16 شىلدە, 2019 وقيعالار
قىتايدا جۇمباق جاعدايدا قايتىس بولعان قازاق قىزىنا قاتىستى تىڭ دەرەكتەر پايدا بولدى
قىتاي پوليسياسى قازاقستاندىق سانديرا سەرىكحانوۆانىڭ ولىمىنە قاتىستى ءىستى قايتا قاراپ, قىزدىڭ جازاتايىم وقيعا سالدارىنان كوز جۇمعانىن راستادى
قىتايدا ءبىلىم العان قازاقستاندىق ستۋدەنت تۇرعىن ءۇيدىڭ ء17-شى قاباتىنان قۇلاعان ؛دەپ جازادى qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الىپ. ؛
قىتاي پوليسياسى قازاقستاندىق سانديرا سەرىكحانوۆانىڭ ولىمىنە قاتىستى ءىستى قايتا قاراپ, قىزدىڭ جازاتايىم وقيعا سالدارىنان كوز جۇمعانىن راستادى. ؛
24 جاستاعى قىز قىتايدىڭ چانچجوۋ قالاسىندا تۇرعىن ءۇيدىڭ ء17-شى قاباتىنان قۇلاپ كوز جۇمعان. قايعىلى وقيعا وسى جىلدىڭ 26 ساۋىرىندە بولىپتى. سانديرا سەرىكحانوۆا قىتايدىڭ سزيانسۋ پروۆينسياسىنداعى تەحنولوگيا ۋنيۆەرسيتەتىندە وقىپ جۇرگەن.
قىزدىڭ اكەسى مەن اعاسى دەرەۋ چانچجوۋ قالاسىنا اتتانعان. قازاقستاننىڭ شانحايداعى باس كونسۋلدىعىنىڭ كومەگىمەن مارقۇمنىڭ وتباسى قوعامدىق قاۋىپسىزدىك دەپارتامەنتى, سەرىكحانوۆا وقىعان ۋنيۆەرسيتەت پەن ساقتاندىرۋ كومپانياسىنىڭ وكىلدەرىمەن كەزدەستى. كەزدەسۋ كەزىندە قىزدىڭ تۋعان-تۋىستارىنا قايعىلى وقيعا بولعان ءۇيدىڭ كىرەبەرىسىندەگى كامەرالاردىڭ ؛بەينەماتەريالدارى كورسەتىلدى.
تەرگەۋ قورىتىندىسىنا سايكەس, قازاقستاندىق قىزدىڭ جازاتايىم وقيعا سالدارىنان قازا بولعانى انىقتالدى. كىسى قولىنان كوز جۇمعانى راستالعان جوق.
2 مامىردا مارقۇمنىڭ دەنەسى بەيجىڭنەن نۇر-سۇلتان قالاسىنا جەتكىزىلدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر