"؛ارمان ارقالاپ كەتكەن قاراكوزدەردىڭ تابىتى ورالدى"؛: شەتەلدەگى قازاق قىزدارىنىڭ جۇمباق ءولىمى

قازاق قىزى قايتىس بولدى. جۇمباق جاعدايدا... وسىنداي ماتىنمەن بەرىلەتىن جاڭالىقتار سوڭعى جىلدارى كوبەيىپ كەتتى. سونداي-اق بەلگىسىز جاعدايدا قايتىس بولعانداردىڭ بارلىعى دەرلىك شەتەلدە ءبىلىم الىپ جاتقان قازاق قىزدارى. ؛qamshy.kz اقپارات اگەنتتىگىنىڭ ءتىلشىسى وزگە ەلدە جۇمباق جاعدايدا قايتىس بولعان قازاق قىزدارىنىڭ ءتىزىمىن جاساپ, وقىرمان نازارىنا ۇسىنۋدى ءجون كوردى. ؛

توميريس بايسافا

2018 جىلدىڭ ءساۋىر ايىندا توميريس بايسافا ماسكەۋ مەملەكەتتىك حالىقارالىق قاتىناستار ينستيتۋتىنىڭ 4-قاباتىنداعى ءدارىسحانانىڭ تەرەزەسىنەن قۇلاپ كەتكەن.

1997 جىلعى توميريس تاڭعى 4.00-تە قايتىس بولدى. تەرگەۋشىلەر ساۋىردە ؛ اتالمىش ىسكە قاتىستى قىلمىستىق ءىس قوزعاعان. تەرگەۋشىلەردىڭ مالىمەتىنشە, قىز بىردەن اۋرۋحاناعا جەتكىزىلگەن. قايعىلى وقيعا 13 ساۋىردە بولدى.

توميريس حالىقارالىق ەكونوميكالىق قاتىناستار كافەدراسىنىڭ 4- كۋرسىندا وقىعان. ول ءۇزىلىس كەزىندە تەرەزەدەن قۇلاپ كەتكەن. بەيرەسمي اقپاراتقا سايكەس, ؛توميريستى مۋرتۋزالي مەدجيدوۆ اتتى جىگىت يتەرىپ جىبەرگەن. ؛

تۋىستارى مەن دوستارى دا قىزدى بىرەۋدىڭ يتەرىپ جىبەرگەنىنە سەنىمدى. ازىرگە كۇدىكتى رەتىندە ءتوميريستىڭ داعىستاندىق دوسى ماگومەد كوتيەۆ تانىلدى. رەسەيلىك باق-تىڭ دەرەگىنە سۇيەنسەك, توميريس پەن داعىستاندىق ازاماتتىڭ ۇرسىسىپ تۇرعان ءساتىن كورگەن كۋاگەرلەر بار. دەرەك قىز بەن جىگىتتىڭ اراسىندا دوستىقتان دا جاقىن قارىم-قاتىناستىڭ بولعانىن كەلتىردى. الايدا ماگومەد كوتيەۆ بولعان وقيعاعا قاتىسى جوق ەكەنىن ايتتى. جىگىتتىڭ ايتۋىنشا, توميريس ەكەۋى ارالاسپايدى, ءتىپتى تانىعان دا ەمەس.

توميريس بايسافانىڭ اكەسى جىگىتتىڭ بەدەلدى وتباسىنان شىققانىنا سەنىمدى. بۇل تۋرالى اكەسىنە ماسكەۋ تەرگەۋ ءبولىمىنىڭ قىزمەتكەرلەرى ايتىپ قالعان.

ەلدانا قاھارمان

بيىلعى جىلدىڭ ناۋرىزىندا تۇركيادا وقۋ مەن جۇمىسىن قاتار الىپ جۇرگەن بەلسەندى قازاق قىزى جۇمباق جاعدايدا قايتىس بولدى. ؛

فىرات ۋنيۆەرسيتەتىنىڭ ەكىنشى كۋرس ستۋدەنتى ەلدانا قاھارمانمەن بايلانىسا الماعان دوستارى يىلدىزباۋلارى اۋدانىنداعى ۇيىنە بارعان.

ەسىكتى تەمىر ۇستاسىنا اشقىزعان دوستارى ەلدانانى اس بولمەسىندە قيمىلسىز جاتقان كۇيدە تاپقان. الدىن الا بولجام بويىنشا ستۋدەنت وزىنە-وزى قول سالعان بولۋى مۇمكىن. ؛

بىراق ونىڭ ارىپتەستەرى ەلدانانىڭ سۋيسيد جاساعانىنا سەنبەيدى. ؛

ەلدانا قاھارماننىڭ جانسىز دەنەسىن فىرات ۋنيۆەرسيتەتى اۋرۋحاناسىنىڭ ءمايىتحاناسىنا جەتكىزىلگەن.

ەلازىك پوليسەيلەرى وقيعاعا قاتىستى تەرگەۋ امالدارىن باستاعان.

بلوگەر قازاق قىزى تۇركيانىڭ kanal 23 ؛ارناسىندا ءتىلشى بولىپ قوسىمشا جۇمىس ىستەپ جۇرگەن ەكەن. ؛ ؛

"بىز ءوز تەلەارنامىزدىڭ قوجايىنىن جوعالتقانداي بولىپ وتىرمىز. ەلدانا ۇنەمى كۇلىپ جۇرەتىن, اينالاسىن دا كۇلدىرەتىن ەنەرگياعا باي ءارى تۇسىنىگى مول قىز ەدى. اتا-اناسى مەن تۋعان تۋىستارىنا قايعىرا كوڭىل ايتامىز", دەپ جازعان تەلەارنا جۋرناليستەرى. ؛

سانديرا سەرىكحان

قىتايدا ءبىلىم الىپ جاتقان 24 جاستاعى بويجەتكەن 17 قاباتتان قۇلاپ, جۇمباق جاعدايدا قايتىس بولعان. سۇمدىق وقيعا بيىلعى جىلدىڭ 26 ساۋىرىندە بولعان. جەرگىلىكتى پوليسەيلەر ءىستى سۋيسيد دەپ جىلى جاۋىپ قويعان. ؛

ال اتا-اناسى قىزىنىڭ وز-وزىنە قول سالعانىنا سەنبەي وتىر. سەبەبى قايعىلى وقيعادان ءبىر كۇن بۇرىن سانديرامەن ۆيدەو ارقىلى سويلەسكەن. سانديرا دەمالىستا ەلگە قايتامىن دەپ, ءوزىنىڭ العان سىيلىقتارىن كورسەتىپتى. ؛

قايعىلى وقيعا بولعان كۇنى سانديرانى بايان ەسىمدى قۇربىسى كلۋبقا بارۋعا كوندىرگەن. كەيىن دانيار, ماديار ەسىمدى جىگىتتەرمەن تانىستىرىپتى. ءبىرازدان سوڭ دانيار "ۇيىمدە ءبىر زاتىم قالىپ قويدى" دەگەن جەلەۋمەن "سانديرانى ۇيىنە بىرگە بارىپ كەلەيىك" دەپ ءوتىنىش جاساعان. ءبىرازدان سوڭ سانديرا پاتەردەن جىلاپ شىعادى. ال شىمكەنتتىڭ تۋماسى دانيار بولسا, نە ءۇشىن جىلاعانىن دا ءتۇسىندىرىپ بەرە الماعان. ؛ ؛ودان قالدى, قىزدىڭ ءبىر اياق كيىمى تەرەزەنىڭ تۇسىندا قالىپ قويعان.  ؛جاقتاۋدان ساۋساق ىزدەرى تابىلماعان. سول سەبەپتى دە ونى بىرەۋدىڭ لاقتىرىپ جىبەرگەنىنە سەنىمدى.

ۇش ءتۇرلى تاعدىر. ءبىر عانا ۇقساستىق بار: ومىرگە قۇشتار ورىمدەي جاس قىزداردىڭ ءولىمى جۇمباق. ء"ۇش قىز دا وز-وزىنە قول جۇمسادى" دەپ بولجام جاسالدى. دەگەنمەن تۋىستارى مەن جانىندا جۇرگەندەر بۇعان سەنبەيدى. تۋعان-تۋىستارى ادىلدىك ىزدەر شارق ۇرسا, ناعىز قىلمىسكەرلەر بوستاندىقتا تايراڭداپ ءجۇر. ءبىراق وزىمىزدەگى زاڭدى تۇزەي الماي, وزگە ەلدىڭ زاڭىنا قالاي ءۋاج ايتامىز؟! جاي عانا ىشتەي قىلمىسكەر جازالانار, ادىلدىك ورنايدى دەپ قانا تىلەيمىز. ءۇمىت ەتەمىز...