انشى مەيرامبەك بەسباەۆ حالىقتىڭ قازىرگى جاعدايىنا كوڭىلى تولمايتىنىن ايتتى ؛دەپ جازادى qamshy.kz اقپارات اگەنتتىگى. بۇل تۋرالى ءانشى جۋرناليست امان تاسىعاننىڭ ؛youtube ؛ارناسىنداعى "talklike" باعدارلاماسىنا بەرگەن سۇحباتىندا ايتقان.
بەسباەۆتىڭ ايتۋىنشا, "حالىقتىڭ جاعدايى شامامەن بەس جىلداي بۇرىن قازىرگىدەن جاقسىراق بولعان".
"مەنى حالىقتىڭ جاعدايى قاناعاتتاندىرمايدى. ونى مەن گاسترولدەن-اق بايقادىم. بۇرىندارى, سالىستىرمالى تۇردە ايتقاندا بەس جىل بۇرىن حالىقتىڭ جاعداي جاقسى بولاتىن. سول كەزدەردە ءبىز (رەد. مۋزارت توبى) گاسترولدىك ساپارمەن بارعان جەرىمىزدە ءۇش-تورت كونسەرت قوياتىنبىز. بارىنە حالىق كوپ جينالاتىن. ءبىراق ءقازىر ولاي ەمەس. حالىق كونسەرتكە كەلگىسى-اق كەلەدى, الايدا اقشالارى جوق. بۇرىندارى مەن "قۇداي بۇيىرتپايتىن نارسەنى بۇيىرتپايدى, بۇيىراتىن نارسە جەردىڭ استىندا جاتسا دا بۇيىرادى" دەگەن تۇسىنىكپەن جۇرەتىنمىن. كەيىنگى كەزدەرى حالىقتىڭ جاعدايىن كورىپ, "ساياساتتا جۇرگەندەر نە ىستەپ ءجۇر وسى" دەپ ويلانىپ ءجۇرمىن. حالىققا ءقازىر رۋحاني دا, ماتەريالدىق كومەكتە قاجەت. اسىرەسە, ماتەريالدىق كومەك قاتتى كەرەك. ويتكەنى قالتاسىندا اقشاسى جوق ادامعا ءبىزدىڭ كونسەرتىمىزدىڭ نە كەرەگى بار", - دەدى مەيرامبەك بەسباەۆ.
سۇحبات بارىسىندا بەسباەۆ "قازىرگى ەسترادا ماعىناسى جوق ارزان اندەردىڭ كوبەيىپ بارا جاتقانىنا ءبىرىنشى كەزەكتە انشىلەر كىنالى" ەكەنىن ايتتى.
"كورەرمەندە ەمەس, ارزان ءاندى ايتىپ جۇرگەن ءانشىنىڭ ءوزى كىنالى. حالىقتىڭ تالابى سونداي دەگەن بوس ءسوز. حالىق ماعىنالى, ومىرشەڭ اندەر ايتساڭ دا تىڭدايدى", - دەدى ءانشى. ؛
بەسباەۆتىڭ ايتۋىنشا, قازاقستاندا ءجۇرىپ ەمەس, قىتايعا بارىپ كۇللى الەمگە تانىلعان ديماش قۇدايبەرگەنگە "لايىقتى ءان جازىپ بەرەتىن كومپوزيتورلار جوق ەلىمىزدە". ؛
سونىمەن قاتار بەسباەۆ سۇحبات بارىسىندا "انشىلەرگە ارنالعان ارنايى زاڭ كەرەك" ەكەنىن, ءوزىنىڭ باستاماسىمەن "حابار" ارناسىنان كورسەتىلگەن "جۇلدىزدى جەكپە-جەك" باعدارلاماسى تۋرالى جانە ت.ب. قوعامدا ورىن الىپ جاتقان وقيعالار مەن جاڭالىقتار تۋرالى وي ءبولىستى.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر