22 شىلدە, 2019 news
پوليسياعا كومەكتەسكەن ازاماتقا 10 ميلليون تەڭگە سىياقى تولەندى
11-12 شىلدەدە پاۆلودارداعى پوليسيا باسقارماسىنىڭ ورتالىق بولىمىنە الاياقتىق فاكتىسى بويىنشا 28 ادام ءوتىنىش بىلدىرگەن.
kaspi-دىڭ قاۋىپسىزدىك قىزمەتى پاۆلودار وبلىستىق ىىد-مەن بىرلەسىپ, ءkaspi-دىڭ بۇرىنعى قىزمەتكەرى, الاياقتىق جاسادى دەپ ايىپتالعان كۇدىكتى رۋسلان سەكسەمباەۆتى تۇتقىندادى دەپ حابارلايدى qamshy.kz اقپارات اگەنتتىگى. جەدەل تەرگەۋ ارەكەتتەرىنىڭ ناتيجەسىندە كۇدىكتى 21 شىلدەدە ەكىباستۇز قالاسىندا ۇستالدى.
⠀
سەكسەمباەۆ كليەنتتەرگە كەپىلدەگى جىلجىمايتىن مۇلىكتى تومەن باعاعا ساتىپ الۋعا كومەك كورسەتەم دەپ ۋادە بەرگەن. ول ازاماتتاردىڭ سەنىمىنە كىرىپ, الداۋ ارقىلى ولاردى ءوزىنىڭ جەكە شوتىنا قاراجات اۋدارۋعا كوندىرىپ, ارتىنان بوي تاسالاعان.
⠀
كۇدىكتىنى ۇستاۋعا جاردەمدەسكەنى ءۇشىن kaspi سەكسەمباەۆتىڭ ورنالاسقان جەرى تۋرالى اقپارات بەرگەن ازاماتقا 10 ميلليون تەڭگە مولشەرىندە سىياقى تولەدى. بۇل ازاماتتىڭ ءاتى-جونى ونىڭ قاۋىپسىزدىگى ماقساتىندا جانە تەرگەۋ مۇددەسى ءۇشىن جاريا ەتىلمەيدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر