قازاقستاندىق ستۋدەنت قىز قىتايدا جۇمباق جاعدايدا قازا تاپتى

نۇر-سۇلتان قالاسىنىڭ 20 جاستاعى تۇرعىنى ؛قىتايدا جۇمباق جاعدايدا قازا تاپتى دەپ حابارلايدى qamshy.kz اقپارات اگەنتتىگى tengrinews.kz سايتىنا سىلتەمە جاساپ.

سانديرا سەرىكحانوۆا چانچجوۋ قالاسىنداعى ؛jiangsu university of technology ءۇشىنشى كۋرستا وقىعان. ؛

"ول ءوز كۇشىمەن گرانتقا ءتۇستى, قىتاي ءتىلىن جارتى جىل ىشىندە ۇيرەندى. وتە ؛سابىرلى ؛قىز بولدى, اقشا تاۋىپ تا ۇلگەرەتىن. وسى جىلدىڭ باسىندا قازاقستاننان كەلگەن باسقا قىزبەن تانىستى. ول الدەقايدا ۇلكەن جانە, ءبىزدىڭ پايىمداۋىمىزشا ولاردىڭ مىنەزى ەكى باسقا بولعان. انام سانديرادان ولاردىڭ ورتاق ؛نەمەن اينالىساتىنىن, نەگە ؛ارالاسىپ جۇرگەنىن بىرنەشە رەت سۇرادى", - دەيدى قىزدىڭ تاتەسى النۋرا اعاەۆا.

26 ساۋىردە كۇندىزگى ۋاقىتتا ول ءوزىنىڭ جاڭا تانىسىمەن جانە ونىڭ شىمكەنت پەن الماتىدان كەلگەن ەكى جولداسىمەن ؛كافەگە بارعان. ؛

"ولار شامامەن 21-22 جاستا. كەيىنىرەك instagram-نان سانديرانىڭ حات الماسۋىنان ءبىز ولاردىڭ وسى كەزدەسۋگە بىرنەشە كۇن بويى سۇرانعانىن بىلدىك. الدىمەن ءبارى جاقسى بولدى. سودان كەيىن وسى جىگىتتەردىڭ ءبىرى قىزىمىزدى ءوز پاتەرىنەن بىردەڭە الىپ كەتۋگە كومەكتەسۋدى سۇرادى. ول, شاماسى, ەشتەڭە ويلاماستان كەلىسكەن. بۇل ۇيدە تەك ليفتتە بەينەباقىلاۋ بار. سول جەردە ول الدىمەن ليفتكە كىرۋگە قايمىققانى كورىنەدى, سودان كەيىن جىگىت ونى كوندىرگەن. ودان ءارى نە بولعانىن ءبىز ونىڭ سوزىنەن عانا بىلەمىز. ولار ء17-شى قاباتقا كوتەرىلىپ, ونىڭ پاتەرىنە كىرگەن. پاتەردەن شىققان كەزدە قىزدىڭ جىلاعانىن كورۋگە بولادى, ءبىراق نەگە ەكەنىن, ول تۇسىندىرە المايدى. شوك الىپ, ەسىندە ەشتەڭە قالماعانىن ايتادى. سودان كەيىن ول ليفتكە باردى, قىز ارتتا قالدى. كەنەتتەن ايعايلاعان داۋىستار ەستىگەن, ول باسپالداق ارالىعىنداعى بالكونعا جۇگىرىپ, ؛تومەنگى ءقاباتتان ؛بىرىنشى كروسسوۆكانى, سودان كەيىن ء7-شى قاباتتاعى ساۋدا ورتالىعىنىڭ شاتىرىندا قىزدى كورگەن", - دەپ جالعاستىردى النۋرا اڭگىمەسىن.

قىزدىڭ اكەسى سول كۇنى قىتايعا ۇشىپ كەتكەن. ؛

"ىستى قىتايلىق پوليسەيلەر تەرگەپ جاتىر. ولاردىڭ ايتۋىنشا, بۇل سۋيسيد. ءبىراق ؛قىزدىڭ مۇنداي ارەكەتكە بارۋىنا ؛ەشقانداي ؛جاعداي بولعان ەمەس. ول كۇنىنە بىرنەشە رەت اناسىمەن حات الماساتىن. ال 30 ماۋسىمدا كانيكۋلعا كەلىپ, كىشكەنتاي ىنىلەرى مەن قارىنداستارىنا سىيلىقتار ساتىپ العانىن ايتقان. ءوزىن, ادەتتەگىدەي ۇستاعان, ەمتيحانعا دايىندالىپ ءجۇردى. سول جەردە اكەمە الدىن الا دايىندالعان سەناريي بويىنشا جاۋاپ بەردى. ونىڭ بويى ۇزىن, شامامەن ءبىر مەتر سەكسەن سانتيمەتر. سول ؛سۇيەنىش يىققا جەتەدى. ال سانديرانىڭ بويى ؛ارى كەتسە ءبىر مەتر الپىس سانتيمەتر بولاتىن. ونىڭ بويى سۇيەنىشكە جەتپەيتىن. وعان قوسا, سەكىرۋ ءۇشىن جوعارىعا ورمەلەۋى كەرەك بولعان. ءبىراق ول جەردە ەشقانداي ساۋساق ىزدەرى ؛جوق", - دەيدى سانديرانىڭ تاتەسى. ؛

قازا تاپقان قىزدىڭ دەنەسى ؛ نۇر-سۇلتانعا جەتكىزىلدى, جەرلەۋ ءراسىمى كەلەسى كۇنى ءوتتى. ونىڭ تۋىستارى ءالى كۇنگە دەيىن تەرگەۋ قانداي كەزەڭدە ەكەنىن بىلمەيدى.

"سىرتقى ىستەر مينيسترلىگىندە تەرگەۋ جالعاسىپ جاتقانىن, ال ۋنيۆەرسيتەتتەگى كۋراتورى تەرگەۋدىڭ اياقتالعانىن جازادى. قولىمىزدا تەك قايتىس بولعانى تۋرالى كۋالىك بار, بىزگە سوت-مەديسينالىق ساراپتامانىڭ قورىتىندىسىن دا, وقيعا ورنىنان فوتو نەمەسە بەينە بەرگەن جوق. سول جىگىتتەر مەن قىزدار ءبىزدى بارلىق الەۋمەتتىك جەلىلەردە بۇعاتتاپ, بايلانىستى ءۇزدى, قازاقستانعا دەمالىسقا قايتىپ كەلمەدى. ءبىزدىڭ قۇقىق قورعاۋ ورگاندارى دا بىزبەن بايلانىسقا شىققان جوق, ءتىپتى كوڭىل ايتپادى دا", - دەپ قورىتىندىلادى ول. ؛ قر ءسىم وكىلدەرى قازاقستاندىق قىزدىڭ قايتىس بولعانىن راستادى, الايدا قاندايدا ءبىر ناقتى مالىمەتتى كەيىنىرەك بەرۋگە ۋادە بەردى. ؛