• usd 468.56

  • eur 497.56

  • rub 7.3

  • cny 67.18

29 ناۋرىز, 00:46:21
الماتى
+35°

15 شىلدە, 2019 ەكونوميكا

وتاندىق تاۋار وندىرۋشىلەرگە ارنالعان ينتەرنەت-پلاتفورما قاجەت پە؟!

قازاقتىڭ ۇلتتىق ناقىشتاعى ويۋ-ورنەگىنە, جالپى قولونەر بۇيىمدارىنا جاستايىمنان قىزىعۋشىلىق تانىتتىم. مەنىڭ انام قازاقتىڭ ۇلتتىق تۇرمىستىق بۇيىمدارىن كۇندەلىكتى ومىردە ءجيى قولدانادى.

شاعىن جانە ورتا بيزنەستى قالىپتاستىرۋ ەل ەكونوميكاسىن دامىتۋدا ۇلكەن ماڭىزعا يە. سوندىقتاندا كاسىپ اشىپ, بيزنەسپەن اينالىسامىن, تاۋار ءوندىرىپ, تابىس تابامىن دەيتىن قازاقستاندىقتارعا مۇمكىندىكتەر جەتكىلىكتى. جەكە كاسىپ اشۋعا نيەتتىلەرگە بيزنەستى باستاۋدىڭ قىر-cىرى ۇيرەتىلەدى, قايتارىمسىز قارجىلاي كومەك-گرانتتار بەرىلەدى, قولجەتىمدى پايىزبەن نەسيەلەرمەن قامتىلادى.

دەگەنمەندە قاراعاندىلىق كاسىپكەر كەلىنشەك سىمبات ەلىكباەۆا ەلىمىزدىڭ تاۋار وندىرۋشىلەرى ءۇشىن مەملەكەت تاراپىنان جاسالىپ وتىرعان بۇل قولداۋلاردىڭ ازدىعىن ايتادى. ونىڭ ويىنشا, تاۋاردى ءوندىرىپ عانا قويماي, ونى نارىقتاعى باسەكەگە قابىلەتتى ەتىپ, ساتۋعا مۇمكىندىك بەرەتىن وتاندىق ەلەكتروندى ورتالىق قۇرۋ قاجەت. كاسىپكەرلىكتىڭ قىر-cىرىن جەتىك مەڭگەرگەن نازىك جانمەن سۇحباتتاسىپ, اۆتورلىق جوباسى جايلى دا سۇراپ بىلگەن ەدىك.

&ndash؛ سىمبات تولەۋبايقىزى, قازاقى ناقىشتاعى قولونەر بۇيىمدارىمەن جاساۋمەن اينالىسادى ەكەنسىز, بۇل سالاعا قالاي كەلدىڭىز؟

&ndash؛ قازاقتىڭ ۇلتتىق ناقىشتاعى ويۋ-ورنەگىنە, جالپى قولونەر بۇيىمدارىنا جاستايىمنان قىزىعۋشىلىق تانىتتىم. مەنىڭ انام قازاقتىڭ ۇلتتىق تۇرمىستىق بۇيىمدارىن كۇندەلىكتى ومىردە ءجيى قولدانادى. مىسالى, ءبىزدىڭ ۇيدە انامنىڭ ءوز قولىمەن باسقان سىرماق, تەكەمەتى بار. ستۋدەنت كەزىمدە وسى تەكەمەت پەن سىرماققا قاراپ, وسى دۇنيەلەردى نەگە وندىرىسكە ەنگىزبەسكە دەپ ارماندايتىن ەدىم. جوعارى وقۋ ورنىن فيلولوگيا ماماندىعى بويىنشا ءتامامداعاننان كەيىن بىرنەشە جىل ۋنيۆەرسيتەتتە وقىتۋشى بولىپ ەڭبەك ەتتىم. كەيىننەن ماگيستراتۋرادا وقىپ جۇرگەندە بالاباقشادا جۇمىس ىستەدىم, سول كەزدە بالالاردىڭ ويىنشىقتارى اراسىندا قازاق حالىق ەرتەگىلەرىنىڭ كەيىپكەرلەرىن بەينەلەيتىن بىردە ءبىر ويىنشىق جوق ەكەندىگىن كوردىم. سول كەزدە نەگە قۋىرشاق جاساپ كورمەسكە دەگەن وي كەلدى. جانىما قولىنان ءىس كەلەتىن بىرنەشە قىز الىپ, قۋىرشاقتار دايىنداۋعا كىرىستىك. قولىمىزدان شىققان العاشقى تۋىندىمىزدى نارىققا شىعارۋ وڭاي المادى. دەگەنمەندە بەرىلمەدىك, ۋاقىت وتە كەلە كيىزدەن ءتۇرلى كادەسىيلار, برەلوكتار, تويباستارعا ارنالعان بۇيىمدار جاساي باستادىق. سودان كەيىن بىلعارىمەن جۇمىس جاساۋعا كوشىپ, قول سومكەلەر تىگۋمەن اينالىستىق.

قازىرگى سانانى تۇرمىس بيلەگەن زاماندا ەڭ تومەننەن باستاپ كوتەرىلگەن كاسىپكەرلەر وتە سيرەك. كاسىپتى نولدەن باستاۋدىڭ قانداي ەكەندىگىن, وعان قانشا جىل, قانشا ەڭبەك, قانشا اقشا كەتەتىنىن جاقسى بىلەمىن. ەگەر دە سول بىرنەشە جىل جيناقتاعان تاجىريبەڭ مەن ءبىلىمىڭدى بىرەۋگە ايتساڭ, كورسەتسەڭ, ول ساعان تىكەلەي باسەكەلەس بولاتىنىن دا بىلەمىن. دەگەنمەندە بىلگەنىمىزدى بالالارعا ۇيرەتۋدى قولعا الدىق, شەبەرلىك سىنىپتارىن وتكىزەمىز. ونىڭ ىشىندە جەتىم بالالار مەن مۇمكىندىگى شەكتەۋلى بۇلدىرشىندەرگە تەگىن ساباقتار جۇرگىزىپ وتىرامىز.

فوتو

ەس بىلگەلى قاسىمداعى ادامداردىڭ ەڭبەكقورلىعىن كورىپ ءوستىم. انام, اپكەم, جەڭگەم, ەڭ اياعى ەنەم دە وتە ەڭبەكقور جاندار, قىدىرۋدى, قۇر بوسقا جۇرگەندى ۇناتپايتىن ادامدار. «؛كورگەن كورگەنىن ىستەيدى»؛ دەمەكشى مەندە ولارعا قاتتى ۇقساعىم كەلەتىن. تازا, ۇقىپتى, كوپ سوزگە جوق, ءار ءبىر ءىسى مەن سوزدەرى شەگەمەن قاققانداي ادام بولۋ مەنىڭ ارمانىم ەدى. ولاردىڭ ءارقايسىسىنان ۇيرەنۋگە, اقشاعا ۇقىپتى بولۋعا تىرىستىم. «؛ميلليونداردىڭ تيىننان قۇرالاتىنىن»؛ كاسىپ اشقالى ءتۇسىنىپ, بۇل سوزدەردى قاعيداعا اينالدىرىپ, تيىن سالاتىن ءاميانداردىڭ ىشىنە دە جازىپ ءجۇرمىز.

&ndash؛ «؛sansymbat»؛ برەندىنىڭ نەگىزىن قالاعان ەكەنسىز, سومكەلەرىڭىز نارىقتا سۇرانىسقا يە مە؟

&ndash؛ «؛sansymbat»؛ برەندىمەن سومكە تىگۋدى 2015 جىلدارى باستادىق. ءبىز تازا بىلعارىدان, ساپاسى اسا جوعارى سومكەلەر, ءامياندار, ەرلەرگە ارنالعان بارسەتكالار تىگەمىز, ءارى تاۋارلارىمىزدىڭ ساپاسىنا ءجۇز پايىز كەپىلدىك بەرەمىز. الايدا ۇلكەن كولەمدە سومكە تىگۋمەن اينالىسپايمىز, ءونىم تەك ارنايى تاپسىرىسپەن عانا تىگىلەدى. سەبەبى, بىزدە جۇمىس كۇشى از ,ونىمدىلىك تومەندەۋ, قويما تولى شيكىزات قورىمىز دا جوق. وزدەرىڭىز بىلەتىندەي ەلىمىزدىڭ نارىعى شەتەلدىك «؛chanel»؛, «؛louis vuitton»؛ سياقتى سومكەلەردىڭ كوشىرمەلەرىنە ياعني فەيك نۇسقالارىنا تولىپ تۇر. حالىق بۇل سومكەلەردىڭ ارزان كوشىرمە ەكەندىگىن بىلسە دە ساتىپ الادى. سەبەبى نارىق بۇل تاۋارعا تولىپ تۇر, سەنىڭ 10 تەڭگەگە جاساعان تاۋارىڭدى رەپليكا جاساۋشى قىتايلىق كاسىپورىندار 5 تەڭگەگە جاساپ بەرەدى. دەگەنمەندە سومكە جاساۋ ءىسىن بىردەن توقتاتىپ, جاۋىپ تاستاي المادىم. سەبەبى بۇل جەردە قانشاما ادامنىڭ ەڭبەگى بار, تەك ەڭبەك عانا ەمەس كوپتەگەن ادامداردىڭ ماعان دەگەن سەنىمى بار. ازىرگە تەك تاپسىرىسپەن تىگەمىز.

فوتو

&ndash؛ ءوزىڭىز وندىرگەن تاۋاردى جارنامالاۋعا, نارىققا شىعارۋعا عالامتوردى قانشالىقتى پايدالاناسىز؟

&ndash؛ «؛tns central asia»؛ اگەنتتىگىنىڭ 2017 جىلى جۇرگىزگەن زەرتتەۋلەر ناتيجەسى قازاقستاننىڭ 77 پايىزى عالامتورمەن قامتىلعاندىعىن, ال حالىقتىڭ 83 پايىزى ءموبيلدى ينتەرنەتتى قولداناتىندىعىن ايتادى. بۇل سيفرلار عالامتوردىڭ قازاقستاندىقتاردىڭ ومىرىنە دەندەپ كىرگەندىگىن كورسەتەدى. الايدا ءبىز عالامتوردىڭ مۇمكىندىكتەرىن بارىنشا قولدانا المايمىز. شەتەلدىك كاسىپكەرلەر ۆيرتۋالدى ساۋداعا الدەقاشان كوشكەن, ال ءبىز تاۋارلارىمىزدى ءالى دە بولسا دۇكەننىڭ سورەسىنە قويۋمەن عانا شەكتەلىپ ءجۇرمىز. مەندە ءوزىم وندىرگەن تاۋارلاردى نارىقتا جىلجىتۋدىڭ ءتۇرلى تاسىلدەرىن ىزدەي باستادىم. سومكەلەرىمدى قازاقستاندىق پورتالعا سالماقشى بولدىم, الايدا وتاندىق ءونىمدى عانا جارنامالايتىن سايت تاپپادىم. قازاقستاندا «؛fashionpark.kz»؛ سايتى بار, ءبىراق مۇندا مەنىڭ سومكەم الەمدىك برەندتەرمەن باسەكەگە تۇسەدى ەكەن. بۇل ارينە ميعا سىيىمسىز نارسە, سوندىقتان دا بۇل يدەيادان باس تارتتىم. نەگىزىندە وسى كاسىپكەرلىكپەن اينالىسىپ باستاعان 2014-جىلدارى ءوزىمنىڭ اۆتورلىق قولونەر بۇيىمدارىمدى, ۇلتتىق كادەسىيلاردى جارنامالاۋ ماقساتىندا جەكە سايت اشقان ەدىم. سايتتىڭ جارناماسىنا كوپ قارجى جۇمسادىم. ءبىراق بۇل سايتتى جابۋعا تۋرا كەلدى, سەبەبى ونىڭ جۇمىسىن جانداندىرۋ, جارناماسىن جاساۋ وتە قىمبات. بيزنەسپەن اينالىسۋعا بەت بۇرىپ, تاۋار ءوندىرىسىن قولعا العان ءاربىر كاسىپكەردىڭ جەكە سايتى بولعانى ءتيىمدى ەمەس, سەبەبى جوعارىدا ايتقانىمداي بۇل وتە قىمبات, كوپ قارجىنى قاجەت ەتەدى. سوندىقتاندا قازىرگى ۋاقىتتا قازاقستاندىق تاۋار ءوندىرۋشى, قولونەر بۇيىمدارىمەن اينالىساتىن كاسىپكەرلەردىڭ ءوز ونىمدەرىن جارنامالايتىن وتاندىق ەلەكتروندى ساۋدا ورتالىعى اۋاداي قاجەت دەگەن ويعا كەلدىم. وسىلايشا قازاقستاندىق تاۋار وندىرۋشىلەر مەن كاسىپكەرلەرگە ارنالعان ينتەرنەت پلاتفورما قۇرۋ جوباسىن جاسادىم. «؛مadein-kz.com»؛ پورتالى وتاندىق تاۋار وندىرۋشىلەردىڭ تاۋارىن قازاقستاننىڭ ەلەكتروندى نارىعىندا جارنامالاپ عانا قويماي, الەمدىك دەڭگەيگە شىعارۋعا مۇمكىندىك بەرەتىن مەگا جوبا دەسەم دە بولادى. بۇل اقپاراتتىق ورتالىق تەك عانا وتاندىق تاۋار وندىرۋشىلەردىڭ ءونىمىن عانا جارنامالايتىن ورىنعا اينالار ەدى.

فوتو

مىسالى, رەسەي مەملەكەتى شەتەلگە ءوز قارجىسىن جىبەرمەۋ ءۇشىن, وتاندىق تاۋار وندىرۋشىلەردى يمپورتتان قورعاۋ ءۇشىن, سونداي-اق ءوز ەلىنە قارجى تارتۋ ءۇشىن tovarika.ru, ruxpert.ru, rosproizvoditel.ru سياقتى كوپتەگەن سايتتار مەن پورتالدار اشقان. ال ءبىزدىڭ ەلىمىزدە مۇنداي بىردە-بىر سايت جوق. تەك facebook الەۋمەتتىك جەلىسىندە «؛يا ۆىبيرايۋ كازاحستانسكوە»؛, «؛ۆىبيراي كازاحستانسكوە»؛ توپتارى عانا بار.

&ndash؛ سىمبات تولەيبايقىزى, سوندا «؛مadein-kz.com»؛ پورتالى بۇرىن-سوندى قازاقستاندا بولماعان تىڭ جوبا ما؟

&ndash؛ قر تۇڭعىش پرەزيدەنتى وتاندىق تاۋار وندىرۋشىلەردى قولداۋ, كاسىپكەرلەرگە كومەك كورسەتۋ ماسەلەسىنە بىرنەشە رەت توقتالعان بولاتىن. ەلباسى 2015 جىلى «؛قازاقستاندا جاسالعان»؛ اكسياسىن ۇيىمداستىرۋعا شاقىرىپ, بارلىق ساۋدا جۇيەلەرىندە قازاقستاندىق تاۋارلاردىڭ سەكسياسى پايدا بولۋ قاجەتتىلىگىن ايتقان. ن.نازارباەۆ بارلىق قازاقستاندىقتارعا ءوز ەلىنىڭ پاتريوتى بولىپ, وتاندىق تاۋارلارى پايدالانۋعا شاقىردى, بۇل شارا قازاقستاندىق ەكونوميكانىڭ دامۋىنا كومەك بولاتىندىعىنا سەنىم ءبىلدىردى. ال وتكەن جىلدىڭ قازان ايىنداعى حالىققا جولداۋىندا قاراپايىم حالىق تۇتىناتىن تاۋارلار وندىرىسىمەن بەلسەنە اينالىسۋدى تاپسىردى. بۇل باعىتتا جۇمىستار اتقارىلىپ جاتىر, الايدا تەك تاۋار ءوندىرىسىن جولعا قويۋمەن عانا شەكتەلۋدە, ال سول تاۋاردى نارىققا بەيىمدەۋ, ساتۋ ماسەلەسىنە قۇزىرلى ورگاندار باس اۋىرتپايدى. وسىلايشا ءبىزدىڭ ەلدىڭ كاسىپكەرلەرى تاۋار ءوندىرۋشى رەتىندە قورعانسىز دەۋگە بولادى. قۇزىرلى مەكەمەلەر ەلدەگى بيزنەستى قولداپ جاتىرمىز دەپ جار سالىپ, حالىققا جەڭىلدەتىلگەن نەسيە بەرۋ ارقىلى ولاردىڭ جاعدايىن ودان ءارى قيىنداتۋدا. وتاندىق كاسىپكەرلەر بۇگىنگى زامان تالابىنا ساي ساتىلىم جۇيەسى بولماسا, وتاندىق ءونىم يمپورتتىق تاۋارلاردان قورعالماسا, تاۋارىن قالاي ساتادى, نەسيەسىن قالاي قايتارادى؟ قانشالىقتى جەڭىلدەتىلگەن نەسيە بەرىپ, قانشاما قارجى جۇمساپ قاجەتسىز فورۋمدار ۇيىمداستىرىپ, كاسىپ اشۋ جايلى كەڭەس بەرەتىن ورتالىقتار اشىلسا دا قاراپايىم كاسىپكەر رەتىندە قورعانسىز ەكەندىگىمدى تۇسىنەمىن. دايىن ءونىمدى يمپورتتان قورعايتىن, تەك وتاندىق كاسىپكەرلەرگە ارنالعان جەكە جۇيە بولماعان سوڭ وسىنىڭ بارلىعىنا كەتكەن قارجى قۇمعا قۇيعان سۋمەن تەڭ دەپ ەسەپتەيمىن.

فوتو

تۇڭعىش پرەزيدەنتىمىز نۇرسۇلتان ءابىشۇلى 2016 جىلى ەلەكتروندى ساۋدا رەسۋرسىن ءتيىمدى پايدالانۋدى دامىتۋ كەرەكتىگىن دە توقتالعان بولاتىن. ول ءوز سوزىندە «؛ينتەرنەتتەگى ساۋدا-ساتتىق بۇگىندە عالامدىق ترەندكە اينالدى. مىسالى, اقش-تا ەلەكتروندى ساۋدا ەلدەگى بارلىق ساۋدانىڭ 6,5%-ىن قۇراسا, رەسەيدە 4% شاماسىندا, ال قازاقستاندا تەك 0,5%-دى قۇرايدى. ەلەكتروندىق ساۋدا-ساتتىقتى دامىتۋدىڭ تۇجىرىمداماسىن قۇرۋ كەرەك»؛ دەگەن تاپسىرما بەرگەن بولاتىن. بۇگىندە قازاقستاننىڭ حالقى عالامتوردىڭ مۇمكىندىكتەرىن تۇتىنۋشى رەتىندە عانا پايدالادى, ال كاسىپكەرلەرىمىز عالامدىق ينتەرنەتتىڭ مۇمكىندىگىن بيزنەستى دامىتۋدىڭ قۇرالى رەتىندە پايدالانا الماي وتىر. ءبىز شەتەلدىك كومپانيالاردىڭ ينتەرنەت پاراقشالارىندا ءوز تاۋارلارىمىزدى جارنامالاي وتىرىپ, عالامتورعا شىققاندىعىمىزبەن ماقتانامىز. شىندىعىندا فرانسيانىڭ olx.kz؛ ۋكراينانىڭ saty.kz سايتتارىن پايدالانۋ ارقىلى قارجىمىزدىڭ شەتەلگە كەتىپ جاتقانىن تۇسىنبەيمىز. شەتەلدىك كومپانيالار ءبىزدىڭ ەلگە ءوز تاۋارلارىن توننالاپ وتكىزىپ جاتقاندا, ءبىز ساناۋلى عانا تاۋار ساتقانىمىزعا ءمازبىز. وسىلايشا شەتەلدىك باسەكەلەستەر ءبىزدىڭ ەلىمىزدىڭ قارجىسىن ۆيرتۋالدى نارىق ارقىلى ەشقانداي سالىقسىز اكەتىپ جاتىر. مىسالى, قىتايلىق «؛aliexpress»؛ پلاتفورماسىندا ەلىمىزدىڭ تۇرعىندارى اي سايىن 12 ملن دوللار كولەمىندەگى قارجىعا ساۋدا جاسايدى.

كورىپ وتىرعانىمىزداي وتاندىق تاۋار وندىرۋشلەر ەلەكتروندى الاڭدا شەتەلدىك باسەكەلەستەرىمەن باسەكەگە تۇسە المايدى. قازاقستاندىقتاردىڭ قارجىسى شەتەلدىك ەلەكتروندى تاۋار پورتالدارى ارقىلى شەتەلدىك كاسىپكەرلەردىڭ قالتاسىنا ءتۇسىپ جاتىر. شەتەلدىكتەر ءبىزدىڭ ەلدىڭ قارجىسىن ءوز ەلدەرىنە تارتۋ ءۇشىن عالامتوردا ۇلكەن ينتەرنەت پورتالدار قۇرعان. ال ءبىز نەگە ءوز قارجىمىزدى ءوز ەلىمىزدە قالدىرۋ ءۇشىن اقپاراتتىق ەلەكتروندى ورتالىق, ياعني ينتەرنەت پلاتفورما اشپاسقا؟

«؛مadein-kz.com»؛ پورتالىنىڭ تاعى ءبىر ەرەكشەلىگى جوبا الەۋمەتتىك بولعاندىقتان مۇنداعى تاريفتىك تولەمدەر تومەن بولادى. ەلىمىزدىڭ ءاربىر اۋدانى مەن اۋىلىنىڭ تۇرعىنى ءوزىنىڭ اگرارلىق ازىق-تۇلىك ءونىمىن پورتالدا تەگىن جارنامالاي الادى. سونداي-اق, مۇمكىندىگى شەكتەۋلى جاندار, زەينەتكەر كاسىپكەرلەر, جاس بيزنەسمەندەر, وتاندىق قولونەرشىلەر تاۋارىن تەگىن جارنامالاۋعا مۇمكىندىگى بار.

بۇل وزگەشە جوبا دەر ەدىم. ءوزىڭىز ويلاڭىزشى, قازاقستاندىق كاسىپكەرلەر تاۋارلارىن ۇيلەرىنەن شىقپاي-اق, عالامتور ارقىلى ساۋداعا قويىپ, ءتىپتى الەمدىك نارىققا دا شىعا الادى. تەك وتاندىق كاسىپكەرلەردىڭ تاۋارلارى قويىلاتىندىقتان باسەكەلەستىك تە ارتار ەدى. مەن بارلىق وتاندىق تاۋار وندىرۋشىلەردى تولعاندىراتىن ماسەلەسىن كوتەردىم دەپ ويلايمىن.

&ndash؛ اتالعان جوبانى قارجىلاندىرۋ ماسەلەسىن قالاي شەشۋدى جوسپارلايسىز؟

&ndash؛ بۇل ينتەرنەت جوبا تەك ءبىر عانا پروبلەمانى كوتەرمەيدى, بۇل ەلىمىزدىڭ ەكونوميكاسى ءۇشىن وتە ماڭىزدى بىرنەشە ماسەلەنى كوتەرىپ وتىرعان مەگا جوبا. ينتەرنەت جوباعا قولداۋ كورسەتۋلەرىن سۇراپ, وبلىس اكىمدىكتەرىنە, قۇزىرەتتى مەكەمەلەرگە, ءىرى كومپانيالارعا جولدادىم. ازىرگە تەك قر اقپارات جانە كوممۋنيكاسيالار مينيسترلىگى جوباعا اقپاراتتىق قولداۋ بىلدىرەتىندىگىن ايتتى. وسى ورايدا اتالعان مينيسترلىكتىڭ بۇل جوباعا وزگە مەكەمەنىڭ ماسەلەسى دەپ سەلقوستىق تانىتپاي, قولداۋ بىلدىرگەنىنە ريزاشىلىعىمدى جەتكىزگىم كەلەدى.

بۇل جوبانى قر يندۋستريا جانە ينفراقۇرىلىمدىق دامۋ مينيسترلىگىنە جولدادىم. مينيسترلىك مەنىڭ حاتىما «؛قازىرگى ۋاقىتتا قوسىمشا ينتەرنەت پورتال اشۋدىڭ قاجەتتىلىگى جوق»؛ دەپ جاۋاپ بەردى. قۇزىرلى مەكەمەدەن قولداۋ تاپپاعاننان كەيىن شەتەلدىك مەسەناتتاردان كومەك سۇراپ كورمەك بولدىم. ءبىراق بۇل ويدان باس تارتتىم, سەبەبى مەنىڭ نامىسىم جىبەرمەدى, ولارعا ءبىزدىڭ ەلدىڭ وتاندىق تاۋار وندىرۋشىلەردى قولدامايتىندىعىن ايتقىم كەلمەدى. قازىرگى ۋاقىتتا جوبانى قارجىلاندىرۋدىڭ باسقا جولدارىن قاراستىرىپ جاتىرمىن. قىركۇيەك ايىندا قاراعاندى قالاسىندا «؛مadein-kz.com»؛ جوباسىنىڭ پرەزەنتاسياسىن وتكىزۋدى جوسپارلاپ وتىرمىن. ەلىمىزدىڭ وتاندىق تاۋار وندىرۋشىلەرىن قولداپ, الەۋمەتتىك حالىقتى جوباعا قولداۋ كورسەتكىسى كەلەتىن ەلىمىزدىڭ ءاربىر ازاماتىنىڭ كومەگىنە ءزارۋمىز, جوبانى قولداۋعا شاقىرامىن.

&ndash؛ سىمبات تولەۋبايقىزى سۇحباتىڭىزعا راقمەت, ىسىڭىزگە ساتتىلىك تىلەيمىن.

جىبەك مۇقاشەۆا ؛
فوتو: اۆتوردان

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر