15 شىلدە, 2019 news
الماتىدا اقىننىڭ قىزى جالعىز ءوزى ميتينگكە شىقتى (ۆيدەو)
الماتىدا ارون اتابەكتىڭ قىزى ايدانا ايدارحان اكەسىنىڭ بوساتىلۋىن تالاپ ەتتى
الماتىدا اقىن جانە قوعامدىق بەلسەندى ارون اتابەكتىڭ قىزى ايدانا ايدارحان اكىسىنىڭ بوساتىلۋىن تالاپ ەتتى دەپ حابارلايدى qamshy.kz اقپارات اگەنتتىگى.
14-شىلدە كۇنى الماتىداعى اباي ەسكەرتكىشىنە كەلگەن ايدانا ايدارحان اكەسىنىڭ بەينەسى بار سۋرەتپەن كەلىپ, ونىڭ ولەڭدەرىن وقىدى. وسىلاي, بويجەتكەن اكەسىنىڭ تۇرمەدە وتىرعانىنا 13 جىل بولعانىنا نازار اۋدارعىسى كەلگەن.
20 مينۋتتان وتەر-وتپەستەن ءتارتىپ ساقشىلارى ۇستاپ اكەتتى. ونى مەدەۋ اۋداندىق ىشكى ىستەر بولىمىنە اپاردى. ەكى ساعاتتان كەيىن بويجەتكەندى بوساتتى. بۇل تۋرالى ءوزىنىڭ facebook پاراقشاسىندا ؛اسەم جاپيشەۆا حابارلادى.
ەستەرىڭىزگە سالا كەتەيىك, 2006 جىلى 14-شىلدە كۇنى الماتىداعى شاڭىراق اۋدانىنىڭ تۇرعىندارى ۇيلەرىن زاڭسىز دەگەنگە كەلىسپەي, نارازىلىق شارالارىن باستاعان بولاتىن. وقيعا كەزىندە ءبىر پوليسەي قازا تاپتى. جاپپاي تارتىپسىزدىكتەر ۇيىمداستىردى دەپ اقىن جانە قوعامدىق بەلسەندى ارون اتابەكتى ايىپتادى. ونى 18 جىلعا باس بوستاندىعىنان ايىردى. ارون اتابەك ءوز قىلمىسىن مويىنداعان جوق.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر