اتىراۋ پوليسەيلەرىن سۋدان قۇتقاراتىن جاڭا قۇرالدارمەن جابدىقتادى

اتىراۋ پوليسەيلەرى زارداپ شەككەندەرگە العاشقى كومەك كورسەتۋگە ارنالعان شەبەرلىك ؛سىنىپتارىنان تاجىريبە جيناقتاپ كەلەدى دەپ جازادى ؛qamshy.kz اقپارات اگەنتتىگى.

وبلىستىڭ توتەنشە جاعدايلار دەپارتامەنتىنىڭ سۋدان قۇتقارۋ قىزمەتى مەن جەدەل جاردەم
ستانساسىنىڭ فەلدشەرلەرى سۋعا باتقان ادامدى قۇتقارۋ كەزىندە كورسەتىلەتىن ارەكەتتەردى نازارعا ۇسىندى.

شەبەرلىك ساعاتى پوليسيا سەرجانتى شالقار اقىمعاليەۆتىڭ سۋدان ادام قۇتقارۋ كەزىندە قازا بولعان جەرى - جايىق جاعاسىندا ءوتتى. ارىپتەستەرىن ۇنسىزدىكپەن ەسكە العان وتىزدان استام پاترۋلدىك پوليسيا قىزمەتكەرلەرى جايىق جاعاسىنا بەت الدى. جەدەل جاردەم ستانساسىنىڭ فەلدشەرلەرى زارداپ شەككەن ادامنىڭ ءومىرىن قالىپقا كەلتىرۋ جانە ساقتاپ قالۋعا باعىتتالعان ىس-ارەكەتتەرىن كورسەتتى. پوليسيا قىزمەتكەرلەرى 2 جاساندى دەنەنىڭ كومەگىمەن ادامنىڭ تىنىس الۋ جۇيەسىن قالىپقا كەلتىرۋ جانە جۇرەكتىڭ سىرتىنان ماسساج جاساۋ قيمىلدارىن ۇيرەندى.

سونىمەن قاتار, تجد سۋدان قۇتقارۋ قىزمەتكەرلەرى ارقان جانە قۇتقارۋ بەلدەمشەسىن دۇرىس قولدانۋ ەرەجەلەرىن كورسەتتى. "جاعالاۋدى جاياۋ پاترۋلدەۋ كەزىندە كۇنىنە 5 شاقىرىمنان استام جەردى ءجۇرىپ وتەمىن. ءقازىر سۋعا شومىلۋ كەزەڭى باستالدى, وعان قوسا "جابايى جاعاجايدىڭ" كوبەيىپ تۇرعان كەزى. ءبىز كەز كەلگەن وقىس وقيعا كەزىندە دايىن بولۋىمىز قاجەت. بۇگىن كوپ نارسەنى ۇيرەندىم",- دەپ ءوز اسەرىمەن ءبولىستى جاياۋ ءپاترۋلدىڭ قىزمەت ينسپەكتورى پوليسيا لەيتەنانتى ايبار ەرسايىنوۆ.

ال, پاترۋلدىك پوليسيا ينسپەكتورى پوليسيا لەيتەنانتى ايبولات ۋتەشقاليەۆتىڭ سۋدان ادام قۇتقارۋدا تاجىريبەسى بار. بىلتىر جاز مەزگىلىندە سۋعا باتقان جاس جەتكىنشەكتى امان-ەسەن قۇتقارىپ شىققان بولاتىن.
"ولار ەكەۋ بولاتىن. وزەندە ءجۇزىپ جۇرگەندە اياقتارى قۇرىسىپ قالعان بولۋى كەرەك, كومەككە
شاقىرىپ ايقايلاي باستادى. سۋدىڭ ورتاسىنا دەيىن ءجۇزىپ بارىپ, كومەككە ۇمتىلدىم, الايدا تەك بىرەۋىن عانا قۇتقارا الدىم",- دەپ وقيعانى ەسىنە الدى ايبولات. سونىمەن قاتار, پاترۋلدىك پوليسيانى قاجەتتى قۇتقارۋ قۇرالدارىمەن جابدىقتاۋدى كۇشەيتۋ زارداپ شەككەندەردى قۇتقارۋ كەزىندەگى جۇمىستى جەڭىلدەتىنىن اتاپ ءوتتى.

شەبەرلىك ساعاتىنىڭ سوڭىندا پاترۋلدىك پوليسيا ەكيپاجدارىنا جاڭادان 10 سۋدان قۇتقارۋ
قۇرالدارى بەرىلدى.