05 شىلدە, 2019 ۇلت بولمىسى
قازاققا "؛اجەتحاناعا بارۋدى ۇيرەتتىك"؛ دەيتىندەردىڭ قۇلاعىنا التىن سىرعا
قازاقتاردا مەديسينا بولعان ەمەس, كەيىننەن ورىستاردان ۇيرەنگەن
2004 جىلدىڭ ءشىلدە ايىندا ەمحانامىزعا انگليادان ارنايى كەلگەن پروفەسسور:
&ndash؛ سىزدەردىڭ اتا-بابالارىڭىزدا وزىندىك قالىپتاسقان مەديسينا, شيپاگەرلىك بولعان با, جوق الدە, كەيىننەن ۇيرەندىڭىزدەر مە؟ &ndash؛ دەپ سۇراق قويدى.
وسى ساتتە بىزدە ىستەيتىن پروفەسسور ورىس ايەلى بىردەن:
&ndash؛ قازاقتاردا مەديسينا بولعان ەمەس, كەيىننەن ورىستاردان ۇيرەنگەن, &ndash؛ دەپ قويىپ قالدى. مەن ورىس ايەلدىڭ ءسوزىن اياعىنا دەيىن سابىرمەن تىڭداپ بولدىم دا, اعىلشىن دارىگەرگە بىلاي دەدىم:
&ndash؛ سىزگە مىسال رەتىندە ەكى ماسەلەنى ايتايىن, سوسىن ءبىزدىڭ اتا-بابامىزدا مەديسينا بولىپ-بولماعاندىعىن ءوزىڭىز شەشىڭىز.
&ndash؛ جاقسى.
&ndash؛ سىزدەردە اس قورىتۋعا قاجەتتى ماڭىزدى فەرمەنتتى بولەتىن بەزگە &ldquo؛pancreas&rdquo؛ دەيدى. بۇل &ldquo؛تاسباقانىڭ جوتاسىنداعى تاسى, ياعني, ساۋىتى&rdquo؛ &ndash؛ دەگەندى بىلدىرەدى. ياعني سىزدەر بەزدىڭ سىرتقى ۇقساستىعىنا, ونىڭ تۇرىنە قاراپ وسىلاي اتاعانسىزدار. ال ورىستاردا &ldquo؛پودجەلۋدوچنايا جەلەزا&rdquo؛ دەيدى. ولار دا اسقازاننىڭ استىندا ورنالاسقاندىعى ءۇشىن وسىلاي اتاعان. ەكەۋى دە كوزبەن كورگەنىنە قاراپ اتاۋ بەرگەن. ال ءبىزدىڭ اتا بابالارىمىز &ldquo؛ۇيقى بەزى&rdquo؛ دەيدى. سەبەبى بۇل بەز جۇمىسىن توقتاتقان جاعدايدا, ادام كوماعا, ياعني ۇيقىعا كەتەدى. ەگەر اتا-بابالارىمىزدا مەديسينا بولماعان بولسا, وندا اتالمىش بەزدىڭ كوماعا سەبەپ بولاتىنىن قايدان بىلگەن؟ &ndash؛ دەگەنىمدە, اعىلشىن پروفەسسورى ءۇنسىز باسىن شۇلعىدى.
&ndash؛ سوسىن گەن عىلىمى دامىعاننان كەيىن عانا عالىمدار ءتۇرلى اۋرۋلاردىڭ نەشە اتاعا دەيىن تۇقىم قۋالايتىندىعىن دالەلدەپ وتىر. ال ءبىزدىڭ اتا-بابالارىمىز جەتى اتاعا دەيىن قىز بەرىسىپ-الىسۋعا تىيىم سالعان جانە بۇل تىيىم ءالى كۇنگە دەيىن جالعاسىپ كەلە جاتىر. قازاقتار مەديسينانى بىلمەگەن بولسا, ولار عىلىم ەندى عانا ءبىلىپ جاتقان اۋرۋدىڭ نەشە اتاعا دەيىن تۇقىم قۋالايتىندىعىن قالاي بىلگەن؟ &ndash؛ دەگەنىمدە, الگى پروفەسسوردىڭ كوزى شاراداي بولىپ:
&ndash؛ شىنىمەن دە سىزدەردە جەتى اتاعا دەيىن ۇيلەنۋگە بولماي ما؟ بۇل عاجاپ ەكەن. عاجاپ! مىنانداي حالىقتا &ldquo؛مەديسينا بولمادى&rdquo؛ دەۋگە استە بولمايدى, &ndash؛ دەدى تاڭدانىسىن جاسىرا الماي. ال انا پروفەسسور ورىس ايەل: &ldquo؛ەرسين تۋرسىنحانوۆيچ, يا ەتي مومەنتى نە زنالا&rdquo؛ &ndash؛ دەپ قايتا-قايتا كەشىرىم سۇرادى.
ويلاناتىن دۇنيە. مۇنداي مىسالدار وتە كوپ. ەندەشە بىزدەر اتا-بابامىزبەن ماقتانۋىمىز قاجەت. الايدا, بۇل ماقتانىش ءوز-وزىمىزدى جۇباتۋ ءۇشىن ەمەس, شابىتتاندىرۋ ءۇشىن كەرەك.
ەرسىن تۇرسىنحانۇلى, تراۆماتولوگ
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر