01 شىلدە, 2019 ايماقتار
ارىس قالاسىن قالپىنا كەلتىرۋگە الماتى وبلىسىنان 1 ملرد تەڭگە جۇمسالماق
ونىڭ ىشىندە 157 جەكەمەنشىك ءۇي وبلىس تاراپىنان قالپىنا كەلتىرىلەتىن بولادى.
الماتى وبلىسى ارىس قالاسىن قالپىنا كەلتىرۋ ىسىنە بەلسەندى اتسالىسادى. بۇل تۋرالى بۇگىن الماتى وبلىسىنىڭ اكىمى اماندىق باتالوۆ ارنايى ءباسپاسوز ءماسليحاتىندا مالىمدەدى دەپ حابارلايدى qamshy.kz اقپارات اگەنتتىگى وبلىس اكىمىنىڭ ءباسپاسوز قىزمەتىنە سىلتەمە جاساپ.
"شاھاردى قالپىنا كەلتىرۋ بويىنشا ەلىمىزدىڭ ءار وبلىسى جانە رەسپۋليكالىق ماڭىزى بار قالالارعا ارنايى ۋچاسكەلەر بەرىلدى. بىزگە №15 ۋچاسكە بەرىلدى. بۇل اۋداندا 29 كوشەدە ونلاسقان 9 الەۋمەتتىك, 14 كوممەرسيالىق نىسان مەن 854 جەكەمەنشىك تۇرعىن ءۇي ورنالاسقان. ونىڭ ىشىندە 157 جەكەمەنشىك ءۇي وبلىس تاراپىنان قالپىنا كەلتىرىلەتىن بولادى. بۇگىنگى كۇنى جۇمىستىڭ جوسپارى جاسالىپ, اۋقىمى انىقتالۋدا. وسى ءىستى جۇزەگە اسىرۋ ءۇشىن وبلىس بيۋدجەتىنەن 1 ملرد. تەڭگە كولەمىندە قارجى بولىنبەك»؛, - دەدى اماندىق باتالوۆ.
بۇل ءىستى جۇزەگە اسىرۋ ءۇشىن ارىس قالاسىندا ارنايى جۇمىس توبى ءجۇر دەگەن وبلىس باسشىسى قۇرىلىس ءبىر ايدىڭ ىشىندە ءبىتۋى ءتيىس ەكەندىگىن العا تارتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر