يمانعالي تاسماعامبەتوۆ يگور كرۋتوي جولداعان #abai175 ەستافەتاسىن جالعاستىردى (ۆيدەو)

تاسماعامبەتوۆ ابايدىڭ 175 جىلدىعىنا ارنالعان ينتەلەكتۋالدىق ەستافەتانى جالعاستىردى دەپ جازادى qamshy.kz اقپارات اگەنتتىگى. ؛

قازاقستاننىڭ رەسەي فەدەراسياسىنداعى توتەنشە جانە وكىلەتتى ەلشىسى يمانعالي تاسماعامبەتوۆ قازاقتىڭ ويشىلى, اقىن اباي قۇنانباەۆتىڭ 175 جىلدىعىنا ارنالعان #abai175 ەستافەتاسىن جالعاستىردى.

تانىمال رەسەيلىك پروديۋسەر يگور كرۋتويدان جانە اقىن مارالتاي رايىمبەكۇلىنان اباي ولەڭدەرىن وقۋ ەستافەتاسىن قابىلداعان ەلشى ابايدىڭ التىنشى قارا ءسوزىن وقىدى.

ايتا كەتەتىن بولساق, يمانعالي نۇرعاليۇلىنا اباي مۇراسى تىڭ تاقىرىپ ەمەس. وسىدان شيرەك عاسىر بۇرىن, 1995 جىلى ۆيسە-پرەمەر تاسماعامبەتوۆ ابايدىڭ 150 جىلدىعىن يۋنەسكو كولەمىندە تويلاۋعا ۇلكەن مۇرىندىق بولدى. قازاقستان ۇلتتىق عىلىم اكادەمياسىنىڭ ابايدىڭ 150 جىلدىعىنا ارناپ وتكىزگەن مەرەكەلىك سەسسياسىنىڭ اشىلۋىندا تاسماعامبەتوۆ «؛اباي &ndash؛ پىكىرىمىزدىڭ ءپىرى, رۋحىمىزدىڭ تۋى»؛ اتتى ۇلكەن بايانداما جاساعان.

تاسماعامبەتوۆ ابايدى عانا ەمەس, بارشا قازاق زيالىلارىن دارىپتەۋگە بارىنشا قولداۋ كورسەتىپ جۇرگەن جان. يۋنەسكو قامقورلىعىمەن جامبىل جاباەۆتىڭ دا 150 جىلدىعىن, مۇحتار اۋەزوۆ, قانىش ساتباەۆ, عابيت مۇسىرەپوۆ, الكەي مارعۇلاننىڭ عاسىر تويلارىن وتكىزگەنى دالەل. سونداي-اق, تاسماعامبەتوۆ 2017 جىلى ۆيسە-پرەمەر قىزمەتىندە الاشتىڭ 100 جىلدىعىن تويلاۋعا باستاما كوتەرگەن ەدى.

ەلشى ەستافەتانى جان دوسى دوسحان جولجاقسىنوۆقا جولدادى.