الماتىدا "؛كومپوزيتور"؛ كوركەم ءفيلمىنىڭ سالتاناتتى تۇساۋكەسەرى ءوتتى

الماتىداعى رەسپۋبليكا سارايىندا العاشقى قازاق-قىتاي بىرلەسكەن جوباسى - "كومپوزيتور" كوركەم ءفيلمىنىڭ سالتاناتتى تۇساۋكەسەرى ءوتتى دەپ حابارلايدى qamshy.kz اقپارات اگەنتتىگى ؛ "قازاقفيلم" باسپاسوز قىزمەتىنە سىلتەمە جاساپ. ؛

كارتينانى ش.ايمانوۆ اتىنداعى "قازاقفيلم" كينوستۋدياسى مەن قىتايلىق shinework pictures كومپانياسى جاساپ شىققان.

رەجيسسەرلەرى قازاقستان اتىنان - ءسابيت قۇرمانبەكوۆ, ال قىتاي تاراپىنان - شەرزات ياكۋب.

ايتۋلى اقىن, جازۋشى, قوعام جانە ساياسات قايراتكەرى ولجاس سۇلەيمەنوۆ جانە باسقا دا كوپتەگەن تانىمال وتاندىق مادەنيەت جانە كينو قايراتكەرلەرى تۇساۋكەسەردىڭ قۇرمەتتى قوناعى بولدى.

فيلم سيان سينحايدىڭ ءومىرى مەن شىعارماشىلىعى تۋرالى باياندايدى. ونىڭ كەڭەس وداعى كەزىندە, الماتىعا ەۆاكۋاسيالانعان شاعىن, قازاق كومپوزيتورى باقىتجان بايقاداموۆپەن دوستىعىن كورسەتەدى.

كورسەتىلىم الدىندا ءفيلمنىڭ قازاقستان تاراپىنان باس پروديۋسەرى, ش.ايمانوۆ اتىنداعى "قازاقفيلم" اق ءبىرىنشى ۆيسە-پرەزيدەنتى سەرىك جۇباندىقوۆ پەن قىتايلىق پروديۋسەر, shinework pictures" كومپانياسىنىڭ پرەزيدەنتى دجوناتان شەن جانە قحر الماتىداعى باس كونسۋلى چجەن ۆەي مىرزا كورەرمەندەرگە شىقتى.

"بىز ءۇش جىلعا جۋىق تۇسىرگەن ءفيلمىمىز "كومپوزيتوردى" سىزدەرگە ۇسىنعانىمىزعا قۋانىشتىمىز. بۇل قازاق-قىتاي بىرلەسكەن العاشقى فيلمدە قازاقتىڭ كومپوزيتورى باقىتجان بايقاداموۆ پەن قىتايلىق كومپوزيتور سيان سينحايدىڭ اراسىنداعى دوستىعىن كورسەتۋ ارقىلى, ەكى ەلدىڭ دوستىعىن كورسەتكىمىز كەلدى", - دەدى سەرىك جۇباندىقوۆ.

"بۇل تۇساۋكەسەر كوڭىلىمدى تولقىتتى. وسىدان 70 جىل بۇرىن قيىن جاعدايعا تاپ بولعان قىتاي كومپوزيتورى سيان سينحاي الماتىعا كەلىپ, قازاقتىڭ تانىمال كومپوزيتورى باقىتجان بايقاداموۆپەن تانىسادى. بايقاداموۆپەن ونىڭ وتباسى وعان رياسىز كومەك كورسەتەدى.

مىنە, 70 جىل وتكەن سوڭ, قازاقستان مەن قىتاي كينەمتوگرافيستەرىنىڭ ارقاسىندا, كوپشىلىك بىلە بەرمەيتىن جانە اسەرلى وقيعا ۇلكەن ەكرانعا جول تارتتى", - دەدى باس كونسۋل چجان ۆەي. ؛  ؛

فيلمنىڭ تومەندەگى قۇرامى دا كورەرمەندەر الدىنا شىقتى: رەجيسسەر ءسابيت قۇرمانبەكوۆ, پروديۋسەر قۋانىش احمەتوۆ, قالامقاس اريسلانوۆانىڭ ءرولىن سومداعان كىشكەنتاي اكتريسا ءدىلناز نۇرسەيىت, قويۋشى وپەراتور لۋ حۋني ؛(قحر), قويۋشى رەجيسسەر لۋ يۋەلين ؛(قحر), جانە اتقارۋشى پروديۋسەر ياو چۋنگۋان ؛(قحر). كورسەتىلىمنەن سوڭ كورەرمەندەر نازارىنا قالامقاس اريسلانوۆا مەن سيان سينحايدىڭ قىزى نينانىڭ قىتايدا كورىسكەنى تۋرالى قىسقا دەرەكتى فيلم ۇسىنىلدى.

دۋ قول شاپالاقپەن ساحناعا قالامقاس اريسلانوۆا جانە باقىتجان بايقاداموۆتىڭ قىزدارى: بالدىرعان بايقاداموۆا, ايگۇل بايقاداموۆا جانە الۋا بايقاداموۆا كوتەرىلدى. ولار باقىتجان بايقاداموۆ پەن سيان سينحايدىڭ دوستىعى تۋرالى ايتىپ بەردى. "سيان سينحاي - ماعان باقىتتى بالالىق شاق سىيلاعان ادام", - دەپ تولقي سويلەدى قالامقاس اريسلانوۆا. ؛

سونىمەن قاتار, ءىس-شارا اياسىندا باق جانە قوناقتارعا قالامقاس اريسلانوۆانىڭ "قىتاي حالقىنىڭ كومپوزيتورى سيان سينحاي. قازاقستانداعى ءومىرى" اتتى كىتابىنىڭ تۇساۋى كەسىلىپ, اۆتوردىڭ قاتىسۋىمەن اۆتورگراف-سەسسيا ءوتتى. تۇساۋكەسەر الدىندا ءفيلمنىڭ شىعارماشىلىق توبىمەن بىرگە ءباسپاسوز وتىرىسى ءوتتى.