رينات زايتوۆ قوسانوۆ تۋرالى بار شىندىقتىڭ بەتىن اشتى (ۆيدەو)

qamshy.kz پورتالىندا يرينا سوۆەتجانقىزىنىڭ "قامشى-سۇحبات" حابارى اشىلدى. حاباردىڭ العاشقى قوناعى &mdash؛ ايتىسكەر اقىن رينات زايتوۆ. سۇحبات بارىسىندا رينات زايتوۆ قوعامدا قىزۋ تالقىعا تۇسكەن ماسەلەلەرگە قاتىستى پىكىر ءبىلدىردى.

&mdash؛ سايلاۋدان كەيىن سەنى قاماۋعا العان كەزدە قازاق جاستارىنىڭ سەنى قالاي جاقسى كورەتىنىن بايقادىق. بۇل جاعداي ساعان قالاي اسەر ەتتى؟

&mdash؛ بىرىنشىدەن كۇتپەگەن جاعداي بولدى. مەن قازاق جاستارىمەن بۇرىننان جاقسى قارىم-قاتىناستامىن. سايلاۋ كۇنى جۇزدەگەن ستۋدەنتتى قاماپ ۇستاپ وتىرعان بىر-ەكى وقۋ ورىندارىنا باردىق. ايقايلاسىپ ءجۇرىپ ولاردى شىعارىپ الدىق. سول كۇنى مەن ءارى كەتسە, 15 كۇنگە قامايدى دەپ ويلادىم. ءبىراق قازاق جاستارىنىڭ جينالىپ, مەنى بوساتۋىن سۇرايدى دەپ كۇتپەدىم. مەن ىشتە وتىرعان كەزدە ماعان قىزمەتكەرلەر "سەن دالادا نە بولىپ جاتقانىن بىلەسىڭ بە؟" دەپ سۇرادى. مەن بىلمەيتىنىمدى ايتتىم. "سەنى بوساتۋدى سۇراپ, جينالىپ جاتىر" دەدى. سودان سوڭ مەن جينالعان ادامداردى قايتارۋ كەرەك دەگەن بولاتىنمىن. مەن "كەز كەلگەن ميتينگ, شەۋدە حالىق ۇتپايدى, كەرىسىنشە ۇتىلادى" دەگەندى بۇرىننان ايتىپ ءجۇرمىن. سەبەبى ميتينگتە ءبارىبىر قان توگىلەدى. سونداي-اق ميتينگتە بىرەۋدىڭ جالعىز ۇلى, قارىنداسى, باۋىرى بولادى. ءبىز ءاربىرىنىڭ باس اماندىعىن ويلاۋىمىز كەرەك. بۇل جاعدايدان كەيىن مەن ءوزىمدى ەڭ باقىتتى اقىن دەپ ەسەپتەيمىن. كەرەمەتتەي ولەڭ جازىپ جۇرگەنىم جوق. دەگەنمەن حالىقتىڭ ماعان دەگەن شىنايى ىقىلاسىن كورىپ, شىن قۋاندىم. ؛

&mdash؛ پوليسيا قاماعان ساتتە سەن اسا قاتتى قارسىلاسا قويمادىڭ. بۇل ؛ سەنىڭ زاڭسىزدىق جاساعانىڭدى مويىنداعانىڭ با, الدە جاعدايدى ۋشىقتىرىپ جىبەرەم دەپ قورىقتىڭ با؟

&mdash؛ مەنى ۇستاپ الىپ بارا جاتقان كەزدە مەنىڭ قولىمنان قاپسىرىپ ۇستاپ العان ادام "ريناتتى جىبەرمەيمىن" دەپ شىرىلداپ, جانىن بەرىپ تۇر. ەگەر مەن قانداي دا ءبىر ارەكەتكە باراتىن بولسام, سول جەردەگى حالىقتىڭ بارلىعى قارسىلاساتىن ەدى. ال بۇل مەن ايتقان قانتوگىسكە اكەلىپ سوعادى. مەن سودان قورىقتىم. سوندىقتان ءبىز سول جيىنعا رۇقسات سۇرامادىق. سەبەبى بۇل اياق استى بولعان جيىن بولدى. سەبەبى دە بەلگىلى. قوسانوۆ دەپ ايتا بەرەيىن, اتىن اسا ايتقىم كەلمەيدى. سول ادامعا سەنىپ, قالاردىڭ الدىندا ماعان "الدانىپ قالساڭىز قايتەسىز؟" دەپ سۇراق قويىلدى. مەن "حالىق الدىندا تىزەرلەپ تۇرىپ كەشىرىم سۇرايمىن" دەپ جاۋاپ بەردىم. ەر ازامات ايتتى ما, ايتقانىن ورىنداۋ كەرەك. بىزدە دە زاڭسىزدىق بار ەكەنىن بىلدىك. سەبەبى رۇقسات ەتىلمەگەن جيىن جاسادىق. رۇقسات بەرىلمەيتىن دە ەدى. زاڭ بىزگە قارسى بولعاندىقتان, بىزگە ايىپپۇل سالىپ, 15 كۇنگە قامايتىنىن دا بىلدىك جانە ىشتەي دايىن بولدىق. ؛

&mdash؛ تىزەرلەپ ەل الدىندا كەشىرىم سۇرادىڭ. كەشىردى دەپ ويلايسىڭ با؟

&ndash؛تۇسىنگەندەر كەشىردى دەگەن ويدامىن. سەبەبى يىلگەن باستى قىلىش كەسپەيدى. سەبەبى, حالىقتىڭ جارتىسىنان كوبى سەندى, ۇمىتپەن قارادى. مەن قوسانوۆپەن 2 رەت كەزدەستىم. كەزدەسكەن كەزدە وعان "حالىق الداناسىڭ دەپ جاتىر. ەگەر سولاي بولسا, مەن وسى جەردەن قويا سالايىن" دەپ ايتقان ەدىم. ونىڭ ؛ ويىندا نە بولعانىن مەن بىلمەيمىن. "جوق باۋىرىم, ءبارى دۇرىس. ەركەكشە ءسوزىم", - دەپ ايتقان ەدى. ءسويتىپ, ول جىگىتشە ءسوز بەرىپ, قول الىسقان بولاتىنبىز. ؛

&mdash؛ سەن "پارتيا قۇرامىن, زاڭ تالاپتارىن جاتتايمىن" دەپ ۋادە بەرگەن ەدىڭ. زاڭ تالاپتارىن جاتتاي باستادىڭ با؟

&mdash؛ ءيا, ەندى باستاماقپىن. ءقازىر جازعى دەمالىس. مۇمكىنشىلىك بار. ءقازىر ءبارى پارتيا قۇرۋ جونىندە ايتىپ ءجۇر. ءبىراق مەن پارتيا قۇرۋدىڭ نەگىزگى شارتتارى تۋرالى دا بىلمەيمىن. ونىڭ ءبارىن زەرتتەپ ءبىلۋ كەرەك. شىنى كەرەك, ءقازىر اينالامدا تولىقتاي سەنىم ارتىپ, سەرىكتەس بولاتىن ادام جوق. مەن بايقامادىم. "اۋزى كۇيگەن ۇرلەپ ىشەر" دەمەكشى, كىمگە سەنەرىمدى بىلمەيمىن. سودان سوڭ قازاقستاننىڭ ءابليازوۆ دەگەن شەتەلدە وتىرعان ساۋەگەيى بار عوي. سول "ەندى بيلىك ريناتقا پارتيا اشىپ بەرەدى" دەپ ايتىپتى. مەن ونىڭ وتىرىكشى ەكەنىن دالەلدەگىم كەلەدى. ءسوزىمدى دالەلدەۋ ءۇشىن "جوق مەن ەشقانداي ارەكەتكە بارمايمىن" دەپ ايتسام دا بولادى. ءبىراق مەنىڭ كوزقاراسىم, پىكىرىم وزگەرگەن جوق. وسىنى مەن كوپشىلىككە تۇسىندىرگىم كەلەدى. جارايدى, ەشقانداي پارتيا قۇرا المادىق دەپ ويلايىقشى. ءبىراق مەن كەز كەلگەن مۇمكىندىكتى قولىمنان كەلگەنشە حالىقتىڭ جاعدايىن ايتىپ قالۋعا پايدالانامىن. ؛

 ؛