قىتاي «ازيالىق ناتو» اسكەري وداعىن قۇرۋى مۇمكىن

بۇل تۋرالى اڭگىمە ءبىرىنشى رەت ايتىلىپ وتىرعان جوق. بۇعان دەيىن دە بۇل تاقىرىپ ءسوز بولعان, قوزعالعان. ءقازىر اقش ساراپشىلارى قالىپتاسقان جاعدايدى باعامداي كەلىپ, تاياۋ ارادا قىتاي جانىنا ءوز جاقتاستارىن جيناپ, ازيانىڭ شىعىس جارتى قۇرلىعىندا «؛ازيالىق ناتو»؛  ؛قۇرۋى مۇمكىن دەگەن اقپارات تاراتىپ جاتىر.

بۇل شىندىعىندا اقيقات پا, جوق پا, ول جاعى ءالى بەلگىسىز. ءبىراق الەمدىك قۇرلىقتاعى الپاۋىت ەلدەر وزدەرىنىڭ قاۋىپسىزدىگى مەن مۇددەسىن كوبىرەك ويلاي باستادى. امەريكالىق تاراپ, قىتايدى تۇقىرتۋدىڭ سان ءتۇرلدى امالدارىن جاساپ جاتىر. اق ءۇي قىتايعا ساۋدا سوعىسىن اشتى. ەندى مىنە ازيانىڭ شىعىس ايماعىندا «؛ازيالىق ناتو»؛ قۇرىلۋى مۇمكىن دەگەن جورامالعا كەزەك بەرىپ وتىر. راسىندا ءقازىر جانە بۇرىننان رەسەي مەن قىتاي جانە سولتۇستىك كورەيا اراسىندا جىلىمىق ساياسات بار. دونالد ترامپتىڭ كيم چەن ىنمەن قايتا- قايتا كەزدەسىپ, سامميت وتكىزىپ جاتقانىنىڭ سىرى دا بار. ماسەلەنى كۇردەلەندىرمەي, سولتۇستىك كورەياداعى «؛وقتۇمسىق بالانى»؛ رايىنان قايتارۋ. ءقازىردىڭ وزىندە ەكى تاراپ ەكى رەت  ؛كەزدەستى.

ال قىتاي ليدەرى سي سزيننپين دۋشانبەدە ازياداعى ءوزارا ىقپالداستىق جانە سەنىم شارالارى (سۆمدا) ۇيىمىنا مۇشە ەلدەردىڭ باسشىلارىمەن كەزدەستى. ول جەردە ارينە, «؛ازيالىق ناتو»؛ ۇيىمىن قۇرۋ تۋرالى اشىق اڭگىمە بولعان جوق. ءبىراق  ؛باق بەتىندە ايتىلعانداي, «؛اتالعان قۇرلىقتاعى ەلدەردىڭ بارلىق دامۋ ەرەكشەلىكتەرىن ەسكەرە وتىرىپ قاۋىپسىزدىك ماسەلەسى»؛ ءسوز بولعانى  ؛راس. بۇل جايتتى كوپتەگەن حالىقارالىق ساراپشىلار «؛ازيالىق ناتو»؛ اسكەري ۇيىمىن قۇرۋدىڭ باستالۋى" دەپ تە جاريالاپ تا جىبەردى.

ماقۇل, قىتاي رەسەيمەن بىرىگىپ وتىرىپ, اسكەري وداق قۇردى دەيىك.  ؛سوندا قىتاي كىمگە شابۋىل جاساماق؟  ؛جالپى قىتايدىڭ كەز كەلگەن سالاداعى جەتىستىگى ەڭ الدىمەن امەريكالىقتاردى ۇرەيلەندىرەدى. «؛قىتاي ءقاۋپى»؛ دەگەن ساياسي حالىقارالىق ساياسي تەرميندى دە امەريكالىق ساراپشىلار ويلاپ تاپقان" دەگەن داقپىرت بار. ءبىراق «؛سوعىس اشپاي بيلەۋ»؛ ساياساتى رەسمي پەكيننىڭ باستى ۇستانىمى ەكەنىن ەشقاشان جوققا شىعارۋعا بولمايدى. قىتاي ءقازىر جانىنا ساياساتتاعى سەنىمدى دوستارىن جيناپ جاتىر. جالپى «؛ازيالىق ناتو»؛ ۇيىمى ماسەلەسى ءقازىر تەكتەن تەككە كوتەرىلىپ وتىرعان جوق. ويتكەنى, اقش تايۆانداعى وقيعالارعا استىرتىن بولسا دا ىقپال ەتىپ, ولاردىڭ قولتىعىنا سۋ بۇركىپ وتىر. بۇل جەر قىتاي پروۆينسياسى سانالسا دا, اق ءۇي وسىلاي قىتايدىڭ ىرگەسىن شايقالتپاق. ؛ اق ءۇي تايۆاندى وزىنە تىرەۋ ەتپەك.

بىراق  ؛«؛ازيالىق ناتو»؛ قۇرۋ  ؛تۋرالى بولجام  ؛ومىرشەڭ بولادى دەپ ايتۋ قيىن. ويتكەنى,  ؛ازيا-تىنىق مۇحيتىن ايماعىندا اقش-تىڭ جاپونيا, وڭتۇستىك كورەيا, اۆستراليا سياقتى وداقتاستارى بار. سوندىقتان اسكەري وداق قۇرۋعا نيەتى بولعانىمەن, سي ءسزينپيننىڭ دەگەنى بولا قويادى دەپ ايتۋ قيىن. دەسەك تە, بۇل ايماقتا پەكينگە مۇددەلەس ؛ ەلدەر بار. ولار ازيا-تىنىق مۇحيتى ىنتىماقتاستىق ۇيىمى, بريكس توبى, ازياداعى ءوزارا ىقپالداستىق جانە سەنىم شارالارى (سۆمدا), سونىمەن قاتار شانحاي ىنتىماقتاستىق ۇيىمىنا مۇشە ەلدەر.  ؛ەكونوميكالىق ماقساتتى كوزدەگەنىمەن, بۇلاردىڭ استارىندا ۇجىمدىق قاۋىپسىزدىك ماسەلەسى دە جاتۋى مۇمكىن. دەسەك تە, «؛قىتاي ازيانىڭ شىعىس ايماعىندا ناتو -عا ۇقساس اسكەري وداق قۇرۋى مۇمكىن»؛ دەگەن بولجام شىندىققا جاناسپايدى. ەگەر بۇل جورامال شىندىققا اينالىساتىن بولسا, حالىقارالىق جاعداي ءتىپتى شيەلەنىسە تۇسەدى. ال جاعدايدىڭ  ؛كۇردەلەنگەنى, رەسمي پەكينگە كەرەك ەمەس.