05 ماۋسىم, 2019 ءدىن
توقاەۆ قازاقستان مۇسىلماندارىن ورازا ايت مەرەكەسىمەن قۇتتىقتادى
پرەزيدەنت رامازان ايىنىڭ اياقتالۋى كۇللى مۇسىلمان ۇمبەتى ءۇشىن ماڭىزدى مەرەكە ەكەنىن اتاپ ءوتتى
مەملەكەت باسشىسى قاسىم-جومارت توقاەۆ قازاقستان مۇسىلماندارىن ورازا ايت مەرەكەسىمەن قۇتتىقتادى دەپ حابارلايدى qamshy.kz اقپارات اگەنتتىگى اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت ءوز قۇتتىقتاۋىندا ادامگەرشىلىككە, مەيىرىم مەن قايىرىمدىلىققا ۇندەيتىن قاسيەتتى رامازان ايىنىڭ اياقتالۋى كۇللى مۇسىلمان ۇمبەتى ءۇشىن ماڭىزدى مەرەكە ەكەنىن اتاپ ءوتتى. ؛
"ورازا ايت كۇندەرى ءار مۇسىلمان تۋعان-تۋىستارى مەن باۋىرلارىنا قامقورلىق كورسەتىپ, مۇقتاج جاندارعا قول ۇشىن سوزىپ, ءوزىنىڭ رۋحاني دامۋىنا زور ءمان بەرەدى. ىزگى ويلار مەن يگى ىستەر ءوزارا تۇسىنىستىك پەن كەلىسىمگە باستايدى, ادامداردى ورتاق ماقسات-مۇددەگە جەتەلەيدى", - دەدى توقاەۆ. ؛
ونىڭ پىكىرىنشە, قازاقستان &ndash؛ بەيبىت ءومىر مەن جاسامپازدىقتىڭ مەكەنى. وزگە ءدىني سەنىمدەرگە قۇرمەت, تولەرانتتىلىق پەن ادامگەرشىلىك قۇندىلىقتار &ndash؛ حالقىمىزعا ءتان يگى قاسيەتتەر.
"يسلام ءىلىمى وتانعا دەگەن سۇيىسپەنشىلىك پەن ۇلتتىق داستۇرگە بەرىك قوعامىمىزدىڭ رۋحاني جاڭعىرۋ يدەياسىنا تولىق ساي كەلەدى. ەلىمىز امان, جۇرتىمىز تىنىش بولسىن! ءار شاڭىراققا باق-بەرەكە تىلەيمىن! ورازا ايت قۇتتى بولسىن!", - دەپ تۇيىندەدى مەملەكەت باسشىسى.  ؛
 ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر