الەمدەگى ەڭ قورقىنىشتى جەرلەر تىزىمىنە ەنگەن قازاقستانداعى كولدى بىلەسىز بە؟

ەلىمىزدىڭ شىعىس بولىگىندە, الماتى وبلىسىندا ورنالاسقان ساپاق اۋىلىنا جاقىن ماڭدا ء"ولى كول" دەپ اتالاتىن تاڭعاجايىپ مەكەن بار. كولەمى اسا ۇلكەن بولماسا دا, كەرەمەت تابيعات كورىنىستەرىمەن كومكەرىلگەن. ادامدار تۇراتىن اۋىلدان الىس ورنالاسقان بۇل كولدىڭ تىلسىمعا تولى تىرشىلىگى تۋرالى اڭگىمە ەل اراسىندا اڭىزعا اينالىپ ۇلگەرگەن. ؛

كولدىڭ اتاۋىنىڭ ءوزى ەستىگەننىڭ ءتانىن تۇرشىكتىرىپ, جانىن شوشىتارلىقتاي قورقىنىشتى. جەرگىلىكتى تۇرعىندار كولمەن بايلانىستى سان ءتۇرلى وقيعالاردى اڭىز عىپ ايتادى. ؛

ەل اۋزىندا جۇرگەن اڭىزدىڭ ءبىر نۇسقاسىنا سەنسەك, ەرتەرەكتە, وسىدان ءبىر عاسىر بۇرىن قالىڭدىعىن قىزعانعان جىگىت اشۋ ۇستىندە سۇيگەنىن وسى كولگە تۇنشىقتىرىپ ولتىرگەن ەكەن, سودان باستاپ كول قازىرگى ەسىمىن العان دەسە-دى.

جىل سايىن وسى كولگە باتىپ كەتىپ, جان تاپسىراتىنداردىڭ سانى ارتپاسا كەمىمەيدى ەكەن. تۋريستتەردى ماگنيتشە تارتاتىن تىلسىم كولدەن, جەرگىلىكتى تۇرعىندار مۇمكىندىگىنشە اۋلاق جۇرۋگە تىرىسادى. ءولى كولدىڭ سۋى شىلدەنىڭ شىلىڭگىر ىستىعىندا دا مۇزداي سۋىق بولىپ تۇرادى. بۇل كولدە بالىقتار تىرشىلىك ەتپەيدى, وسىمدىك اتاۋلى وسپەيدى. جانە ءبىر قىزىعى, بىلايعى كەزدە سۋ جاعاسىندا قاپتاپ جۇرەتىن ماسالاردى دا بۇل كولدىڭ ماڭىنان كورە المايسىز. ؛

سۇڭگۋىرلەر تىلسىم كول تۇڭعيىعىنداعى تابيعاتتى زەرتتەمەككە تىرىسىپ-اق كورگەن, ءبىراق سۋعا تۇسە سالىسىمەن تىنىستارى تارىلىپ, تۇسىنىكسىز سەبەپتەرمەن اۋا جەتپەي, قايتا شىعىپ كەتە بەرەدى ەكەن.

زەرتتەۋشى عالىمداردىڭ مالىمەتىنشە, سول اۋداندا بۇرىندارى سىناپ وندىرگەن كەنىشتەردىڭ ورنى بولعان كورىنەدى. ؛ ؛

تابيعات تىلسىمىنىڭ جاسىرعان سىرىن ءالى كۇنگە تارقاتىپ كورگەن ەشكىم جوق. ءبىر انىعى, بۇل كول - الەمدەگى ميستيكالىق ورىنداردىڭ ءبىرى جانە ەڭ قورقىنىشتى جەرلەر تىزىمىندە.