18 شىلدە, 2019 ان-كۇي
مادەنيەت ءمينيسترى: ەسترادادا انشىلەر جاندى داۋىسپەن ءان سالۋى ءتيىس
مادەنيەت ءمينيسترىنىڭ پىكىرىنشە, ديماشتىڭ ىزىمەن حالىقارالىق بايقاۋلاردا جۇلدە الىپ جۇرگەن جاستارىمىز جاندى داۋىستا ءان سالۋ ماسەلەسىنىڭ وزەكتىلىگىن كورسەتىپ وتىر.
قازاقستاندا انشىلەردىڭ فونوگرامامەن ءان سالۋىنا شەكتەۋ قوياتىن زاڭ جۋىق ارادا قولدانىسقا ەنگىزىلۋى مۇمكىن دەپ حابارلايدى qamshy.kz اقپارات اگەنتتىگى zakon.kz سايتىنا سىلتەمە جاساپ. ۆيتەبسكىدەن جەڭىسپەن ورالعان ءادىلحان ماكيندى قابىلداعان مادەنيەت جانە سپورت ءمينيسترى اقتوتى رايىمقۇلوۆا "مادەنيەت تۋرالى" زاڭعا وسىنداي وزگەرىستەر ەنگىزىپ جاتقانىن مالىمدەدى.
بۇل ۇسىنىستى قوعامدا ءبىرقاتار ونەر جاناشارى كوتەرىپ, ول كوپتىڭ قولداۋىنا يە بولعان ەدى. دەگەنمەن ول زاڭدا كورىنىس تابادى دەلىنگەنىمەن, ءالى ناقتى شەشىم قابىلدانباي كەلەدى.
مادەنيەت ءمينيسترى ديماشتىڭ ىزىمەن حالىقارالىق بايقاۋلاردا جۇلدە الىپ جۇرگەن جاستاردىڭ باسىم بولىپ بارا جاتقانى جاندى داۋىستا ءان سالۋ ماسەلەسىنىڭ وزەكتىلىگىن كورسەتىپ وتىرعانىن ايتادى.
"مينيسترلىكتىڭ ۇستانىمى - ونەر تازا بولۋى كەرەك. ەسترادادا انشىلەر جاندى داۋىسپەن ءان سالۋى ءتيىس", - دەدى ءوز سوزىندە مينيستر اقتوتى رايىمقۇلوۆا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر