ءبىر اۋىل سۋدىڭ استىندا قالدى
  • usd 468.56

  • eur 497.56

  • rub 7.3

  • cny 67.18

28 ناۋرىز, 17:16:16
الماتى
+35°

04 ماۋسىم, 2019 news

الماتى وبلىسىندا ءبۇتىن ءبىر اۋىلدى سۋ باستى (ۆيدەو)

سەلدىڭ ۆيدەوسى الەۋمەتتىك جەلىدە تارادى. روليكتەن قاتتى جاۋىننان اۋىل كوشەلەرىن سۋ باسقانىن كورۋگە بولادى.

نوسەر جاڭبىر سالدارىنان الماتى وبلىسىنداعى پيدجيم اۋىلىن سەل باستى, توتەنشە جاعدايدان ەشكىم زارداپ شەكپەگەن, وقيعا ورنىندا جەدەل شتاب قۇرىلدى دەپ حابارلايدى ؛qamshy.kz اقپارات اگەنتتىگى ؛sputnik قازاقستان ؛سايتىنا سىلتەمە بەرە وتىرىپ.

 ؛
سەلدىڭ ۆيدەوسى الەۋمەتتىك جەلىدە تارادى. روليكتەن قاتتى جاۋىننان اۋىل كوشەلەرىن سۋ باسقانىن كورۋگە بولادى. بۇل كولىكتەردىڭ ءجۇرۋىن قيىنداتقان.
"پيدجيمدى سۋ باسىپ كەتتى. مىنا جەردەن كولىكتەر وتە الماي جاتىر", - دەيدى ۆيدەودا ەر ادام.
وقيعا ورنىنا پوليسەيلەر مەن توتەنشە جاعدايلار دەپارتامەنتىنىڭ قىزمەتكەرلەرى شۇعىل جەتكەن.
 ؛
 ؛
وبلىستىق تجد مالىمەتىنە سايكەس, 3 ماۋسىم كۇنى كەشكە اۋا تەمپەراتۋراسىنىڭ كوتەرىلۋى مەن نوسەر جاڭبىر جاۋۋى سالدارىنان تاۋلى ايماقتاعى اعىندى سۋ اۋىلدى باسقان.
 ؛

"سۋ دەيگەيىنىڭ كوتەرىلۋىنەن پيدجيم اۋلىنداعى بىرنەشە كوشە مەن اۋلانى سۋ باستى. اپات سالدارىن جويۋعا جەرگىلىكتى اتقارۋشى ورگاننىڭ, الماتى وبلىستىق تجد, "قازسەلدەنقورعاۋ" مەملەكەتتىك مەكەمەسى, اسكەري قىزمەتكەرلەر, پانفيلوۆ اۋدانىنىڭ پوليسەيلەرىنەن قۇرالعان 100-دەن استام مامان مەن 20 بىرلىك تەحنيكا جۇمىلدىرىلدى. وقيعا باقىلاۋدا", - دەيدى وبلىستىق توتەنشە جاعدايلار دەپارتامەنتىنىڭ قىزمەتكەرلەرى.

 ؛
توتەنشە جاعدايدان قازا تاپقاندار مەن زارداپ شەككەندەر جوق.
سونداي-اق ۆەدومستۆو قىزمەتكەلەرى تۇنگى ساعات 23:30-دا اعىن سۋ توقتاعانىن ايتادى. وقيعا ورنىندا جەدەل شتاب قۇرىلىپ, جۇمىس ىستەۋدە.
 ؛

الماتى وبلىسىنىڭ تجد قىزمەتكەرلەرى 31 مامىر كۇنى نوسەر جاۋىن سالدارىنان وڭىردە سەل ءجۇرۋ ءقاۋپى بار ەكەنىن تۇرعىندارعا سمس ارقىلى ەسكەرتكەنىن ايتادى.

ۇسىنعان: بەك بايتاس

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر