تويوتا قالاي تابىسقا جەتتى؟

كۇللى الەمنىڭ اۆتوكولىك وندىرۋشىلەرى داعدارىستان كوز اشپاي وتىرعان كەزەڭدە, "تويوتا" كومپانياسىنىڭ كەرىسىنشە تاسى ورگە دومالاپ, قارىشتاپ دامۋىنىڭ باستى سەبەبى &ndash؛ tps (toyota production system) وندىرىستىك جۇيەسىنىڭ ناتيجەسى.

بۇل جۇيەنىڭ جۇمىس ۇدەرىسىنە ەنگىزىلگەنىنە 60 جىلدان اسىپ بارادى. ادامي قۇندىلىقتاردى قادىرلەي بىلەتىن tps سياقتى ۇدەمەلى ۇدەرىستىڭ استارىندا ادامدارعا قۇرمەت كورسەتەتىن "respect for people" ءادىسى مەن ۇزدىكسىز جەتىلدىرۋشى "كايدزەن" جۇيەسى جاتىر. تويوتاعا تولاعاي تابىس سىيلاعان كايدزەن جۇيەسىن كەڭىنەن تارقاتىپ ايتساق. ؛

كايدزەننىڭ باستى ماقساتتارىنىڭ ءبىرى &ndash؛ ءوندىرىستىڭ تيىمدىلىگىن ارتتىرۋ. ماسەلەن وپەراتورعا ءبىر بولشەكتى الۋ نەمەسە ونىمەن جۇمىس جاساۋ قيىنعا سوعادى دەلىك. بۇل ماسەلەنى شەشۋ ءۇشىن ارنايى تەكسەرۋشى توپ الگى وپەراتوردىڭ جۇمىس ورنىنا كەلەدى. تۋىنداعان قولايسىزدىقتى ءوز كوزدەرىمەن كورىپ, ساراپتاما ناتيجەسىندە جۇمىس ورنىنداعى ولقىلىقتىڭ ورنىن تولتىرادى. وسىلايشا, قىزمەتكەرگە جۇمىس ورنى مۇمكىندىگىنشە قولايلى, جۇمىس ناتيجەسى الدەقايدا جوعارى بولادى.

كايدزەن تىكەلەي وندىرىستە جۇمىس جاسايتىن ادامدار ءۇشىن وتە ماڭىزدى, ويتكەنى بۇل جۇيە قىزمەتكەرلەرگە ءوز مۇمكىندىكتەرىن تولىقتاي كورسەتۋگە جول اشادى. مەنەدجمەنت كەيدە ينجەنەرلەرگە قاراعاندا وسىنداي جۇمىسكەرلەردى باعالايدى &ndash؛ پراكتيكالىق تاجىريبە وندىرىستە جۇمىس ىستەمەگەن اۋەسقويلارعا  ؛قاراعاندا الدەقايدا قۇندى.

سوندىقتان, "تويوتا" كومپانياسىندا جۇمىس پروسەسىن وڭتايلاندىرۋدى ۇسىناتىن قىزمەتكەرلەر توبى &ndash؛ "ساپانى باقىلاۋ ۇيىرمەلەرى" اشىلعان. ساپانى باقىلاۋشى ءاربىر ۇيىرمە: سەحتىڭ 5-7 قىزمەتكەرى مەن تالىمگەردەن تۇرادى. جاقسى ناتيجە كورسەتىپ, توپ جارعان ۇزدىك ۇيىرمەلەر ۇنەمى جاپونيا مەن ەۋروپاداعى حالىقارالىق كونفەرەنسيالارعا قاتىسىپ, ءوز يدەيالارىن باسقا زاۋىتتارداعى ارىپتەستەرىمەن بولىسەدى. yokoten جاپون قاعيداسىنىڭ ماقساتى ؛&ndash؛ تاجىريبە الماسۋ جانە ماڭىزدى اقپاراتتارمەن ءبولىسۋ پروسەسىن ءبىر عانا كاسىپورىننىڭ قىزمەتكەرلەرىمەن شەكتەمەي, بىرنەشە كاسىپورىن قىزمەتكەرلەرىنىڭ اراسىندا اسىرۋدى كوزدەيدى.

وز ونىمدەرىنىڭ ساپاسىنا سىن كوزبەن قارايتىن "تويوتا" كومپانياسىندا ساپانى سىرتتاي باقىلاۋدىڭ كوپساتىلى جۇيەسى ەنگىزىلگەن. ءبىرىنشىسى &ndash؛ "سىني نۇكتەلەر" دەپ اتالادى, بۇل ساتىدا قاۋىپسىزدىككە بايلانىستى, زاڭنامالىق نورمالارعا سايكەستىك, اتموسفەراعا شىعارىلاتىن قالدىقتار جانە ءتۇرلى بولشەكتەردىڭ بايلانىسى تەكسەرىلەدى. بۇل تەكسەرىستى ءاربىر سەح وزدەرى جاسايدى. ەكىنشىسى &ndash؛ ءاربىر ءوندىرىس بولىمشەلەرىنىڭ سوڭىندا بولاتىن كىشى-تەكسەرىس. سوڭعى ءۇشىنشى ساتىسى &ndash؛ تورتكۇل دۇنيەنىڭ ءتورت بۇرىشىنا اتتانعالى تۇرعان دايىن اۆتوكولىكتەردى قويمالارعا جىبەرۋدەن بۇرىن جاسالاتىن سوڭعى ساپا تەكسەرىسى.

"تويوتا" كومپانياسىنىڭ تاعى ءبىر تاڭعاجايىبى &ndash؛ ءاربىر قىزمەتكەردىڭ جۇمىس ورنى "5s"دەپ اتالاتىن بەس قاعيدا نەگىزىندە قۇراستىرىلعان. ولار:

1. seiri نەمەسە سۇرىپتاۋ &ndash؛ زاتتاردى كەرەك جانە كەرەكسىز دەپ ەكىگە ءبولىپ, كەرەكسىز دەپ تاپقاندارىڭىزدان تەز ارادا قۇتىلۋ.
2. seiton نەمەسە ءتارتىپ ساقتاۋ &ndash؛ زاتتاردى قينالماي تاۋىپ, قولدانۋعا قولايلى بواتىنداي ەتىپ بىرىزدىلىكپەن ورنالاستىرۋ.
3. seiso نەمەسە تازالىق &ndash؛ جۇمىس ورنىن, قاجەتتى قۇرال-جابدىقتاردى تازا ۇستاۋ.
4. seiketsu نەمەسە ستاندارتتاۋ &ndash؛ تۇراقتىلىق پەن ءتارتىپ ساقتاۋ.
5. shitsuke نەمەسە مىنسىزدىك - بەلگىلەنگەن ەرەجەلەر مەن تەحنيكالىق وپەراسيالاردى 100 پايىز دۇرىس ورىنداۋ داعدىسىن قالىپتاستىرۋ

بۇل قاعيدالاردى كۇندەلىكتى ءومىر سالتىنا ەنگىزۋ ءۇشىن مىندەتتى تۇردە ءبىز اڭگىمە ەتىپ وتىرعان كاسىپورىننىڭ قىزمەتكەرى بولۋىنىڭىز قاجەت ەمەس. تەك قانا ءوزىڭىزدى-وزىڭىز جەڭىپ, ءوزىڭىزدى-وزىڭىز قامشىلاپ, قارەكەت قىلساڭىز جەتىپ جاتىر. كەمەلدىككە كايدزەنمەن بىرگە قادام باسىنىڭىز!  ؛