15 شىلدە, 2019 وقيعالار
42-جاستاعى ايەل كۇيەۋىنىڭ قولىنان قازا تاپتى
وقيعا الماتى وبلىسىندا ورىن العان
تالدىقورعاندا 42-جاستاعى ايەلدى ءولتىردى دەگەن كۇدىكپەن كۇيەۋى جانە كۇيەۋىنىڭ تانىسى ۇستالدى. ولار ءمايىتتى جەر ءۇيدىڭ جەرتولەسىنە جاسىرعان دەپ حابارلايدى ؛qamshy.kz اقپارات اگەنتتىگى قازاقپارات سايتىنا سىلتەمە جاساپ.
الماتى وبلىستىق پوليسيا دەپارتامەنتى ءباسپاسوز قىزمەتىنىڭ مالىمەتىنشە, ەرلى-زايىپتىلاردىڭ ۇيىندە جانجال بولىپ, جولداسى ايەلىنە پىشاق جاراقاتىن سالعان. وقيعا 12 شىلدە كۇنى جالدامالى جەر ۇيدە بولعان. ارتىنشا كۇدىكتى تانىسىن شاقىرىپ, مارقۇمنىڭ ءمايىتىن جاسىرۋعا كومەك سۇراپ, قىلمىسىن بىرىگىپ جالعاستىرعان.
"قازىر ەكى كۇدىكتى دە ۇستالدى. ايەلدىڭ مۇردەسى تابىلدى. قاجەتتى سوتالدى ساراپتامالار تاعايىندالعان. تەرگەۋ ءجۇرىپ جاتىر",- دەپ مالىمدەدى اتالعان ۆەدومستۆو قىزمەتىنەن.
كۇدىكتى قىلمىستى اس ءۇي پىشاعىمەن جاساعان. بۇل زات ايعاق رەتىندە ءىس ماتەريالىنا تىركەلدى.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر