وڭتۇستىك قازاقستاندا اسا ءقاۋىپتى جۇقپالى اۋرۋ تىركەلدى

قازاقستاننىڭ باس سانيتارلىق دارىگەرى جانداربەك بەكشين ەلدىڭ وڭتۇستىك وڭىرىندە تۇرعىندار كونگو-قىرىم گەمورراگيالىق قىزباسىن جۇقتىرعانىن ايتتى دەپ حابارلايدى ؛qamshy.kz اقپارات اگەنتتىگى ؛sputnik قازاقستان ؛سايتىنا سىلتەمە جاساپ.

"9 جاعداي تىركەلدى. قىزىلوردا وبلىسىندا 4 ادام جانە تۇركىستان وبلىسىندا 4 ادام جۇقتىرعان. تاعى ءبىر ادام بۇل اۋرۋدى وزبەكستان رەسپۋبليكاسىنان جۇقتىرىپتى", - دەدى ول ورتالىق كوممۋنيكاسيالار قىزمەتىندە وتكەن بريفينگتە.

وسى ورايدا جانداربەك بەكشين شەتەلگە شىعاتىن قازاقستاندىقتارعا ساق بولۋعا كەڭەس بەردى.

"وتە جۇقپالى اۋرۋلاردىڭ بار ەكەنىن ەستەن شىعارماۋىمىز كەرەك. مىسالى, دەنگە بەزگەگى. سوڭعى ەكى جىلدا 9 قازاقستاندىق تۋريست وسى اۋرۋعا شالدىقتى. قازاقستاندىقتار ءۇندىستان, تايلاند, ۆەتنام, سينگاپۋردە بولىپ, ەكزوتيكالىق دەرتتى جۇقتىرعان", - دەدى باس سانيتارلىق دارىگەر.

 ؛