"؛وتىرىڭىز, ءسىزدىڭ بايانداماڭىز ۇلكەن كۇدىك تۋعىزادى. تەكسەرۋ كەرەك"؛: توقاەۆ مينيسترگە شۇيلىكتى

قازاقستان پرەزيدەنتى قاسىم-جومارت توقاەۆ يندۋستريا جانە ينفراقۇرىلىمدىق دامۋ ءمينيسترى رومان سكليار كەلتىرگەن دەرەكتەرگە كۇدىكپەن قارادى دەپ حابارلايدى ؛qamshy.kz اقپارات اگەنتتىگى ؛sputnik قازاقستان ؛سايتىنا سىلتەمە جاساپ.

ۇكىمەتتىڭ كەڭەيتىلگەن وتىرىسىندا پرەزيدەنت ترانزيتتەن تۇسەتىن تابىس ماسەلەسىنە توقتالدى.

"كەلەسى جىلى ترانزيتتەن 5 ميلليارد دوللار تابىس تابا الامىز دەيمىز. ءبىز ول جايىندا بارلىق كونفەرەنسيا مەن فورۋمدا ايتامىز. وسى جوسپاردى ورىنداي الامىز با؟", - دەپ سۇرادى توقاەۆ.

مينيستر رومان سكلياردىڭ ايتۋىنشا, وتكەن جىلى بارلىق كولىك ءتۇرى بويىنشا ترانزيتتەن 1 ميلليارد 700 ميلليون دوللار تۇسكەن بولاتىن.

"بيىل وسى كورسەتكىش 2 ميلليارد 400 ميلليون دوللار بولادى دەگەن جوسپار بار. ال كەلەسى جىلى 3 ميلليارد 300 ميلليون بولادى. نەگىزگى سەبەپ - سىرتقى سانكسيالاردىڭ كەسىرىنەن يرانعا جانە كاۆكاز ارقىلى تۇركياعا باراتىن تاسىمالدىڭ تومەندەۋى. ەسەسىنە ەلەكتروندى كوممەرسيانىڭ كولەمى ءوسىپ كەلەدى. 2025 جىلى ونىڭ كورسەتكىشى شامامەن 3,5 ميلليارد دوللارعا جەتەدى. سوندىقتان ءترانزيتتىڭ تابىسىن قىتايدان ەۋروپاعا جىبەرىلەتىن سالەمدەمەلەردىڭ ەسەبىنەن وتەيتىن بولامىز", - دەپ سكليار مالىمەت بەردى.

الايدا توقاەۆ ءمينيستردىڭ جاۋابىنا قاناعاتتانعان جوق.

"وتىرىڭىز, ءسىزدىڭ بايانداماڭىز ۇلكەن كۇدىك تۋعىزادى. تەكسەرۋ كەرەك", - دەدى توقاەۆ.