01 شىلدە, 2019 دەنساۋلىق
ارىستاعى جارىلىس كەزىندە زارداپ شەككەن 50 ادام اۋرۋحانادا جاتىر دەپ حابارلايدى qamshy.kz اقپارات اگەنتتىگى. ؛
بۇل تۋرالى ناۋقاستارمەن كەزدەسۋ كەزىندە دەنساۋلىق ساقتاۋ ءمينيسترى ەلجان ءبىرتانوۆ ايتتى. ءمينيستردىڭ ايتۋىنشا, قازىرگى ۋاقىتتا 50 ناۋقاس اۋرۋحانادا ەم قابىلداپ جاتىر. اۋىر جاراقات العان ەكى ادام نۇر-سۇلتان قالاسىنا, تاعى ەكى ادام الماتىداعى ەمدەۋ مەكەمەلەرىنە جەتكىزىلگەن.
"قاجەتتى دارى-دارمەك بار, مەديسينالىق كومەك شتاتتىق رەجيمدە كورسەتىلىپ جاتىر", - دەدى ءبىرتانوۆ.
دەنساۋلىق ساقتاۋ ءمينيسترىنىڭ ايتۋىنشا, ءقازىر ارىس حالقىنا مەديسينالىق كومەك كورسەتۋ ءۇشىن 17 جەدەل جاردەم بريگاداسى جۇمىس ىستەيدى. بۇل ىسكە ءتورت جىلجىمالى كەشەن, ۇلتتىق ساراپتاما ورتالىعىنىڭ 18 قىزمەتكەرى ؛مەن 2 جىلجىمالى زەرتحانا جۇمىلدىرىلعان.
اۋىر جاراقات العان ءتورت ادام نۇر-سۇلتان جانە الماتى قالالارىنا جەتكىزىلدى.
سونداي-اق, رادياسيالىق باقىلاۋ توبى ارىس اۋماعىن تەكسەردى.
"518 زەرتتەۋ جۇرگىزىلدى. رادياسيا دەڭگەيى سانيتارلىق نورمالارعا ساي. سونداي-اق جارىلىس اۋماعىنداعى جەر قىرتىسى تەكسەرىلدى", - دەدى ءبىرتانوۆ.
مينيستر اتموسفەرالىق اۋا ەلۋ رەت تەكسەرىلگەن اتاپ ءوتتى. ميكروبيولوگيالىق جانە سانيتارلىق-حيميالىق كورسەتكىشتەردى زەرتتەۋ جۇمىستارى جۇرگىزىلگەن. ولار دا نورماعا ساي.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر