بۇلىك پەن بەيبىت شەرۋ: يسلام ءدىنى نە دەيدى؟

مۇسىلمان دىنىندە اللاھ تاعالا جەردە پاتشا ەتىپ سايلاعان پاتشاعا قارسى كەلۋگە بولمايدى. كوپتەگەن دەرەكتەردى نەگىزگە الىپ قاراساڭىز بۇل ءسوزدىڭ اقيقات ەكەندىگىن بىلەسىز.

يمام احماد جەتكىزگەن حاديستە: "ۇلى جانە پاك اللاھ جەردە پاتشا ەتكەن ءامىردى قۇرمەتتەگەندى اللاھ قۇرمەتتەيدى. ال ۇلى جانە پاك اللاھ جەردە پاتشا ەتكەن ءامىردى قورلاعاندى اللاھ قورلايدى!", ؛ &mdash؛ دەپ ايتىلادى.دەمەك الەمدەر پاتشاسىنىڭ قورلىعىندا قالماۋ ءۇشىن, جەر بەتىندەگى ەلىڭىزگە جىبەرىلگەن پاتشانى قۇپ تۇتىتىڭىز, سوعان مويىنسۇنىڭىز.

يبن ابباس پايعامباردىڭ (وعان اللاھتىڭ يگىلىگى مەن سالەمى بولسىن) بىلاي دەپ ايتقانىن بايانداعان: «؛كىم ءوزىنىڭ امىرىندە وزىنە ۇنامسىز ءبىر نارسە كورسە, بۇعان سابىرلىقپەن قاراسىن, ويتكەنى مۇسىلمان ءجاما`اسىنان ءبىر ەلىگە بولسا دا اۋىتقىپ ولگەن ادام جاھيليەت (يسلامعا دەيىنگى ناداندىق) ءداۋىرىنىڭ ولىمىمەن ولگەن بولادى»؛ ء(ال-بۋحاري جانە مۋسليم).

قوعامدا كوپتەگەن بۇلىك پەن كوتەرىلىستەر بولىپ جاتقانى راس. ونى جوققا شىعارا المايمىز. ءبىراق نەگە بارلىعىن پاتشادان كورۋىمىز كەرەك؟

ماليك يبن دينار: "راببىمىز كوكتەن تۇسكەن كىتاپتارىنىڭ كەيبىرەۋىندە: "مەن &ndash؛ بۇكىل پاتشالاردىڭ پاتشاسىمىن, جانە مەنىڭ قولىمدا ولاردىڭ جۇرەكتەرى. ەگەر ادامدار ماعان مويىنسۇنسا, مەن ءوزىمىنىڭ راحىمىممەن ولارعا ءادىل پاتشالاردى پاتشا ەتەمىن. ال ەگەر ولار ماعان مويىنسۇنباسا, مەن ءوش الىپ, ولارعا زالىم پاتشالاردى پاتشا ەتەمىن. جۇرەكتەرىڭدى پاتشالارىڭ تۋرالى ويلارمەن مازالاماڭدار, قايتا مەنىڭ الدىمدا تاۋبە ەتىڭدەر, ال سوندا مەن سەندەرگە راحىمشىلدىق ەتەمىن", &mdash؛ دەگەن", &mdash؛ دەپ بايانداعان. ەلدىڭ وزگەرگەنىن قالاعان ادام اللاعا سانسىز شۇكىر ەتىپ, زىكىر ايتۋى كەرەك بالكىم.

اۋف يبن ماليك پايعامباردىڭ (وعان اللاھتىڭ يگىلىگى مەن سالەمى بولسىن) بىلاي دەپ ايتقانىن بايانداعان: «؛امىرلەردىڭ ەڭ جاقسىلارى &ndash؛ سەندەر جاقسى كورگەندەرىڭ جانە سەندەردى جاقسى كورەتىندەرى. سەندەر ولارعا يگىلىك تىلەيسىڭدەر جانە ولار دا سەندەرگە يگىلىك تىلەيدى. ال امىرلەردىڭ ەڭ جاماندارى سەندەر ولاردى جەك كورەتىندەرىڭ جانە سەندەردى جەك كورەتىندەرى. سەندەر ولاردى لاعىنەتتەيسىڭدەر, ولار دا سەندەردى لاعىنەتتەيدى»؛. ودان: «؛ۋا, اللاھتىڭ ەلشىسى, ءبىز ولارمەن قولىمىزعا قىلىش الىپ سوعىسساق پا ەكەن؟»؛, &mdash؛ دەپ سۇراعاندا, ول: "ولار سەندەرمەن بىرگە نامازدى ورىنداعاندارىنا دەيىن جوق. ال ەگەر سەندەر ءوز امىرلەرىڭدە ۇنامسىز نارسە كورسەڭدەر, بۇعان ۇناتپاۋشىلىق تانىتۋلارىڭ كەرەك, ءبىراق مويىنسۇنۋدان باس تارتپاۋلارىڭ قاجەت" ؛ (مۋسليم). ەل ىشىندە كەلەڭسىزدىڭ ورىن الىپ, سىزگە بيلىكتىڭ باسقارۋى ۇناماسا, ايتىپ كورىڭىز. ءبىراق, قارسى شىقپاڭىز.

ابدۋللاھ يبن ۋمار پايعامباردىڭ (وعان اللاھتىڭ يگىلىگى مەن سالەمى بولسىن) بىلاي دەپ ايتقانىن بايانداعان: "كىم ءوزىنىڭ امىرىنە مويىنسۇنۋدان شىقسا, قيامەت كۇنى اللاھتىڭ الدىنا بارعاندا ونىڭ اقتاۋى بولمايدى. ال كىم (امىرگە) انت بەرمەي ولسە, جاھيليەت داۋىرىندەگى ولىممەن ولگەن بولادى" (مۋسليم). قيامەتتە اقتاۋىمىز بولۋى ءۇشىن, قارا جەردە مويىنسۇنۋىمىز كەرەك.

وز ويىم: الەمدەردىڭ راببىسى حالقىمىزعا قورلىق قىلماي تۇرعان شاقتا بىرىگىپ, باسشىعا مويىنسۇنۋىمىز قاجەت. كەم-كەتىگىن سوزبەن ەسكەرتىپ, كوتەرىلىس جاساماۋىمىز كەرەك. فانيدە پاتشاڭىزعا رازى بولساڭىز, باقيدا سىزدەن رازى بولار بالكىم. ەلىمىزدىڭ تىنىشتىعىن كوشەدە ءجۇرىپ بيلىكتەن سۇراماي, جاينامازدا وتىرىپ اللا تاعالادان سۇرايىق. اللا بارشامىزدان رازى بولسىن.

دەرەككوز: ەلمير كۋليەۆتىڭ «؛قۇران مەن سۇننەت امىرلەرگە مويىنسۇنۋ تۋرالى»؛ اتتى كىتابى.