• usd 468.56

  • eur 497.56

  • rub 7.3

  • cny 67.18

29 ناۋرىز, 04:48:52
الماتى
+35°

15 شىلدە, 2019 news

توقاەۆ جابىلاتىن نەسيەلەر تۋرالى: بۇل ىسپەن ەندى اينالىسپايمىز!

از قامتىلعان وتباسىلاردىڭ نەسيەسى 1-قىركۇيەككە دەيىن جابىلادى.

ەلىمىزدەگى از قامتىلعان وتباسىلاردىڭ قارىزىن تولىقتاي جابۋ ناۋقانى اعىمداعى جىلدىڭ 1-قىركۇيەگىنە دەيىن وتەلمەك. بۇل تۋرالى ۇكىمەتتىڭ كەڭەيتىلگەن وتىرىسىندا ۇلتتىق بانك ءتوراعاسى ەربولات دوساەۆ ايتتى دەپ جازادى ؛qamshy.kz اقپارات اگەنتتىگى.

ۇكىمەت وتىرىسى بارىسىندا قاسىم-جومارت توقاەۆ قارىز وتەۋگە قاۋقارسىز ادامداردىڭ نەسيەسىن تولەۋ تۋرالى بۇيرىعىنىڭ جۇزەگە اسۋ بارىسى تۋرالى سۇرادى.

ۇلتتىق بانك ءتوراعاسىنىڭ ايتۋىنشا, بۇل بۇيرىقتى جۇزەگە اسىرۋ ءۇشىن مەملەكەتتىك قارجى مەكەمەسى ەكى بلوككا ءبولىنىپ جۇمىس جاساۋدا.

"قر ەڭبەك جانە حالىقتى الەۋمەتتىك قورعاۋ مينيسترلىگىمەن جۇرگىزىلىپ جاتقان ادامداردىڭ نەسيەسى تۋرالى اقپارات پەن ولاردىڭ ءال-احۋالى تۋرالى مالىمەت الۋ جۇمىستارىن وسى اپتادا اياقتايمىز. ال كەلەسى اپتادان باستاپ ءبىز ەكىنشى دەڭگەيلى بانكتەر مەن كىشى قارجى ۇيىمدارىمەن, پروبلەمالى نەسيەلەر قورىمەن كەلىسسوزدەر جۇرگىزە باستايمىز. اعىمداعى جىلدىڭ 1-قىركۇيەگىنە دەيىن بانك تاراپىنان بۇل جۇمىستار اياقتالادى دەپ ويلايمىز", - دەدى دوساەۆ.

قاسىم-جومارت توقاەۆ ءوز كەزەگىندە بۇل جۇمىستى ۇكىمەت پەن پرەزيدەنت اكىمشىلىگى تاراپىنان قاتاڭ قاداعالاپ وتىرۋدى تاپسىردى.

"بىز بۇل اكسيانى ءبىر رەت جاريالادىق. ءارى قاراي بۇل جۇمىسپەن اينالىسپايمىز, اينالىسۋعا قۇقىعىمىز دا جوق. ءبىراق حالىققا جاريا ەتىلگەن دۇنيە ءوز ۋاقىتىندا, ساپالى ورىندالۋى ءتيىس", - دەدى توقاەۆ.

ەسكە سالا كەتەيىك, قازاقستان رەسپۋبليكاسىنىڭ پرەزيدەنتى ازاماتتاردىڭ احۋالىن جاقسارتۋ ءۇشىن نەسيەلەردى جانە پايىزدىق ۇستەمەلەردى تولەۋ تۋرالى بۇيرىق شىعارعان.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر