19 شىلدە, 2019 بارلىق ايماقتار وزگەرتۋ

كايدزەنگە قاتىستى 3 وتىرىك

وزىڭىزگە نەشە رەت ۋادە بەردىڭىز؟ جاڭا جىلدىڭ العاشقى كۇنىندە مە؟ «دۇيسەنبىدە باستايمىن» دەپ ءوزىڭىزدى نەشە رەت سەندىردىڭىز؟ نەگىزىنەن وزىڭىزگە بەرىلگەن ۋادە 4 ايدىڭ ىشىندە ورىندالماسا ۋادە تولىقتاي ۇمىتىلادى.

قازىرگى تاڭدا وزگەرگىسى كەلەتىن, جاڭاشىلدىققا ۇمتىلعىسى كەلەتىندەردىڭ سانى كوپ. ءبىراق... ءبىراق ادامدارعا ءتۇرلى فاكتورلار كەرى اسەرىن تيگىزەدى. جالقاۋلىق, وز-وزىنە سەنىمسىزدىك, قورشاعان ورتا تاعى باسقا سەبەپ بولاتىن فاكتورلار بار.

وز بويىڭىزداعى كەمشىلىكتەردەن ارىلىپ, جاڭاشىلدىقتى ۇيرەنۋگە كايدزەن جۇيەسىنىڭ امال-تاسىلدەرى كومەكتەسەدى. ءبىراق جاپونيالىق جۇيە تۋرالى قاتە تۇسىنىكتەر دە جوق ەمەس. كايدزەن تۋرالى ميفتەردىڭ ءتىزىمىن qamshy.kz اقپارات اگەنتتىگى وقىرمان نازارىنا ۇسىنادى.

1-ميف: وزگەرتۋ جانە وزگەرۋ قيىن ءارى ۇزاق پروسەسس

ادامعا تولىقتاي وزگەرۋ ءۇشىن بىرنەشە كۇن نەمەسە اپتا دا جەتكىلىكتى. ارينە بۇل ادامنىڭ وزگەرۋگە دەگەن شىنايى نيەتى مەن ىنتا-جىگەرىنە تىكەلەي بايلانىستى. ەگەر كۇندە ءبىر جاڭا ادەت باستاپ ۇنەمى قايتالاساڭىز, ءسىزدى قۇتتىقتايمىن! سەبەبى ءسىز العا جىلجىپ, جەڭىسكە جەتىپ كەلەسىز. ادامنىڭ ەڭ ءبىرىنشى جاۋى &mdash؛ ءوزى, ءوز ءناپسىسى. ءسىز وزگەلەرمەن ەمەس وزىڭىزبەن, ىشكى "مەنىڭىزبەن" جارىسىڭىز. سوندا عانا ومىردە جەتىستىككە جەتەسىز.

2 ميف: كايدزەندەگى ۇنەمى جانە ۇزدىكسىز قاعيداسى ارقىلى ناتيجەگە قول جەتكىزە المايسىز

جوق! قاتە! ءيا كايدزەن جۇيەسىندەگى باستى قاعيدالاردىڭ ءبىرى &ndash؛ ۇنەمى جانە ۇزدىكسىز نەمەسە از-ازدان جانە ۇزدىكسىز. بۇل زەرتتەۋدەن وتكەن قاعيدا. اتالمىش قاعيدانى الەمدەگى كەز كەلگەن بيزنەسمەن, تابىستى ءارى تانىمال ادامدار قولدانادى. سونداي-اق وزگەلەرگە ۇيرەتىپ ءجۇر. مىسالى, ءسىز ءبىر كىتاپتى وقۋدى باستادىڭىز دەلىك. ەگەر ءسىز كۇندە كىتاپتىڭ 10 بەتىن وقىساڭىز, 10-15 كۇندە كىتاپتى اياقتايسىز. ءبىراق ءسىز كىتاپتى كۇندە ەمەس, ءار كەزدە ءارقالاي وقىساڭىز, ميىڭىزدا شاشىراڭقىلىق پايدا بولادى. كىتاپتى بەلگىلەنگەن ۋاقىتتا اياقتاۋىڭىز دا مۇمكىن. ءبىراق ماڭىزدى اقپاراتتاردى ەستە ساقتاي المايسىز. سول سەبەپتى كەز كەلگەن ادامعا بۇل قاعيدانىڭ زيانىنان پايداسى كوبىرەك.

3-ميف: ەرەجەسىز, قاعيداسىز ءومىر قىزىعىراق

يا, كايدزەن جۇيەسىندەگى قاعيدالاردى, امال-تاسىلدەردى ايتقان كەزدە ەرەجەمەن ءومىر سۇرگىسى كەلمەيتىن جاندار وسىعان ۇقساس پىكىرلەردى ءبىلدىرىپ جاتادى. الايدا قىزىق پەن راحات ءبار ساتتىك ەكەنىن دە ۇمىتپاۋ كەرەك. ءسىز ءقازىر وزگەرىسكە ۇمتىلعىڭىز كەلمەدى. الداعى بىرنەشە جىل بويى وسىلاي جۇرە بەرۋىڭىز ابدەن مۇمكىن. ءبىراق ءسىز 5 جىلدان كەيىن ءقازىر وزگەرمەگەنىڭىز ءۇشىن وكىنەسىز بە؟ وكىنبەيتىنىڭىزگە سەنىمدى بولساڭىز, ارينە وسى قالىپتا جالعاستىرا بەرىڭىز. ال ءوز جاۋابىڭىزعا سەنىمدى بولماساڭىز, ءسىزدىڭ جانىڭىزدىڭ ءوز قالاۋى بار دەگەن ءسوز. ىشتەي ءبىر نارسەنى قالايسىز, ارماندايسىز, ءبىراق ونى سىرتقا شىعارعىڭىز كەلمەيدى. بۇل وزگەرىسكە ۇمتىلعىسى كەلەتىن ادامنىڭ سيپاتى. وكىنبەستەي ءومىر ءسۇرۋ ءۇشىن قازىردەن باستاپ ءوزىڭىزدى قولعا الىڭىز!

يا ادامنىڭ سىلتاۋى دا, سەبەبى دە تاۋسىلمايدى. ءبىراق ءبىز ءبىرقاتار قاتە پىكىرلەرگە جاۋاپ بەرە الدىق دەپ ويلايمىن. قازىرگى قوعام جاڭاشىلدىققا ۇمتىلعان ادامدارعا مۇقتاج. ال قوعامعا قاجەت ادام بولعىڭىز كەلە مە, الدە جوق پا, ونى ءوزىڭىز شەشەسىز...