبايان تۇسىرۋگە ايعا جۋىق ۋاقىت كەرەك. سەناريي جازۋ كەرەك, وپەراتور, كامەرا تابۋ قاجەت, تۇسەتىن اكتەرلارمەن كەلىسۋ كەرەك دەگەندەي. بىزدە, اللاعا شۇكىر دەپ ايتايىن, وسىنىڭ بارلىعى ءبىر اپتانىڭ ىشىندە ءتامام بولدى.

قىمبات ءۇي دە, مەيرامحانا دا, اكتەرلەر دە, وپەراتور كامەراسىمەن تابىلا كەتتى. بۇل رەتتە قولداۋ بىلدىرگەن اعالارعا, ءۇيىن تۇسىرىلىمگە بەرگەن امانجول اعاعا العىس بىلدىرەمىن.

دۇعا جاساپ, باتا الىپ جازعان ءان «؛حيت»؛ بولادى...

نەگە ەكەنىن بىلمەيمىن, وسى ءاندى جازاردا ۇستازداردىڭ الدىنان ءوتىپ, ىشتەي دۇعا جاساپ, يمامدارمەن اقىلداسىپ الدىم. وسىنداي «؛قاتىن»؛ دەگەن ءسوزدى تاقىرىپ ەتپەكپىن, وسى ءسوزدى قولدانىسقا ەنگىزبەكپىن دەگەندەي...

ارينە, مەن بىلەمىن, بۇل اننەن كەيىن كۇللى ەركەك قاھارىنا ءمىنىپ, ايەلىنە ء«؛اي, قاتىن»؛ دەپ زەكىپ شىعا كەلمەسى انىق. دەسەك تە, ۇلتتىڭ تاريحىندا بولعان تيتۋلدى جاڭعىرتىپ, «؛قاتىن»؛ دەگەن ءسوزدىڭ قۇلاقتا قالىپتاسقان جيىركەنىشتىلىگىن ازايتۋعا ءبىر مىسقال بولسا دا ۇلەس قوسقىم كەلدى.

مۇقاعالي ءسوزى...

مۇقاعالي ماقاتاەۆتىڭ «؛قاتىن»؛ ءسوزى تۋرالى ايتقان ءبىر وقيعاسى ەلدىڭ اۋىزىندا ءجۇر. ول كەزدە ەڭ العاش كولىك تىزگىندەگەن تومەن ەتەكتىلەردىڭ تاكسي بولا باستاعان ۋاقىتى. اقىن قول كوتەرسە جانىنا كەلىپ ءبىر كولىك توقتاپتى.

- شوپىر بولا, شوپىر بالا. كولىگىڭدە ورىن بار ما؟ &ndash؛ دەسە رولدەگى ايەل ايتىپتى:

- مەن سىزگە بالا ەمەسپىن, مەن قىزبىن!

- ءاي, شوپىر قىز, شوپىر قىز, كولىگىڭە وتىرعىز, - دەسە رولدەگى ايەل تاعى دا رەنجىپ:

- نەگە ماعان قىز دەيسىز, - دەگەن كورىنەدى. سوندا مۇقاعالي:

- شوپىر قاتىن, شوپىر قاتىن, - دەي بەرگەندە الگى ايەل بۇلقان-تالقان بولىپ:

- مەنى نەگە «؛قاتىن»؛ دەپ كەمسىتەسىز, - دەپتى.

- سەن بىلسەڭ, «؛قاتىن»؛ دەگەن ءسوزدىڭ ءار ارپىندە ماعىنا بار, - دەگەن مۇقاعالي سول تۇستا بۇل ءسوزدى تارقاتىپ بەرىپتى.

«؛ق»؛ دەگەنىم &ndash؛ ءقادىرلىم.

«؛ا»؛ دەگەنىم &ndash؛ اسىلىم.

«؛ت»؛ دەگەنىم &ndash؛ تىنىسىم.

«؛ى»؛ دەگەنىم &ndash؛ ىرىسىم.

«؛ن»؛ دەگەنىم &ndash؛ نامىسىم.

سول تۇستا الگى شوپىر «؛قاتىن»؛ بۇل جاۋاپقا رازى بولىپ ءارى قاراي كەتە بارىپتى دەسەدى...

- ءوزىڭىز بىلەسىز, تاريحتا «؛قاتىن»؛ دەگەن ءسوز تيتۋل. حاننىڭ, سۇلتاننىڭ, ابىرويلى ادامداردىڭ جارىن «؛قاتىن»؛ دەپ اسپەتتەپ اتاعان. ال ءقازىر كەز-كەلگەن ايەل ادامعا «؛قاتىن»؛ دەسەڭ شامدانىپ, بۇلقان-تالقان بولادى. تيتۋلدى ءسوزدىڭ جيىركەنىشتى, كەمسىتۋ سوزىنە اينالىپ كەتۋىنە نە سەبەپ؟ بۇدان قالاي قۇتىلۋعا بولادى؟

- مەن ءاندى شىعاراردان بۇرىن ءبىرشاما زەرتتەدىم. قاراپ وتىرساق, قازاقتىڭ تۇرمىستىق سوزدەرىنىڭ كوپشىلىگى وتارلىق كەزەڭدە بۇرمالانىپ كەتكەن. ويتكەنى, 60-70 جىلدارى قازاق تۇرمىسىنداعى ەر مەن ايەلدىڭ دارەجەسى تەڭەسە باستادى. شاريعات پەن قازاقى زاڭدىلىقتار بۇزىلدى.

يىعىنا كەتپەن اسىپ ەگىندىككە شىققان, تاياق ۇستاپ مال باققان, قولى ماي بولىپ تراكتور ايداعان ايەلدەر كوپ بولدى. وتباسىداعى ءھام قوعامداعى ايەل مەن ەركەكتىڭ دارگەيى تەڭەستى. سودان بەرى الگى «؛قاتىن»؛ ءسوزى كەمسىتۋ, ەڭبەگىن باعالاماۋ, گەندەرلىك ساياساتقا قارسىلىق, ارتتا قالۋشىلىق دەگەن كوزقاراستىڭ استىندا قالىپ كەتتى.

«؛قاتىن»؛ - قاعاننىڭ جارى...

مەملەكەتتىك قوعامدىق قۇرىلىسقا دەيىن پاتشالىق ءداۋىر بولدى. ول كەزدە حاننىڭ, سۇلتاننىڭ ايەلدەرىن پاتشايىم, حانشايىم, حانشا دەپ اتاعان. ال ودان ارىدە قاعاندىق ءداۋىر ءجۇردى. سول كەزدە قاعاننىڭ جارىن «؛قاتىن»؛ دەپ اتاعان. قازاق تا سولاي اتادى. قىز بالاسى وزگە شاڭىراققا كەلىن بولىپ ءتۇسىپ, ءتۇتىن تۇتەتكەن كۇننەن باستاپ «؛قاتىن»؛ تيتۋلىن يەلەنگەن.

وكىنىشكە وراي, ءقازىر ءبارى باسقاشا.

- ءقازىر قاعاندىق داۋىردەن بەرى كەلە جاتقان «؛قاتىن»؛ تيتۋلىن قازاقتىڭ كوپ جىگىتى قولدانبايدى. بۇل كىمنىڭ وسالدىعى؟ الدە ءسوز ەسكىردى مە؟

- ول راس. ءقازىر جىگىتتەردىڭ كوپشىلىگى «؛جانىم, كۇنىم»؛ دەيدى, بولماسا, ءتىپتى, ورىسشا, اعىلشىنشا ەركەلەتەدى. «؛قاتىنىم»؛ دەپ ايتقىسى كەلەتىن جىگىتتەر بار, ءبىراق ايتا المايدى. جارىن بۇلاي اتاسا, كەلىنشەگى شامدانىپ, رەنجىپ قالادى. تۋراسىن ايتقاندا, «؛قاتىن»؛ ءسوزى قازىرگى قوعامدا بوقتىق ءسوز سياقتى سيپات العان.

مەنىڭ ءوزىم ءان شىققالى بەرى عانا ەمەس, بۇرىننان كەلىنشەگىمدى قاتىنىم دەپ ايتامىن. ءنومىرىن دە سولاي ساقتاعانمىن. باسىندا كىشكەنە شامدانىپ قالاتىن. كەيىن ماعىناسىن تۇسىنە كەلە ۇيرەندى. ءتىپتى, «؛جانىم»؛ دەسەڭ ءبىرتۇرلى بولىپ قالادى. (كۇلىپ)

اندى جەلىگە جۇكتەگەننەن كەيىن بايقاپ جاتىرمىز, «؛قاتىن»؛ ءسوزىن جاقتايتىن ەرلەر دە, ايەل ادامدار دا بارشىلىق ەكەن. ويتكەنى, تىڭدارماندار قالدىرعان پىكىرلەر وسىنى ايعاقتايدى. قاراپ وتىرساڭىز, اسىرەسە وڭتۇستىك شاھارلار بۇل ۇردىستەن ءالى جاڭىلا قويماعان.

 ؛«؛قاتىنىم»؛ كانادادا...

ان شىعاردان ءبىر كۇن بۇرىن ءبىر كىسىمەن تانىسقانمىن. ەرتەڭىنە سول كىسىنى قايتا كورىپ قالدىم. ماعان «؛سەن ءانشى ەكەنسىڭ عوي؟»؛ دەدى. يا دەدىم. سول كىسىنىڭ جاقىن قۇربىسى كانادادا تۇرادى ەكەن. سودان قۇربىسىنا حابارلاما جىبەرىپتى. مىناداي كەرەمەت ءان شىعىپتى دەپ. ونى ەستىپ ءبىر مارقايىپ قالدىق.

- «؛قاتىنىم»؛ ءانى شىقتى. وڭ باعاسىن الىپ جاتىر. ءارى قاراي ءدال وسى قارقىنمەن تۇرمىستىق اندەردى جازۋ جوسپاردا بار ما؟

- «؛توقالىم»؛, ء«؛بىرىنشى ايەلگە جەتپەيدى»؛, «؛بايىم»؛, ء«؛وز جارىمنان ارتىعى جوق»؛ دەگەن تاقىرىپتار بار. (كۇلىپ) ءارى قاراي وسىنداي اندەر جازۋ ويدا بار. ءاسانالى ءاشىموۆتىڭ «؛جامان مال ازىعىن ءبىر كۇندە تاۋىسادى»؛ دەگەن ءسوزى بار. مەن دە ءبارىن ءبىرىنىڭ ارتىنان ءبىرىن جىبەرمەيمىن. تىزگىن تارتا وتىرىپ, كۇزگە قاراي ءبىر تۋىندى شىعارسام با دەگەن ويىم بار.

قازىر تىڭدارماندارعا تاربيەلى, سالماقتى, رۋحتى دۇنيەلەر ۇسىنساڭ, تىڭداتۋ قيىن. ايتپەسە «؛الاش ۇلى»؛ توبىنىڭ ءان قورجىنىندا 30-دان اسا ءان بار. ءبارى بىرىنەن ءبىرى وتكەن دۇنيەلەر. سوزىنەن ءمىن تابا المايسىڭ. جانداربەك بۇلعاقوۆ, بولاتبەك ورازباەۆ, تورەعالي تورەالى سىندى تانىمال اقىندار جازعان. حالىق تىڭدايتىن باس-اياعى جەتى-سەگىز ءان بار. «؛باتىرلار ۇرانى»؛, «؛تۇرانىم»؛, «؛ۋگاي»؛, «؛الاش تۋى استىندا كۇن سونگەنشە سونبەيمىز»؛, «؛ماحامبەتتىڭ جىرى»؛ دەگەندەي. قاراپ وتىرساڭىز, بۇدان بولەك تە قانشاما اندەرىمىز بار.

بىز ءقازىر «؛كۇپى كيگەن قازاقتىڭ قارا ولەڭىن, شەكپەن جاۋىپ وزىنە قايتارۋعا»؛ تىرىسىپ جاتىرمىز. سوسىن وسىنداي جەڭىل ءارى تاربيەلى دۇنيەلەر جاساۋعا ۇمتىلامىز.

- ءوزىڭىز «؛توقالىم»؛ دەگەن ءان جازۋ تۋرالى ايتىپ قالدىڭىز. مەن دە سۇراپ قالايىن. جالپى, توقال ماسەلەسىنە دەگەن كوزقاراسىڭىز قالاي؟ توقال الار ما ەدىڭىز؟

- مەن بۇل سۇراققا دا اتا-بابا ىزىمەن, شاريعات جولىمەن جاۋاپ بەرگەندى ءجون كورەمىن. ەركەكتەردىڭ, جالپى ادامزات بالاسىنىڭ ەڭ وسال تۇسى &ndash؛ ءناپسى. «؛قازاق, مۇسىلمان ءتورت ايەل العان»؛ دەگەن جەلەۋمەن ءناپسىنىڭ دەگەنىن جاساۋعا بولمايدى.

مەنىڭ ويىمشا, توقال ماسەلەسى &ndash؛ كوپتەگەن وتباسىدا قوزعالاتىن ماسەلە. مەن ۇيلەنگەنمىن, مەنىڭ دە وتباسىمدا بۇل ماسەلە اپتاسىنا ءبىر رەت ءسوز بولادى. پايعامبارىمىز (س.ع.س) شاريعاتتىڭ بارلىق شارتتارىن قاراستىرا كەلە ۇمبەتتەرىنە ءتورت ايەل الۋعا رۇقسات بەردى. مەن بۇعان قارسى ەمەسپىن. نەگە؟ ويتكەنى, جەسىر قالعان, جولى بولماعان, بالا-شاعاسىن ارەڭ اسىراپ جۇرگەن قانشاما ايەلدەر بار. بىرەۋىندە ءۇي جوق, بىرەۋىندە تاماق جوق. نەگە سولارعا كومەكتەسپەسكە؟!

ايەلىم دە وسىنداي ماقساتتا, ادال نيەتپەن الار بولساڭ كەلىسىم بەرەمىن دەگەندى ايتتى.

توقال الۋ ءۇشىن ماتەريالدىق جاعداي كەرەك. ماتەريالدىق جاعدايى بار جىگىتتەر ەكى ايەل الىپ وتىر. ەگەر جاعدايىڭ جەتىپ تۇرسا, توقال تۋرالى ويلانۋعا بولادى.

- ءوزىڭىز جۇرگەن ورتا جايلى سۇرايىن. بەلگىلى انشىلەر, ەسترادا جۇلدىزدارى «؛كۇيەمىن, سۇيەمىن, ساعىندىم»؛ دەگەن مازمۇنداعى اندەردى ايتىپ ءجۇر. وسىنداي اندەردىڭ ۋاقىتى وتكەن سياقتى. ءسىز قالاي ويلايسىز؟

- ءيا, بۇل ءسوزىڭىزدى قۇپتايمىن. تىڭدارماندار «؛توقتار, مەيرامبەك ايتاتىن اندەر قايدا»؛ دەپ سۇراپ جاتادى. ەندى ءار زاماننىڭ ءوز ءانشىسى بار عوي. ءبىر كەزدەرى وسىنداي مازمۇنداعى اندەر كەرەك بولدى, شىقتى. ءقازىر قاجەتتىلىگى ازايدى, ءبىراق سونداي دۇنيەلەر تولاستاماي تۇر. اباي اتامىزدىڭ ء«؛سوز تۇزەلدى, تىڭداۋشىم سەن دە تۇزەل»؛ دەگەن كەرەمەت ءسوزى بار عوي. وسى ءسوزدى تەرەڭ ۇعىنۋ كەرەك. وكىنىشكە قاراي, قازىرگى شىعىپ جاتقان اندەر قازاق ءتىلىنىڭ لەكسيكونىنا كەرى اسەر ەتىپ جاتىر. «؛ۆاي-فاي»؛, «؛تەلەفون»؛, «؛مەگابايتىم ءبىتىپ قالدى»؛, «؛سەلفي»؛ دەگەن نارسەلەر شىعىپ كەتتى. بەلدەن تومەن اندەر جاۋىننان كەيىنگى ساڭىراۋقۇلاقتاي قاپتاپ كەتتى.

سونداي اندەردى شىعاتىن بايعۇستاردى ايايمىن. ول تيپتەگى اندەردىڭ عۇمىرى ۇزاققا سوزىلمايدى. ءارى كەتسە ءبىر اي, ەكى اي... ءبىراق قانشاما اقشا شىعىندالادى. ءان شىعاراردا ونىڭ بولاشاعىن, ارعى جاعىن ويلاۋ كەرەك قوي.

قارا اسپاندى توندىرە بەرۋگە تاعى بولمايدى. ءقازىر دە تاريحتا قالاتىن اندەر جازىلىپ جاتىر. مەيرامبەك, ساكەن, جۇبانىش, ءومىرقۇل سىندى اعالارىمىزدىڭ كەرەمەت اندەرى بارشىلىق. سول اعالاردىڭ ءىزىن جالعاپ, سارىنىن بۇزباي قولداناتىن, جالعايتىن ءبىز عوي. ولاردىڭ مۇراسى, ءاننىڭ مۇراسى بىزگە امانات.

- ءقازىر اقتالۋدىڭ, سىلتاۋدىڭ مىناداي ءتۇرى قالىپتاسقان. نەگە ماعىناسىز, اۋەنى جوق, باتىس ستيلىندە ءان شىعاراسىزدار دەگەن سۇراققا انشىلەردىڭ كوپشىلىگى حالىقتىڭ سۇرانىسىن ورىنداپ ءجۇرمىز دەپ جاۋاپ بەرەدى. بۇعان نە دەيسىز؟

- بۇل &ndash؛ قاتە تۇسىنىك. ەڭ وڭاي نارسە بار عوي. اقىل ايتۋ دەگەن. بارىنە دانىشپانسىپ اقىل ايتا بەرگىم كەلمەيدى. ءبىراق ءبىر ايتارىم &ndash؛ ولار ونەر سالاسىندا بەس جىل, ون جىل بويى بەكەر وقىعان جوق. ساپالى دۇنيە جاسالۋ كەرەك. حالىققا جابا بەرۋگە بولمايدى, كەرىسىنشە, حالىقتى ساپالى دۇنيەگە باۋلۋ كەرەك, تاربيەلەۋ قاجەت.

ورىسشا, اعىلشىنشا سوزدەردى قازاقشاعا ارالاستىرىپ جۇرگەن ادامدار بار. مۇمكىن, مۇنداي اندەر دە كەرەك شىعار. حالىقتىڭ جاعدايى دا ءماز ەمەس. اركىم ءوزىنىڭ جۇرەك قالاۋىن جاسايدى. ولارعا جازبا دەپ ايتۋ قيىن. ايتقانمەن, ولار ەشكىمدى تىڭدامايدى.

- ءسىز جازار ما ەدىڭىز وسىنداي ءان؟

- مەن جازبايتىن ەدىم. جازبايمىن مۇلدە. مۇمكىن, ميلليونداعان قالاماقى ۇسىنار. ءبارىبىر جازبايمىن. قازاقشاما ەشتەڭە ارالاستىرماس ەدىم. ويتكەنى, دۇنيە دەگەن نارسە ۋاقىتشا. ەرتەڭگى كۇنى ۇرپاعىڭ «؛اكەم»؛ دەگەندە كىمدى كورەدى؟!

- شاكىرت تاربيەلەپ ءجۇرسىز بە؟ اعا تۇتقان ىنىگە قانداي قامقورلىق كورسەتىپ ءجۇرسىز؟

- ارنايىلاپ شاكىرت تاربيەلەپ جۇرگەن جوقپىن. ءبىراق اعا تۇتقان ءىنىنىڭ بەتىن قايتارمايمىن. قولىنا دومبىراسىن ۇستاپ كەلەتىن جاستارعا ءجون سىلتەپ كەلەمىز شاما-شارقىمىزشا.

الەۋمەتتىك جەلىدەن كوپ جازادى جاستار. ونەر اكادەمياسىندا بەس جىل ساباق بەردىم. قانشاما تالانتتى جاستار الدىمنان ءوتتى. اۋەزوۆ تەاترىندا دا ساباق بەردىم. كەيىن ءبىر جىلداي دەمالىس الدىم. ءقازىر ساعىنىپ ءجۇرمىن. اللا قالاسا بيىل قايتادان ۇستازدىق جولعا تۇسپەكپىن.

- دوستارىڭىز تۋرالى ءبىر اۋىز ايتساڭىز. ۇشقىن جامالبەك تە جەكە ورىنداۋشى رەتىندە كەڭ تانىلىپ كەلەدى. توپتاعى جىگىتتەردىڭ بارلىعى وسى باعىتقا بەت بۇرىپ كەتپەكشى مە؟

- ۇشەكەڭ 2017 جىلدان باستاپ جەكە شىعارماشىلىققا بەت بۇردى. ول كومپوزيتور عوي. ونىڭ ىشىندە قانشاما اۋەن قايناپ جاتىر. بارلىعىن شىعارۋ كەرەك. نەگە شىعارماسقا؟!

ماقسات تا, مەن دە جەكە اندەر جازدىق, جازامىز دا. ەرزاتتىڭ باعىتى بولەكتەۋ. ول &ndash؛ زاماناۋي قالىپتا ءان ورىنداعاندى ۇناتاتىن جىگىت. ونىڭ دا ءبىرشاما اندەرى شىققالى جاتىر.

قالاي دەسەك تە, العاشقى ورىندا «؛الاش ۇلى»؛ توبى تۇرادى. كەيدە تاپسىرىستار قاتار ءتۇسىپ قالادى. سول كەزدە دە توپقا قاتتى كوڭىل بولۋگە تىرىسامىز. الدىمىز بۇلىڭعىر. اللا بۇيىرتقان باعىتتا قوزعالا بەرەمىز!

- ؛ اڭگىمەڭىزگە راحمەت!

سۇحباتتاسقان: ادىلەت مادەنيەت