لاتىن الىپبيىنە كوشۋ تاعى 10 جىلعا سوزىلا ما؟

قازاقستاندا لاتىن گرافيكاسىنا اۋىسۋ 2020-2035 جىلدارعا سوزىلادى دەگەن مالىمەتتى مادەنيەت جانە سپورت مينيسترلىگى جوققا شىعاردى دەپ حابارلايدى ؛qamshy.kz اقپارات اگەنتتىگى ؛sputniknews.kz ؛سايتىنا سىلتەمە جاساپ.

بۇعان دەيىن "يزۆەستيا" باسىلىمى جاريالاعان جاڭالىققا سايكەس, قازاقستان ۇكىمەتى "لاتىن الىپبيىنە كوشۋدى تاعى ون جىلعا سوزۋ" ماسەلەسىن قاراستىرىپ جاتىر-مىس.

"قازاقستان رەسپۋبليكاسىنىڭ تۇڭعىش پرەزيدەنتى &ndash؛ ەلباسىنىڭ "قازاق ءتىلى ءالىپبيىن كيريلليسادان لاتىن گرافيكاسىنا كوشىرۋ تۋرالى" جارلىعىنا سايكەس قازاقستان ۇكىمەتى ءالىپبيدى 2025 جىلعا دەيىن كەزەڭ-كەزەڭىمەن اۋىستىرۋ ءۇشىن شارالار جوسپارىن بەكىتتى", - دەپ مادەنيەت جانە سپورت مينيسترلىگىنىڭ ءتىل ساياساتى كوميتەتىنىڭ ءتوراعاسى عالىمجان مەلدەشوۆ.

لاتىن الىپبيىنە كوشۋ شارالارىنىڭ جوسپارى ءۇش كەزەڭنەن تۇرادى. 2018-2020 جىلدارى نورماتيۆتىك قۇقىقتىق اكتىلەردى جەتىلدىرۋ, جاڭا ءالىپبيدىڭ جازۋ ەرەجەلەرىن قۇراستىرۋ جانە ماتىندەردى لاتىن گرافيكاسىنا كوشىرىپ جازاتىن iت قوسىماشالار جاساپ شىعارۋ كوزدەلگەن.

"كەلەسى كەزەڭ 2021-2023 جىلدارعا جوسپارلانعان. وسى ارالىقتا مەملەكەتتىك جانە جەرگىلىكتى اتقارۋشى ورگاندار قابىلداعان نورماتيۆتىك قۇقىقتىق اكتىلەر لاتىن گرافيكاسىنا كوشىرىلەدى, ءتولقۇجات, جەكە كۋالىك جانە باسقا قۇجاتتار ايىرباستالادى", - دەپ اتاپ ءوتتى مەلدەشوۆ.

2024-2025 جىلدارى مەملەكەتتىك ورگاندار مەن جەرگىلىكتى اتقارۋشى ورگاندار ءىس قاعازدارىن لاتىن الىپبيىندە جۇرگىزە باستايدى. مەملەكەتتىك باق پەن ءبىلىم بەرۋ مەكەمەلەرى دە لاتىن گرافيكاسىنا اۋىسادى.

"قازىر 2020-2025 جىلدارعا تىلدەردى دامىتۋ جانە قولدانۋ تۋرالى مەملەكەتتىك باعدارلامالار ازىرلەنىپ جاتىر. نەگىزگى ماقسات &ndash؛ لاتىن گرافيكاسى نەگىزىندە قازاق ءالىپبيىن جاڭعىرتۋ", - دەدى مەلدەشوۆ.

ايتا كەتسەك, ەلباسى نۇرسۇلتان نازارباەۆتىڭ تاپسىرماسى بويىنشا قازاقستان 2025 جىلعا دەيىن لاتىن الىپبيىنە كوشۋى ءتيىس. بۇدان بۇرىن قاسىم-جومارت توقاەۆ الىپبيدەگى كەمشىلىكتەر ؛ جايلى قوعامنىڭ پىكىرى ەسكەرىلەتىنىن ايتتى.