15 شىلدە, 2019 news
الماتى جارىقسىز قالدى
قالانىڭ كوپتەگەن اۋداندارىندا بايلانىس قۇرالدارى مەن ءموبيلدى ينتەرنەت ءالسىز ىستەپ تۇر
بۇگىن ەلىمىزدىڭ وڭتۇستىك استاناسىندا ەلەكتر ەنەرگياسى ءسونىپ قالدى دەپ حابارلايدى qamshy.kz اقپارات اگەنتتىگى.
قالانىڭ كوپتەگەن اۋداندارىندا بايلانىس قۇرالدارى مەن ءموبيلدى ينتەرنەت ءالسىز ىستەپ تۇر.
تۇرعىنداردىڭ ايتۋىنشا, المالى, مەدەۋ, جەتىسۋ, تۇركسىب, بوستاندىق جانە اۋەزوۆ اۋداندارىندا ەلەكتر قۋاتى ءسونىپ تۇر.
كوشە قيىلىستارىندا باعدارشامدار جۇمىس ىستەمەيدى. پاترۋلدىك پوليسيا قىزمەتكەرلەرى جول قوزعالىسىن رەتتەۋدە.
"قالانىڭ توقتان اجىراعانى تۋرالى اقپارات تۇسكەنەن كەيىن پاترۋلدىك پوليسيا الماتىنىڭ بۇكىل كوشە قيىلىستارىنا جول قوزعالىسىن رەتتەۋگە شىقتى. ءبىرىنشى كەزەكتە ورتالىق ماگيترالى, ودان كەيىن باسقا كوشەلەردە بەكەتتەر قويىلدى. قازىرگى كەزدە, 400-دەن استام پاترۋلدىك پوليسيا قىزمەتكەرى جۇمىس ىستەۋدە. قالادا جاعداي قالىپتى", - دەدى الماتى قالاسىنىڭ پوليسيا دەپارتامەنتىنىڭ ءباسپاسوز حاتشىسى سالتانات ازىربەك.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر