• usd 468.56

  • eur 497.56

  • rub 7.3

  • cny 67.18

28 ناۋرىز, 13:11:20
الماتى
+35°

04 شىلدە, 2019 الەۋمەت

رينات زايتوۆ سايلاۋدان كەيىن العاش رەت ايتىسقا قاتىسپاق (ۆيدەو)

رينات زايتوۆ ودان بولەك تاعى بىرنەشە مارتە ايتىسقا قاتىسۋشىلاردىڭ تىزىمىندە اتالىپ, ءبىراق ايتىس وتەتىن كۇنى "؛تىزىمنەن سىزىلعان"؛.

ايتىسكەر اقىن رينات زايتوۆ شىعىس قازاقستان وبلىسى ءۇرجار اۋدانى قابانباي اۋىلىندا وتەتىن "ەل ايبىنى, جىر ايدىن - الاكول" اتتى ايتىسقا قاتىسادى ؛دەپ جازادى qamshy.kz اقپارات اگەنتتىگى. بۇل تۋرالى ايتىس اقىندارى مەن جىرشى, تەرمەشىلەردىڭ حالىقارالىق وداعىنىڭ الەۋمەتتىك جەلىدەگى پاراقشاسىندا ايتىلدى. ؛

ايتىسكەرلەر وداعىنىڭ مالىمەتىنشە, ءۇرجار اۋدانى اكىمدىگىنىڭ ۇيىمداستىرۋىمەن ؛ 13 شىلدەدە وتەتىن ايتىسقا زايتوۆتان بولەك, اسپابەك شۇعاتاەۆ, رۇستەم قايىرتايۇلى, ەركەبۇلان قاينازار, مۇحتار نيازوۆ جانە ت.ب ايتىس اقىندارى قاتىسادى. ؛

رينات زايتوۆ قازاقستاندا 9 ماۋسىمدا وتكەن كەزەكتەن تىس پرەزيدەنت سايلاۋىنىڭ الدىندا حالىقتى سايلاۋعا شاقىرىپ, بەلسەندىلىك تانىتتى. سايلاۋدان كەيىن 10 ماۋسىمدا ساعات 18.00-دە اقىن الماتى قالاسىنداعى "الاتاۋ" ءداستۇرلى ونەر تەاترىنىڭ الدىندا ءبىر توپ باقىلاۋشىلارمەن بىرگە "سايلاۋدىڭ ادىلەتسىز وتكەنىن", الداعى ۋاقىتتا ءوزىنىڭ "پارتيا قۇراتىن ويى بار" ەكەنىن ايتىپ, الاڭعا شىققان. ارنايى جاساق پەن پوليسيا وكىلدەرى زايتوۆتى الاڭدا سويلەپ تۇرعان جەرىنەن ۇستاپ, ؛ الماتى قالالىق پوليسيا دەپارتامەنتىنە الىپ كەتتى. ؛ ؛

10 ماۋسىم كەش باتقان كەزدە الماتى پوليسيا دەپارتامەنتىنىڭ الدىنا مىڭعا جۋىق ادام جينالىپ, بيلىكتەن رينات زايتوۆتى بوساتۋدى تالاپ ەتتى. ولاردىڭ اراسىندا ونەر ادامدارى, اقىندار, جۋرناليستەر جانە ت.ب. تانىمال ادامدار بولدى. زايتوۆتىڭ ءوزى جينالعانداردى تاراۋعا شاقىرىپ, حالىقتىڭ الدىنا كەلدى. ؛

سول وقيعانىڭ ەرتەسىندە رينات زايتوۆتىڭ يۋتۋب جەلىسىندەگى جەكە ارناسىنداعى ۆيدەولار تۇگەلىمەن جويىلىپ, اقىندى "جوعالتىپ العاندار" كوپ بولدى. الەۋمەتتىك جەلىدە ءبىراز ادامدار ؛ "زايتوۆ بيلىكتىڭ ايتقانىنا كوندى" دەپ سىناسا, ونىڭ جاقتاۋشىلارى اقىننىڭ "ومىرىنە ءقاۋىپ تونە مە" دەپ الاڭدادى.

12 ماۋسىمدا بەلگىلى اقىن, "ايتىس اقىندارى مەن جىرشى-تەرمەشىلەردىڭ حالىقارالىق وداعى" رەسپۋبليكالىق قوعامدىق بىرلەستىگىنىڭ ءتورعاسى ءجۇرسىن ەرمان ؛ ؛qamshy.kz ؛اقپارات اگەنتتىگىنىڭ تىلشىسىنە رينات زايتوۆتىڭ قاي جاقتا جۇرگەنىنەن حابارسىز ەكەنىن, 16 ماۋسىمدا اقسۋات اۋىلىندا وتەتىن ايتىسقا قاتىستىرىلمايتىنىن ايتىپ ؛بەردى.

رينات زايتوۆ ودان بولەك تاعى بىرنەشە مارتە ايتىستاقا قاتىسۋشىلاردىڭ تىزىمىندە بولىپ, ءبىراق ايتىس وتەتىن كۇنى "تىزىمنەن سىزىلعان".

 ؛

 ؛

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر