19 شىلدە, 2019 ساياسات
توقاەۆ بۇعان دەيىن پرەزيدەنتتىڭ پارلامەنتتەگى وكىلدىگىنىڭ باسشىسى قايرات نۇرپەيىسوۆتى, بالا قۇقىقتارى جونىندەگى ۋاكىل قىزمەتىنەن ساۋلە ايتپاەۆانى بوساتقانى بەلگىلى.
ەندى مىنە قاسىم-جومارت توقاەۆ ىشكى ىستەر ءمينيسترىنىڭ ورىنباسارى ماحامبەت ابيساتوۆ پەن ۇلتتىق ەكونوميكا مينيسترلىگىنىڭ جاۋاپتى حاتشىسى نۇرلان الدابەرگەنوۆتى دا لاۋازىمىنان ايىردى.
سويتىپ بۇگىن پرەزيدەنت قاسىم-جومارت توقاەۆ ىشكى ىستەر ءمينيسترىنىڭ ورىنباسارى ماحامبەت ابيساتوۆ پەن ۇلتتىق ەكونوميكا مينيسترلىگىنىڭ جاۋاپتى حاتشىسى نۇرلان الدابەرگەنوۆتى قىزمەتىنەن بوساتتى دەپ حابارلايدى ؛qamshy.kz اقپارات اگەنتتىگى اقورداعا سىلتەمە جاساپ.
"مەملەكەت باسشىسىنىڭ وكىمدەرىمەن:
ماحامبەت حايىرجانۇلى ابيساتوۆ قازاقستان رەسپۋبليكاسىنىڭ ىشكى ىستەر ءمينيسترىنىڭ ورىنباسارى قىزمەتىنەن؛
نۇرلان شاديبەكۇلى الدابەرگەنوۆ قازاقستان رەسپۋبليكاسى ۇلتتىق ەكونوميكا مينيسترلىگىنىڭ جاۋاپتى حاتشىسى قىزمەتىنەن بوساتىلدى", - دەلىنگەن.
ال ولاردىڭ ورنىنا ارىستانعاني زاپپاروۆ پەن ارمان جۇمابەكوۆ تاعايىندالدى.
"مەملەكەت باسشىسىنىڭ وكىمدەرىمەن:
ارىستانعاني راسىلحانۇلى زاپپاروۆ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى قىزمەتىنە؛
ارمان دايىرۇلى جۇمابەكوۆ قازاقستان رەسپۋبليكاسى ۇلتتىق ەكونوميكا مينيسترلىگىنىڭ جاۋاپتى حاتشىسى قىزمەتىنە تاعايىندالدى", - دەلىنگەن حابارلامادا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر