"؛چەرنوبىل"؛ سەريالىن كورگەن اقتوبەلىك وز-وزىنە قول جۇمسادى. نەگە؟

اعىمداعى جىلدىڭ 15-ماۋسىمىندا اقتوبە تۇرعىنى ناعاشىباي ءجۇسىپوۆ «؛چەرنوبىل»؛ سەريالىن كورگەننەن كەيىن وز-وزىنە قول جۇمسادى. ونىڭ دەنەسىن 5 قاباتتى ءۇيدىڭ ۇستىنەن قۇلاعاننان كەيىن ءولى كۇيىندە تاپقان دەپ جازادى ؛qamshy.kz اقپارات اگەنتتىگى.

ناعاشىباي ءجۇسىپوۆ &ndash؛ 1986 جىلى چەرنوبىل جارىلىسىن اپاتىن زالالسىزداندىرۋعا جۇمىس جاساعان ازامات. كەڭەس وداعى قۇلاعاننان كەيىن كوپتەگەن پوستكەڭەستىك ەلدەر چەرنوبىل ارداگەرلەرىنە قىزمەتى ءۇشىن دەپ پاتەر بەرگەن. ال ناعاشىباي ءوز قىزمەتى ءۇشىن بەرىلۋى ءتيىس پاتەرگە قول جەتكىزە الماي, ءومىرىنىڭ سوڭىنا دەيىن بەس بالاسىمەن جانە ايەلىمەن جاتاقحانادا تۇرىپ كەلگەن.

ول ءوزىنىڭ جۇمىسىنا بەرىلگەن ازامات ەدى. 10 جىل بويى پاتەر كەزەگىندە تۇرعان ول ءوزىنىڭ اتى تىزىمنەن وشىرىلگەنىن كورگەندە قاتتى قاپالانىپتى. چەرنوبىل جارىلىسى كەزىندە قىزمەت جاساعاننان كەيىن ونىڭ دەنساۋلىعى كۇرت ناشارلاپ, اۋرۋحانا توسەگىنە ءجيى تاڭىلاتىن بولعان.

ايعا جۋىق ۋاقىت بۇرىن ناعاشىباي ءجۇسىپوۆ "اقتوبە تايمس" اقپارات قۇرالىنا سۇحبات بەرىپتى.

"بىزدى نە ءۇشىن شاقىرىپ جاتقانىن ەشكىم ايتقان جوق. ول كەزدە تراكتور ايدايتىن ەدىم. چەرنوبىل اپاتىنان كەيىن دەنساۋلىق ناشارلاپ كەتتى. مەن ودان كەيىن سەمەيدە دە قىزمەت جاسادىم. كەيدە كوشەدە ءجۇرىپ كەلە جاتىپ قۇلاپ قالاتىن كەزدەر بولادى. جانىمدا ايەلىم جۇرەتىنى قانداي جاقسى", - دەيدى ول سۇحباتىندا.

"مەن ونى تانيتىنمىن جانە وز-وزىنە قول جۇمساعانى تۋرالى دا ەستىدىم. ناعاشىباي زاپاستاعى اسكەردىڭ ءبىرى ەدى. چەرنوبىل اپاتىن زالالسىزداندىرۋعا ءبىرىنشى بوپ اتتاندى جانە ەڭ ءقاۋىپتى ءتورتىنشى بلوكتا جۇمىس جاسادى. 1997 جىلى وعان جاتاقحانادان بولمە بەردى. سول جەردە ايەلىمەن جانە كىشكەنتايلارىمەن بىرگە تۇرىپ جاتقان. بالالارى وسكەننەن كەيىن ول جاتاقحاناداعى بولمەسىنىڭ ورنىنا پاتەر بەرۋدى سۇرادى. پاتەرگە 10 جىل بويى كەزەكتە تۇردى. كەيىن ول تىزىمنەن سىزىلعانى بەلگىلى بولدى. مەن ونى سوڭعى كورگەندە ءوز دەگەنىنە جەتە الماعان شارشاڭقى كۇيدە ەدى. ونىڭ بيىكتەن سەكىرىپ كەتكەنى دە سول پاتەر ماسەلەسىنەن بولدى دەپ ويلايمىن. ءقازىر ايماقتا 244 زالالسىزداندىرۋشى تۇرادى. بارلىعىمىز اپاتتان كەيىنگى مۇگەدەكتەرمىز. كەزىندە ءبىزدىڭ سانىمىز 2 مىڭعا جۋىق ەدى. ءقازىردىڭ وزىندە جەكە پاتەرى جوق 20 شاقتى ارداگەر بار. مەن بۇل ماسەلەنى اكىمشىلىك الدىندا كوتەرەمىن. ناعاشىبايدىڭ ايەلى ءۇي الۋى ءتيىس", - دەدى "اقتوبە وبلىستىق چەرنوبىل مۇگەدەكتەرى" قوعامدىق بىرلەستىگىنىڭ ءتوراعاسى باقىتجان ساتوۆ