مارزيا بەكايدار: قىزدار تۇرمىسقا شىعاردا نەدەن قاتەلەسەدى؟

بىرەۋلەر بۇل باقىتقا ەرتە جەتىپ جاتسا, بىرەۋلەر تەڭىن كەش تابادى. دەگەنمەن "باقىتقا جەتۋدىڭ ەرتە-كەشى جوق", - دەيدى بەلگىلى پسيحولوگ مارزيا بەكايدار. qamshy.kz اقپارات اگەنتتىگى وسىعان دەيىن پسيحولوگ مارزيا بەكايداردىڭ وتباسى تاقىرىبىندا قىز-كەلىنشەكتەرگە بەرگەن كەڭەسىن جاريالاعان ەدى. بۇگىنگى تاقىرىپ قىزداردىڭ تۇرمىسقا شىعۋ ماسەلەسىنە ارنالادى.

جۇرەگىڭىزدە رەنىش بولسا, ەر ازاماتقا تارتىمدى ەمەسسىز

ار ادامنىڭ بويىندا ىشكى تۇيسىگى, ىشكى تۇسىنىگى بار. كەيدە قىزدار وتىرىپ الىپ, "مەن نە ءۇشىن وسى ۋاقىتقا دەيىن تۇرمىسقا شىققان جوقپىن؟" دەپ وزدەرىنە سۇراق قويا باستايدى. مەن بۇل جاعدايدى ۇزاق ۋاقىت باقىلادىم, جانە ونىڭ سەبەبىن دە انىقتادىم. كوپ جاعدايدا, اسىرەسە, قىز بالالار ىشتەي اتا-اناعا كوپ وكپەلەگىش كەلەدى. ءوزى ءمان بەرمەسە دە اكەسىنە نە بولماسا اناسىنا دەگەن رەنىشىن جىلدار بويى جۇرەگىندە ساقتاپ كەلەدى. ەستەرىڭىزدە بولسىن, ىشكى جان دۇنيەڭىزدە قانداي دا ءبىر كەلىسپەۋشىلىك, رەنىش بولسا ەر ادام ءۇشىن تارتىمدى بولمايسىز. ءبىز كوپ جاعدايدا وز-وزىمىزگە وسىلايشا قاستاندىق جاسايمىز. رەنىش تەك وزىمىزگە عانا زيان تيگىزەرىن اڭعارمايمىز. جۇرەگىڭىزدە اۋىر جۇكتى ارقالاپ جۇرە بەرمەڭىز.

مەن جاي عانا قاراپايىم مىسال كەلتىرگىم كەلەدى. ومىرگە دەگەن كوزقاراسى ەكى ءتۇرلى ەكى قىزدى الىپ قارايىق. ەكەۋى ۇيلەرىنە جەتۋ ءۇشىن بىردەي جولمەن جۇرەدى. ءبىراق ەكەۋىنىڭ بەيىمدەلۋى ەكى بولەك. بىرەۋى وتە رەنجىگىش, ول جولدىڭ تەك اۋىرلىعىن كورەدى, شالىنىپ-سۇرىنە بەرەدى, اشۋلانىپ جۇرەدى, جۇرەگىندە اۋىرلىق بولعان سوڭ شارشاعىش كەلەدى. ول ءوز جولىن ءوزى تاڭداپ العان. ەكىنشى قىز دا ءدال سول جولمەن جۇرەدى, ءبىراق ول جولداعى گۇلدەرگە تامسانادى, مەيىرلەنە يىسكەيدى, ءاربىر ارايلى كۇنگە شاتتانا قارايدى. وسى قاراپايىم مىسالدى تۇرمىسقا شىعۋ جولى دەپ الساق, ەكەۋى دە دىتتەگەن جەرىنە جەتەدى. ءبىراق اتا-اناسىنا, ومىرگە دەگەن رەنىشى كوپ قىز كەلىن بولىپ تۇسكەن شاڭىراعىنا دا سونى الا بارادى. ال كەرىسىنشە ومىرگە قۇلشىنىسى بار, ءار كۇنگە ريزاشىلىقپەن قارايتىن قىز بارعان شاڭىراعىن دا شاتتىققا بولەيدى.

قازىر نە سەبەپتى اجىراسىپ كەتەتىندەر كوپ؟

ويتكەنى, قىز بالا تۇرمىسقا شىققان كەزدە جۇرەگىندەگى رەنىشپەن تۇرمىسقا شىقتى. الايدا, تۇرمىسقا شىققان كەزدە سول ادامدى باقىتتى ەتەمىن دەپ شىعۋىڭىز كەرەك. ءقازىر كوپتەگەن قىزدار بىرەۋگە بىرنارسە دالەلدەگىسى كەلەدى. قۇربىسىنا مىنە مەن قانداي جىگىتكە شىقتىم دەپ ماقتانعىسى كەلەدى, تۋىستارىنا دالەلدەگىسى كەلەدى. مەن كەرەمەت جىگىتكە تۇرمىسقا شىعىپ, بارىڭە دالەلدەپ شىعامىن دەپ سەرت ەتەدى.  ؛ەسىڭىزدە بولسىن, بۇل قاتە تۇسىنىك. سىزدە سونداي وي بولدى ما, تۇرمىسقا شىققان كەزدە اللا بەرەكە بەرمەيدى. ويتكەنى سەن باسقا ويمەن تۇرمىسقا شىقتىڭ. اللا ساعان نەگە بەرەكە بەرۋى كەرەك؟ ءبىز نەگە تالپىنساق, اللا سونى ءناسىپ ەتەدى. ەگەر ءبىز تۇرمىسقا شىعىپ, وسى ادامدى باقىتتى ەتەمىن دەسەك, جاراتقاننىڭ ءسوزسىز سىيى بار.

ەگەر تۇرمىسقا شىعۋ ءسىز ءۇشىن قانداي دا ءبىر كۇرمەۋى قيىن ماسەلەنى شەشۋدىڭ امالى عانا بولسا, وندا ەر مەن ايەلدىڭ اراسىندا شىنايى قارىم-قاتىناس قۇرىلمايدى. قازىرگى قىزداردىڭ باستى قاتەلىگى, ولار تەك وزدەرىنىڭ ىشكى ماسەلەسىن شەشۋ ءۇشىن تۇرمىسقا شىعادى.

قىزداردىڭ قاتەلەسەتىن تۇسى - مەن تۇرمىسقا شىقسام ەڭ باقىتتى قالىڭدىق بولامىن دەيدى. تۇرمىسقا شىعادى, ءبىراق ءوزىن باقىتتى سەزىنبەيدى. مەيلى, بالا تۋعان سوڭ بارلىعى وڭالادى عوي دەيدى, ءبارىبىر كۇتكەنىندەي بولمايدى. سوسىن ول ويلانا باستايدى, مەن تەك باقىتتى بولۋدى قالادىم, ءبىراق ول قولىمنان كەلەر ەمەس. مەن قاي جەردەن قاتەلەستىم دەپ ءوزىن جەگىدەي جەيدى. مەنىڭ ايتارىم, ارماندادىڭىز با, ارمانىڭىزدى ورىندالۋعا جىبەرىڭىز. ول تۋرالى كۇندىز-تۇنى ويلاپ, ءوزىڭىزدى قيناي بەرمەڭىز. تەك بارلىعى جاقسى بولارىنا سەنىڭىز. ؛

تۇرمىسىمىز تۋرالانىپ, باقىتىمىز ەسەلەنسىن دەسەك..

قىز بالا تۇرمىسقا شىققان كەزدە ەر-ازاماتىمدى باقىتتى ەتەمىن دەگەن تىلەك بولۋ كەرەك. اللا تالپىنىسىمىز بەن نيەتىمىزگە قاراي بەرەتىنىن ۇمىتپايىق. ەگەر ءبىز سۇيىكتىمىزدى باقىتتى ەتۋگە تالپىنساق, وندا تۇرمىسىمىز تۋرالانىپ, باقىتىمىز ەسەلەنەدى. مەن تۇرمىسقا شىقسام بولدى, مەنى سىيلايتىن بولادى دەگەن جالعان تۇسىنىك. ەگەر ءبىز ىشكى سەزىمىمىزدى باسۋ ءۇشىن تۇرمىس قۇرساق ونىڭ ارتىندا قيىندىق تۇرادى.

تۇرمىسقا شىعۋدا ەڭ باستىسى نيەتىڭىز ءتۇزۋ بولۋ كەرەك. اللا حاۋا انانى جاراتقان كەزدە ادام اتا سۇراعان ەكەن: «؛ول ماعان نە ءۇشىن كەرەك؟»؛ دەپ. سول كەزدە اللا: «؛سەنىڭ جان تىنىشتىعىڭ ءۇشىن»؛, - دەگەن ەكەن. ايەل ادامنىڭ وتباسىنداعى باستى ءرولى &ndash؛ ءوزىن دالەلدەپ, مىقتىلىعىن كورسەتۋ ەمەس, كۇيەۋىنە جان تىنىشتىعىن سىيلاۋ.

قىز-كەلىنشەكتەردىڭ تاعى ءبىر كەمشىلىگى ءبىرسارىندى ءومىر ءسۇرۋى. ەشتەڭەگە قىزىقپايتىن, تەك ءۇي مەن جۇمىستىڭ ورتاسىندا جۇرەتىن بولسا, وعان ەر-ازامات قىزىقپايدى. قوعامدىق جۇمىستارعا بەلسەندى ارالاسىپ, ءاردايىم ەل نازارىندا جارقىراپ, ءوزىنىڭ سۇيىكتى ىسىمەن اينالىساتىن قىزدارعا ءسوز سالاتىن جىگىتتەر دە كوپ بولادى. ال سولاردىڭ ىشىنەن ءوز تەنىڭدى تابۋ وزىڭە بايلانىستى. مەن بولاشاق جارىڭ مىناداي بولۋ كەرەك دەپ ايتا المايمىن. ويتكەنى ءار قىزدىڭ تالعامى ءارتۇرلى. ءبىراق وسى ادام مەنىڭ بولاشاق كۇيەۋىم بولادى دەپ تاڭدادىڭ با, ونىڭ كەمشىلكتەرىن دە قابىلداي ءبىل.

قارىم-قاتىناس قۇرۋ كەزدە كەدەرگى بولاتىن دۇنيەنىڭ ءبىرى &ndash؛ تاكاپپارلىق ەكەنىن ەستەن شىعارماڭىز. وزگەلەردەن ءجيى ءمىن ىزدەۋدى دوعارۋ كەرەك. سەن بىرەۋدى شىن سۇيسەڭ, ونىڭ كەمشىلىكتەرىن دە قابىلداي ءبىل دەپ ايتتىم. ءبىراق كەمشىلىكتەرگە كونە بەرمە, تەك سول كەمشىلىكتەردەن جاقسىلىق ىزدە. تۇرمىسقا ءوز ەركىڭمەن شىققان ساتتەن باستاپ, سەن ونىڭ بارلىق كەمشىلىكتەرىنە كەلىسىم بەرگەن بولىپ ەسەپتەلەسىڭ. كوپتەگەن قىز-كەلىنشەكتەر تۇرمىسقا شىعا سالىپ, كۇيەۋىن وزگەرتۋگە تالپىنادى. جوق, ەڭ الدىمەن سەن ءوزىڭدى وزگەرت, سودان كەيىن ەر-ازامات ءوزى وزگەرەدى. ومىردە ءجۇز پايىز ءمىنسىز قارىم-قاتىناس بولمايدى. تەك ەرلى-زايىپتىلار ءوزارا ءتۇسىنىسىپ, ءبىرىن-بىرى سىيلاۋ ارقىلى عانا وتباسى باقىتىن ساقتاي الادى. ول ەڭ الدىمەن ايەلدىڭ اقىلىنا بايلانىستى. تۇرمىسقا شىعىپ, باقىتتى بولۋدىڭ كىلتى دە وسىندا جاتىر.

وقي وتىرىڭىز: ؛

&diams؛مارزيا بەكايدار: 14 جاسىمنان ايەل باقىتىنىڭ كىلتىن ىزدەدىم

&diams؛ ؛3 پسيحولوگيالىق ءرول: ايەلدى قايسىسى باقىتتى ەتەدى؟