ايت نامازىنىڭ الدىندا قانداي امالدار جاساۋ كەرەك؟

ايلاردىڭ سۇلتانى &mdash؛ رامازاننان كەيىن مۇسىلمان قاۋىمىنىڭ ايتۋلى مەرەكەسى ايت باستالادى. ايتتىڭ ءبىرىنشى كۇنى تاڭدا ايت نامازى وقىلادى. qamshy.kz اقپارات اگەنتتىگى ummet.kz سايتىنىڭ دەرەگىن نەگىزگە الا وتىرىپ, ايت نامازى باستالماس بۇرىن قانداي امالدار جاساۋ كەرەكتىگىن وقىرماندار نازارىنا ۇسىنادى.

پايعامبارىمىزدىڭ (ﷺ) كورسەتىپ كەتكەن تومەندەگىدەي امالدارىن ىستەۋ سۇننەت بولادى:

پىتىر ساداقاسىن بەرۋ. اي بويى ءپىتىر ساداقاسىن بەرۋگە ۇلگىرمەگەن كىسىلەر بولسا, ايت نامازىنان بۇرىن بەرۋ كەرەك. ودان كەيىن بەرىلسە ول ءپىتىر ساداقا بولىپ سانالمايدى.

عۇسىل الۋ. جۋىنعاندا تۇتاس دەنەگە سۋ ءتيۋىن قاداعالاعان دۇرىس. جەتكىلىكتى سۋمەن اۋىز قۋىسىن, مۇرىندى دا شايۋ كەرەك.

ميسۋاك قولدانۋ. ؛ايت نامازى وقىلاتىن مەشىتتەر الەۋمەتتىك ورىن بولعاندىقتان اۋىز قۋىسىنىڭ تازالىعىنە ءمان بەرۋ كەرەك. بۇل مۇسىلماننىڭ سيپاتتارىنىڭ ءبىرى. پايعامبارىمىزدىڭ (ﷺ) ءاردايىم قولدانعان ميسۋاك تۇتىنعان. بۇل - سۇننەت امال. الايدا, ميسۋاك بولماعان جاعدايدا ءتىس پاستاسى, ششەتكاسىن دا قولدانساڭىز قۇبا-قۇپ.

جاقسىلىق جاساۋ. باسقالارعا رۋحاني-ماتەريالدىق قول ۇشىن بەرۋ, كومەك كورسەتۋ. سونىمەن بىرگە ايت نامازىنا جەتكىزىپ سالۋ, ءتىپتى اينالاڭىزداعى ادامدارعا جىلى ءسوز سويلەپ, اشىق قاباق, جىلى شىراي تانىتۋ دا جاقسىلىق سانالادى.

ەڭ ءتاۋىر ءارى تازا كيىم كيۋ. جاڭا نەمەسە تازا, ۇتىكتەپ, جاراسىمدى, ۇيلەسىمدى كيىم كيىپ بارعان ابزال.

نامازعا ەرتە بارۋ. شاريعي تۇرعىدا ەرتە كەلۋ كوپ ساۋاپقا سەبەپ بولاتىن بولسا, قالا بەردى بۇل داعدىنىڭ جەكە تۇلعانىڭ دامۋىنا دا پايداسى وراسان. كوبىرەك قۇران تىڭداپ, ۋاعىزىن ەستۋگە, ايت نامازىنا ۇلگەرىپ, سوڭىنان حۇتبانى دا تولىق تىڭداۋعا مۇمكىندىك الاسىز.

قۇرما جەپ شىعۋ. اللا ەلشىسى (ﷺ) ورازا ايت نامازىنا شىعاردان بۇرىن ۇيىنەن سانى تاق بولاتىنداي (1, 3, 5, ...) قۇرما جەپ شىعاتىن بولعان.

مەشىتكە بارار جولدا تاكبىر ايتۋ. راببىمىزعا «؛اللاھۋ اكبار(اللا ۇلىق)»؛ دەگەن سياقتى ماداق-زىكىرلەر ايتقان ءجون.