الماتى وبلىسىندا جەتكىنشەكتەرگە جول ءجۇرۋ ەرەجەلەرىنەن كونكۋرستار ۇيىمداستىرىلدى

«؛قاۋىپسىز جول»؛ رەسپۋبليكالىق جەدەل الدىن الۋ ءىس-شاراسى بارىسىندا جازعى لاگەردە دەمالۋشى بالالارعا جول قوزعالىسى بويىنشا قىزىقتى كونكۋرستار ۇيىمداستىرىلدى. جول قوزعالىسىنىڭ جاس ينسپەكتورلارى وتكىزگەن بايقاۋ دەمالۋشىلاردىڭ كوڭىلىنەن شىعىپ, بەلسەندىلىك تانىتقان بالالاردىڭ بارلىعىنا ەستەلىك سىيلىقتار تابىس ەتىلدى.

«؛رەسپۋبليكالىق ءىس-شارا اياسىندا ءمانى زور باتامانى قولعا الدىق. جول ءجۇرۋ ەرەجەسىن بالالار مۇلتىكسىز ساقتاۋى قاجەت. وسكەلەڭ ۇرپاق جول قوزعالىسىندا ەشقانداي قاتەلىك كەشىرىلمەيتىنىن سەزىنۋى ءتيىس. ويتكەنى, قاتەلىك سوڭى قايعىلى جاعدايعا دۋشار ەتەتىنى انىق. پوليسيا كومەكشىلەرى &ndash؛ جاس ينسپەكتورلارعا ريزاشىلىعىمىزدى بىلدىرەمىز»؛,- دەدى الماتى وبلىسى پد وكىلى ايجان اليپبايقىزى.

وبلىستىق پوليسەيلەردىڭ اقپاراتىنا سايكەس, جول قوزعالىسىنداعى بالالار جاراقاتىنىڭ الدىن الۋ جانە ونى بولدىرماۋ بويىنشا جۇيەلى جۇمىس تۇراقتى تۇردە جۇرگىزىلەدى. بيىل وبلىس كولەمىندە 220 جول-كولىك وقيعاسىندا ءجاسوسپىرىم بالالار زارداپ شەككەن. سونىڭ ناتيجەسىندە 10 بالا قايتىس بولىپ, 220 استام بالا ءارتۇرلى دەنە جاراقاتىن العان.

«؛جول ءجۇرۋ ەرەجەلەرىن ۇيرەتىپ, ولاردى ءتۇرلى ۆيكتورينالار مەن ويىندار ارقىلى ەستە ساقتاۋعا, ومىردە ورىندى قولدانۋعا باعىتتالعان ءىس-شارالار جازعى لاگەر ماۋسىمىنىڭ سوڭىنا دەيىن جالعاسادى»؛,- دەپ اتاپ ءوتتى وبلىستىق پوليسيا وكىلى.