قالدىبەك ءقۇرمانالى: "؛كامشاتقا جانە سول سەكىلدى قىزدارعا جانىم اشيدى"؛ (ۆيدەو)

ار جۇما سايىن كورەرمەنگە جول تارتاتىن "قامشى سۇحبات" حابارىنىڭ كەزەكتى قوناعى ؛&mdash؛ بەلگىلى كومپوزيتور, ءشامشىتانۋشى قالدىبەك ءقۇرمانالى. سۇحبات بارىسىندا قالدىبەك ءقۇرمانالى ءشامشى قالداياقوۆتىڭ قارىنداسىمەن نەگە سوزگە كەلىپ قالعانىن ءتۇسىندىرىپ, قازىرگى قازاق ەستراداسىنداعى ءانشى قىزدار تۋرالى پىكىر ءبىلدىردى.

&mdash؛ ءقازىر ءمان-ماعىناسىز, قويىرتپاق اندەر كوبەيدى. ءتىپتى كورەرمەندەردى تارتۋ ءۇشىن نەشە ءتۇرلى بەينەباياندار دا شىعىپ جاتىر. ءبىزدىڭ قازاقى بولمىسىمىزعا ساي كەلمەيتىن بەينەباياندار كوبەيىپ كەتتى. قانداي پىكىر بىلدىرەسىز؟

&mdash؛ مەن ءقازىر كامشاتقا جانە سول سەكىلدى قىزدارعا اياۋشىلىقپەن قارايمىن, جانىم اشيدى. ۇزاق ءومىر ءسۇرسىن دەپ تىلەيمىن. كۇندەردىڭ كۇنىندە ولاردىڭ بالاسى, نەمەرەسى بولادى. بۇل بەينەباياندار تاسقا تاڭبالانعانداي بولىپ قالدى. ەندى 20 جىلدان كەيىن بالا-شاعاسىمەن بىرگە وسى بەينەباياندى كورە الا ما ەكەن؟ ءبىراق تاعى ءبىر ويىم, ەگەر وسىلاي ويلايتىن كامشات بولسا, بەينەبايانعا تۇسەر مە ەدى؟! مۇمكىن پروديۋسسەرىنىڭ دە ءىسى شىعار. مەن كامشاتپەن كەزدەسكەن كەزدە "وسى بەينەبايانعا شىن مانىندە ءوز قالاۋىڭمەن ءتۇستىڭ بە؟ الدە پروديۋسسەرىڭنىڭ سىزىپ بەرگەنىن ىستەپ ءجۇرسىڭ بە؟" دەپ سۇرار ەدىم. سۇلۋلىقتى, دەنە ءبىتىمنىڭ مىقتىلىعىن باسقا جەردە دە كورسەتۋگە بولادى. ءوزىم جاقسى كورەتىن قارىنداسىم ەدى. بىلمەيمىن ەندى. ؛

&mdash؛ ءبىراق وسىنداي بەينەباياندار ءجيى كورسەتىلگەندىكتەن 10-20 جىلدان كەيىن بۇل قالىپتى جاعدايعا اينالىپ كەتپەي مە؟ ؛

&mdash؛ مەن تالاي نارسەنى ويلاپ ءجۇرمىن. "ۇلتتىق يدەولوگيامىزدان ايىرىلىپ بارا جاتقان جوقپىز با؟" دەپ وزىمە ءجيى سۇراق قوياتىن ەدىم. ءبىراق اينالامداعى ءار سالادا جۇمىس ىستەيتىن دوستارىم, تانىستارىم بار. مىسالى, بازاردا اناۋ-مىناۋ ساتىپ, كۇن كورىپ جۇرگەن ادامعا پرەزيدەنتتىڭ كىم ەكەنى, ەلدە قانداي وزگەرىس بولىپ جاتقانى قىزىق ەمەس. ول بازارعا بارىپ, تيىن-تەبەن تاپسام بولدى دەپ كۇن كورىپ ءجۇر. ءار سالاداعى دوستارىممەن سويلەسەم, سۇحباتتاسامىن. سوسىن "قوعام وسىلاي لاستانىپ كەتە بەرە مە؟ الدە اللا تاعالا شەبەر عوي, ءار نارسەنىڭ سۇراۋى بولادى عوي, مۇنىڭ دا سۇراۋى بولا ما" دەپ ويلانام. سويتسەم, ءار نارسەنىڭ سۇراۋى بولادى ەكەن. سەبەبى, بەتىنەن ءالى ۇيات كەتپەگەن, نامىستى جاستار بار. ءمان-ماعىناسىز بەينەباياندى كورسەتىپ "وسىعان قالاي قارايسىڭ؟" دەپ سۇراسام, بەتىنەن وتى شىعىپ, اشۋعا مىنەتىن جاستار جەتەرلىك. مۇنداي جاستار اۋىلدا دا, قالادا دا بار. ۇلتتى ساقتاپ قالاتىن مۇمكىندىك جوق دەپ ايتا المايمىز. تەك مەملەكەت ءسال عانا مۇمكىندىك بەرىپ, جاعداي جاساسا بولار ەدى. ءقازىر مەملەكەت دىنگە بايلانىستى ءتۇرلى شارالاردى ىسكە اسىرىپ جاتىر عوي. نە ءۇشىن؟ مەملەكەت دىننەن قورىققاندىقتان نازار اۋدارىپ جاتىر. ءبىراق ونەرگە قورىققاندىقتان ەمەس, جانى اشىعاندىقتان نازار اۋدارۋ كەرەك دەپ ويلايمىن. ؛