قىزداردى سۇلۋلىققا سيقىرلاعان زەرە قىزدىڭ قۇپياسى نەدە؟

قاس-كىرپىگىڭ قارلىعاشتىڭ قاناتىنداي قاپ-قارا,

ۇلبىرەگەن ءجۇزىڭ سەنىڭ اق جىبەك پە, ماقتا ما؟!

ادەمى تەڭەۋ, كوڭىلگە قونىمدى ۇيقاس. قىز سۇلۋلىعىنىڭ اسەمدىگىن مۇقاعاليدان اسىرىپ ەشكىم جىرلاماعان بولار. تابيعاتىنان بولماسا دا, قارلىعاشتىڭ قاناتىنداي قاپ-قارا قاس-كىرپىكتى قىزدار بۇگىندە وتە كوپ. اركىم سۇلۋ بولۋعا ۇمتىلادى, سۇلۋ جار سۇيگىسى كەلەدى. جان سۇلۋلىعىنان بۇرىن ءتان سۇلۋلىعى ءبىرىنشى كوزگە تۇسەدى. دەگەنمەن, اسەمدىك الەمىندە شەكتەۋ جوق.

بۇگىنگى تاقىرىبىمىزعا ارقاۋ بولعان كەيىپكەرىمىز سۇلۋلىقتىڭ تابيعي جولىن ىزدەپ, ءاربىر ارۋعا شىنايى قۋانىش سىيلاپ كەلەدى.

جاس كەلسە ىسكە دەگەن. ادامنىڭ قىزمەتكە يكەمى, بولاشاققا باعدارى جاس تالعامايدى. ءىسىن دوڭگەلەتىپ وتىرعان جاس كاسىپكەرلەردىڭ وزگەلەرگە ۇلگى بولارلىق ءوز جولى بار. كىشكەنتاي عانا قىزىعۋشىلىعىن ۇلكەن ىسكە اينالدىرىپ, قازاقستاندا جوق كاسىپتىڭ تەتىگىن تاپقان ارۋ «؛zere purebeauty»؛ ءوندىرىسىنىڭ نەگىزىن قالاۋشى - زەرە سەرىكقازى. ول ءوز ءىسىن باستاماس بۇرىن وزگە قىزدار سياقتى سۇلۋلىققا قۇشتار بولعانىن جاسىرمادى. اينالاداعى سۇلۋلىقتىڭ تابيعي بولمىسىن كورە بىلگەن 24 جاستاعى ارۋ ەش ويلانباستان كادىمگى قاس-كىرپىك وسىرەتىن مايلاردىڭ ءوندىرىسىن باستاپ كەتكەن.

 ؛

مەن دە كەز كەلگەن قىز سياقتى سۇلۋلىقتى ىزدەدىم

ار ادام سۇلۋلىقتى ءارتۇرلى كورەدى, ءوز پايىمداۋلارىنا سايكەس قابىلدايدى. مەن دە وزگە قىزدار سياقتى كىرپىك جالعاپ, قاس سىزدىرۋعا قىزىقتىم. پەرمانەنتتى تاتۋاج جاساتسام وز-وزىمە سەنىمدى بولامىن دەدىم. بۇل مەن ءۇشىن ءبىر قيىن كەزەڭ ەدى (قىزدار قاۋىمى مەنى تۇسىنەر). مەن دە كەز كەلگەن قىز سياقتى سۇلۋلىقتى ىزدەدىم. ۋاقىت وتە كەلە ەشقانداي كىرپىك جابىستىرىپ, قاس جاساتپاي-اق, سۇلۋ بولا الاتىنىمدى ءتۇسىندىم. بۇل جاعدايدى قالاي وزگەرتۋگە بولادى دەپ كوپ ويلاندىم. تابيعي سۇلۋلىعىمدى ساقتاي وتىرىپ ادەمى بولۋعا تالپىندىم. جانىمداعى تانىس قىزدار دا قاس-كىرپىكتەرىن ادەمى ەتىپ جاساتىپ الاتىن. ءبىراق بۇل قۋانىش ۇزاققا سوزىلمايتىن. ارادا ۋاقىت وتكەن سوڭ قاس-كىرپىك جۇقارىپ, كوڭىلگە كىربىڭ تۇسىرەتىن. ويتكەنى قاس-كىرپىككە دە كۇتىم كەرەك. وسىلايشا مەن قاس پەن كىرپىكتىڭ تابيعي بولمىسىن ساقتاپ وسۋىنە سەپتىگىن تيگىزەتىن مايلاردى ويلاپ تابۋعا كىرىستىم. سول كۇننەن باستاپ كاسىبىمدى دامىتۋعا جاساعان العاشقى قادامدارىم باستالىپ كەتتى.

10 ؛000 تەڭگەدەن باستالعان كاسىپتىڭ ءناسىبى

وعان دەيىن مەن ەۋرازيا ۇلتتىق ۋنيۆەرسيتەتىنىڭ حالىقارالىق قاتىناستار ماماندىعى بويىنشا ءبىلىم الدىم. 19 جاسىمنان باستاپ جۇمىس ىستەپ, ايىنا 200-300 مىڭ تەڭگە ايلىق تابىس تاپتىم. ءبىراق ايلىعىم جەتكىلىكتى بولسا دا, جۇمىسقا دەگەن ماحابباتىم بولمادى. وز-وزىمە: «؛سەن وسى جەردە نە ىستەپ ءجۇرسىڭ؟»؛ دەگەن سۇراقتى ءجيى قويدىم.  ؛

سوسىن ەش ويلانباستان جۇمىستان شىعىپ كەتتىم. جارتى جىلداي مايلاردىڭ بارلىعىنىڭ قۇرامىن وقىپ, پايداسى مەن زيانىن انىقتادىم. باسقا كومپانيالار وندىرەتىن مايلاردىڭ قۇرامىن زەرتتەدىم. قالتامدا اقشام دا بولعان جوق. اتا-انامنان 10 ؛000 تەڭگە سۇراپ, ءبىرىنشى مايلار مەن بوتەلكەلەرگە تاپسىرىس بەردىم. ارى قاراي جۇمىسقا قىزۋ كىرىسىپ كەتتىم. باسىندا بىردەن تابىس بولعان جوق. تەك جارتى جىلدان كەيىن كىرىس كىرە باستادى. مەن ونىڭ بارلىعىن اينالىمعا جىبەردىم. «؛zere purebeauty»؛ قاس-كىرپىك, شاش وسىرۋگە ارنالعان مايلار ءوندىرىسىن بۇگىندە بارىنشا دامىتۋعا كۇش سالىپ جاتىرمىز.

قىزمەتكەرلەرىمنىڭ سانى از بولسا دا, جۇمىس ساپاسى وتە جوعارى بولعانىن قالايمىن

«؛zere purebeauty»؛ وندىرەتىن مايلار وتە تابيعي, حيميكاتتاردى, گارمونداردى پايدالانبايمىز. مايلارعا قاجەتتى ساپالى شيكىزاتتاردى ۋكراينادان, ەۋروپادان تاپسىرىس بەرىپ الدىرتامىز. ولاردىڭ ەشقانداي زيانى جوق. ەڭ باستىسى, تۇتىنۋشىنىڭ كەيبىر كومپونەنتتەرگە اللەرگياسى بولماسا بولدى. الەۋمەتتىك جەلىدەگى پاراقشامىزدا مايلاردىڭ قۇرامى تۋرالى تولىق اقپارات جاريالايمىز. كەز كەلگەن تۇتىنۋشى تولىق اقپاراتتى سول جەردەن وقىپ, تانىسا الادى. «؛zere purebeauty»؛ وندىرىسىندە قاسقا, كىرپىككە, شاشقا ارنالعان مايلار, تابيعي زاتتاردان جاسالعان سابىن بار.

بۇل ءقازىر ءبىزدىڭ وتباسىلىق كاسىبىمىز. 3 جىلدان بەرى وسى جۇمىسپەن اينالىسىپ كەلەمىز. ماعان انام, باۋىرىم كومەكتەسەدى. ءاربىر قىزدىڭ تابيعي سۇلۋ بولىپ, وزدەرىنە دەگەن سەنىمدىلىگىن ارتتىرۋ ءۇشىن كوماندامىزدا 6 ادام جۇمىس ىستەيدى. ءوز كوماندامنىڭ ۇلكەن بولۋىنا تالپىنعان جوقپىن. مەن بولمىسىمنان سانعا ەمەس, ساپاعا ءمان بەرەتىن جانمىن. قىزمەتكەرلەرىمنىڭ سانى از بولسا دا, جۇمىس ساپاسى وتە جوعارى بولعانىن قالايمىن. قىزمەت كورسەتۋ دەڭگەيى تۋرالى كوپ ويلانامىن. ءوزىم دە تۇتىنۋشى رەتىندە كوبىنە قىزمەت ساپاسىنا, مەنىمەن قالاي سويلەسكەنىنە ءمان بەرەمىن. وكىنىشكە قاراي, ءبىزدىڭ ەلىمىزدەگى قىزمەت كورسەتۋ دەڭگەيى كەرەمەت جاعدايدا ەمەس. ءار نارسەنى وزىمىزدەن باستاۋىمىز كەرەك ەمەس پە؟ سول سەبەپتى, قاراماعىمدا 5 ادام جۇمىس ىستەسە دە, قىزمەت كورسەتۋىمىز جوعارى دەڭگەيدە بولادى دەگەن ماقسات قويدىم. ءوزىنىڭ قايدا باراتىنىن, نە بولارىن بىلمەيتىن 100 ادامنان تۇراتىن كومانداعا قاراعاندا ءوز ءىسىن شىن ءسۇيىپ ىستەيتىن 5 ادام ناعىز مامان بولىپ شىعادى.

مەنىڭ دە مۋزام بار

مەن دە شىعارماشىلىق ادامىمىن. مەنىڭ دە ءوز مۋزام بار. ادامداردىڭ ادامگەرشىلىگىنەن, ولاردىڭ اسەرلى اڭگىمەلەرىنەن شابىتتانامىن. مەن جاقسى جەرلەردە بولعاندى, ساياحاتتاعاندى جاقسى كورەمىن. مەن ءۇشىن ءاربىر ساياحات - جاڭا بەلەس. ءار ادام ءوز ءومىرىنىڭ ىرگەسىن جاقسى كورگەن ادامدارىمەن, وقىعان كىتاپتارىمەن, ۇمىتىلماس ساياحاتتارمەن جانە ءتاتتى ەستەلىكتەرمەن قالايدى. بارلىق كەرەك ەمەس ويلاردان ارىلۋ كەرەك, سەنىڭ جاس جانىڭ ادالدىق پەن جاقسىلىقتى عانا سەزىنسىن. وتكەن ومىرگە قاراۋدىڭ قاجەتى جوق. بولعان ىسكە وكىنبە. باتىل بول, وزىڭە شىنشىل بول!

سىز ىڭعايلىلىق پەن سۇلۋلىقتىڭ قايسىسىن تاڭدار ەدىڭىز؟ وزگەلەردىڭ مەنى قابىلداۋىن ؛ كۇتكەندىكتەن تار اياق كيىم كيۋگە دايىن ادامداردىڭ قاتارىنان بولدىم. مەنى سۇلۋ ادام رەتىندە قابىلداعاندارىن قالادىم. بۇل جاي عانا ءومىر ءسۇرۋ سالتى. وزگەلەردىڭ سەنى مىقتى, سۇلۋ, ەرەكشە ادام دەپ ويلاۋى ءۇشىن بارلىعىن جاسايسىڭ. ءبىراق بارلىعى ولاي ەمەس. وسىنى تۇسىنگەننەن كەيىن ىڭعايلىلىقتى ءبىرىنشى ورىنعا قوياتىن بولدىم.

 ؛

توقتا! تەرەڭ تىنىستا! ءومىر عاجاپ!

كوپبالالى وتباسىندا تاربيەلەنگەن قىزبىن. ۇيدە 5 بالامىز. مەن اتا-اناممەن بىرگە شەتەلدە دەمالىپ كورگەن ەمەسپىن. وكىنىشكە قاراي, مەنىڭ اتا-انامنىڭ ونداي مۇمكىندىگى بولعان جوق. الايدا مەن اتا-انامنىڭ وزگەلەرگە جاساعان جاقسىلىعىن كورىپ ءوستىم. ولار ءبىزدى وزگەشە ەتىپ تاربيەلەدى. ءوزىم اقشا تابا باستاعاننان كەيىن ساياحاتتاۋدى باستادىم. العاش رەت تۇركياعا قۇربىممەن باردىم. حالىقارالىق كونفەرەنسياعا قاتىستىق, ءبىر جاعىنان ساياحاتتاپ قايتتىق. بۇل مەنىڭ ومىرىمدەگى وتە جارقىن ءسات بولدى. مەن العاش رەت وزگە الەمدى كوردىم.

بالا كەزىمدە كوپ ساياحاتتاماعاندىقتان بۇل مەن ءۇشىن جاڭا ءبىر بەلەس ەدى. سوڭعى جارتى جىلدىڭ ىشىندە 5 ەلدە بولدىم. جاڭا ادامدارمەن تانىسقاندى, ولاردىڭ قالاي ءومىر سۇرەتىنىن باقىلاعاندى جاقسى كورەمىن. ولاردىڭ جاقسى قاسيەتتەرىن بويىما دارىتۋعا تىرىسامىن. ەڭ ءبىر جارقىن ساياحاتتاردىڭ ءبىرى بارسەلوناعا بولدى. مەن اۋىرىپ, دەنە قىزۋىم 40 گرادۋس بولىپ تۇرسا دا, جۇمىس ىستەي بەرەمىن. توقتاۋدى بىلمەيمىن. بارسەلونادا ءجۇرىپ, اراسىندا توقتاۋ كەرەكتىگىن, ءومىردىڭ كەيبىر ساتتەرىن تىنىشتىقپەن وتكىزگەننىڭ دۇرىس ەكەنىن ءتۇسىندىم. ءبىر جەرگە ءومىر بويى جۇگىرىپ, اسىعىپ ءجۇرۋدىڭ قاجەتى جوق. توقتا! تەرەڭ تىنىستا! ءومىر عاجاپ!

«؛كىتاپ»؛ اتتى قۇدىرەتتى الەمنىڭ بولشەگىنە اينالدىم

مەن كىتاپ وقۋدى اسا ۇناتپايتىنمىن. ءبىراق بويىمداعى كىتاپقا دەگەن ماحابباتتى وياتۋعا تىرىستىم. ءسويتىپ, 10 سىنىپتان باستاپ كىتاپ اتتى قۇدىرەتتى الەمنىڭ ءبىر بولشەگىنە اينالدىم. ۇيقىسىز تۇندەرىم باستالدى. تۇنىمەن كىتاپ وقيتىنمىن. ءبىراق ءبىر جىل, جارتى جىلدان كەيىن وقىعاندارىمدى ۇمىتىپ قالا بەرەتىن بولدىم. سول سەبەپتى وسى جىلدان باستاپ مەن كۇندەلىك جۇرگىزۋدى قولعا الدىم. بارلىعىن سول جەرگە جازىپ وتىرامىن. كىتاپتان العان اسەرىمدى, ويلاردى سول جەرگە تىزبەكتەپ تەرەمىن. ودان بەرى كىتاپتىڭ ماعىناسىنا تولىق بويلادىم دەسەم بولادى. مەنىڭ بەرەر كەڭەسىم, وقىعانىڭىزدى مىندەتتى تۇردە ءتۇرتىپ ءجۇرىڭىز. كىتاپتاعى كىلت سوزدەردى جازساڭىز, ول ەشقاشان ۇمىتىلمايدى. تەك وسىلاي عانا وقىعانىڭىزدى كوڭىلگە توقۋىڭىزعا بولادى.

كۇن سايىن العا ۇمتىلۋدى ويلايمىن

بىزدە دە جۇمىسىمىز جۇرمەي, ءىسىمىز كەرى كەتەتىن كەزدەر بولادى. كەيدە ءبىزدىڭ ءونىمدى تۇتىنۋشىلاردىڭ ىشىندە مىنەزى وتە اۋىر ادامدار كەزدەسەدى جانە مەنىڭ ولارمەن سويلەسۋگە تاجىريبەم جەتپەي جاتادى. مەنىڭ دە ىشكى جان دۇنيەمدە قورقىنىش سەزىمى بار. ءبىراق كۇن سايىن مەن تەك العا قاراي ۇمتىلۋدى ويلايمىن. ءار كۇنى, ءاربىر مينۋت سايىن مەن جۇرەگىمنىڭ ۇنىنە قۇلاق تۇرەمىن. مەنىڭ بويىمداعى تاسىعان ەنەرگيانى قايدان الاتىنىمدى بىلمەيمىن. ءبىراق تاڭەرتەڭنەن كەشكە دەيىن كەزدەسۋلەر مەن جينالىستاردىڭ ورتاسىندا ءجۇرىپ بارلىعىنا ۇلگەرۋگە تىرىسامىن.

تۇرمىسقا شىققانىما جارتى اي عانا بولدى. مەن ءقازىر ءوز قۇندىلىقتارىمدى, ويىمدى وزگەرتىپ جاتىرمىن. ءبىر شاڭىراققا كەلىن بولىپ تۇسكەننەن كەيىن مەنىڭ ءوز مىندەتتەرىم بار. مەن بوي تۇزەيتىن ءمىنسىز ايەلدەر تۋرالى ايتاتىن بولسام, يرينا حاكامادوۆانىڭ, اناستاسيا ميرونوۆانىڭ, تينا كاندەلاكيدىڭ ەڭبەك جولدارىن ۇلگى تۇتامىن. مەنىڭ ويىمشا, تابىستى ايەل ءوزىنىڭ ءىسى بار, ءوزىن جاقسى كورەتىن, وزىنە كوڭىل بولەتىن, اينالاسىنداعى الەمدى جادىراتىپ مەرەكەگە اينالدىرادى. جۇرەگى نازىك, وتباسىن شاتتىققا بولەيدى.

مەن ءاربىر كۇنىمنىڭ ەستە قالارلىقتاي وتكەنىن قالايمىن. اينالامدى كەرەمەت ادامدار قورشاعانىن, ءومىرىمنىڭ ءار ءساتى قۋانىشتى بولعانىن تىلەيمىن. وزگەلەرگە پايدالى دۇنيە جاساعىم كەلەدى. قوعامعا پايدالى, دەنى ساۋ, اقىلدى ۇرپاق تاربيەلەگىم كەلەدى. جۇرگەن جەرىمدە پايدالى بولعانىمدى قالايمىن.

سۇحباتتاسقان مارجان سابەت