ەلدوس سمەتوۆ بۋداپەشتەگى گران-پري تۋرنيرىندە التىنعا يە بولدى

قازاقستاندىق ەلدوس سمەتوۆ بۋداپەشتە دزيۋدودان ءوتىپ جاتقان گران-پري ءتۋرنيرىنىڭ جەڭىمپازى اتاندى دەپ حابارلايدى ؛qamshy.kz اقپارات اگەنتتىگى ؛ktk.kz سايتىنا سىلتەمە جاساپ.

جارىستىڭ العاشقى كۇنى قازاقستاندىق دزيۋدوشىلار ەلدوس سمەتوۆ (-60 كگ) پەن ەلدوس جۇماقانوۆ (-66 كگ) فينالعا دەيىن قارسىلاس شاق كەلتىرگەن جوق. ريو وليمپياداسىنىڭ كۇمىس جۇلدەگەرى ە.سمەتوۆ جارتىلاي فينالدا نيدەرلاندى ەلىنىڭ تورنيكە سجاكادوەانى ۇتتى. ال ە.جۇماقانوۆ يسپانيالىق گايتەرو مارتين البەرتونى ۋاقىتىنان بۇرىن, تازا جەڭدى.

فينالدا ەلدوس سمەتوۆ پەن موڭعوليالىق گانبات بولدبااتار كەزدەسكەن بولاتىن. تارتىستى جەكپە-جەكتە ەلدوس ايقىن باسىمدىقپەن جەڭىسكە جەتتى. ؛ ال, عۇسمان قىرعىزباەۆ جۇبانىش بەلدەسۋىندە جەڭىلىس تاپتى. ؛

اتالمىش دوداعا الەمنىڭ 82 ەلىنەن 550-گە جۋىق دزيۋدوشى قاتىسۋدا. قازاقستاننان 16 سپورتشى بارسا, سونىڭ ء12-سى - ەرلەر. ايەلدەر اراسىندا قازاقستاندىقتار اننا كازيۋلينا (-52 كگ) مەن سەۆارا نيشانباەۆا (-57 كگ) جارىس جولىنان ەرتە شىعىپ قالدى.