• usd 468.56

  • eur 497.56

  • rub 7.3

  • cny 67.18

29 ناۋرىز, 05:29:58
الماتى
+35°

03 ماۋسىم, 2019 ءداستۇر

مۇحامەدجان تازابەك: ءبىز اقساقالى جوق جەتىم قوعامبىز

بيىلعى جىل ەلىمىزدە "؛جاستار جىلى"؛ بولىپ جاريالانعاننان كەيىن, بەلسەندى جاستاردىڭ قاتارى كوبەيىپ كەلەدى. قۋانارلىق جاعداي بولعانمەن, كەمشىن تۇستارى دا جوق ەمەس.

جاستار - جاڭالىققا قۇشتار عوي. سوندىقتان دا بولار, الەۋمەتتىك جەلى, ينتەرنەتتەگى جاڭالىقتاردىڭ ءبارىن جۇرەگىن اشىپ قابىلداپ جاتىر. پرانك, ۆاينەر, ازىلكەشتەر, پوپ-مادەنيەت وتباسى قۇندىلىعىنا شاقىرىپ جاتقان جوق. جاستىق قۋاتىڭدى وينا دا كۇلگە سارقا پايدالان دەپ ناسيحاتتاۋدا. ويلا دا ءبىل دەپ جاتقان جوق. ءبىر مىسال ايتايىن. &ldquo؛گاۋھارتاس&rdquo؛ دەگەن ايگىلى ءان بار. سوندا «؛اجارىڭ اشىق ەكەن اتقان تاڭداي. نۇرلى ەكەن ەكى كوزىڭ جاققان شامداي. اناڭنان سەنى تۋعان اينالايىن. كۇلىم كوز, ويماق اۋىز, جازىق ماڭداي»؛ دەيدى. بىلاي قاراساڭ, قىز بالاعا قاتىستى ايتىلىپ تۇرعان, ماحاباتتىڭ تامشىسىنداي, مولدىرەپ تۇرعان ءان. ءبىراق ءبىر دەتال - كەشەگى وتكەن تەكتى, نامىستى بابالارىمىز قىزعا سەزىمىن جەتكىزگەن كەزدە ونى اكە-شەشەسىنەن ءبولىپ قاراستىرماعان. قاراڭىز, &ldquo؛اناڭنان سەنى تۋعان اينالايىن&rdquo؛ دەيدى. قىزدىڭ تەگىن ماقتاپ, تاربيە بەرگەن اتا-اناسىن قۇرمەتتەپ, قىزدىڭ وتباسىلىق قۇندىلىعىن بىرگە قاراستىرۋدا. سول كەزدەگى ەلگە ەگە بولاتىن, تىزگىندى ۇستايتىن, بالا-شاعاسىنا, ايەلىنە تاربيە بەرەتىن, بولاشاق اكە بولاتىن جىگىتتىڭ سەنىمى مەن كوزقاراسى وسىلاي ەدى.

تىپتى كۇنى كەشە &ndash؛ ەكى مىڭىنشى جىلدارى حيت بولعان &ldquo؛كورشىنىڭ قىزى&rdquo؛ ەستەرىڭىزدە مە؟ بەكجان اشىرباەۆ دوسىمنىڭ ايگىلى انىندە &ldquo؛كورشىنىڭ قىزى كەرەمەت ەدى, اكەسى دە ونىڭ جاقسى ادام&rdquo؛ دەمەي مە؟ ياعني, بەكجاننىڭ داستۇرىنەن اجىراماعان, ماقتاارال, ءمىرزاشول سەكىلدى قۇيقالى ورتادا وسكەن, قازاقىلىعى كەشەگى بابالارمەن جالعاسىپ جاتقان جىگىت ەكەنىن تۋىندىسىنان-اق اڭعارساق بولادى. ايتپەسە, ايتىسكەر اقىن بەكجان اشىرباەۆ باسقا ۇيقاس تاپپاي قالعان جوق قوي. ءارى ءاننىڭ كەڭ تاراپ, كوڭىلىمىزدەن ورىن الۋىنىڭ وزىندە دە ءبىر گاپ بار - گەنىمىزدە ونسىز دا بار, ءبىراق ءۇش ءجۇز جىل وتارلىق يدەولوگيادان كەيىن قالعىپ كەتكەن ادامنىڭ ءقادىرىن ءبىلۋ, كىسىنى باعالاۋ قۇندىلىقتارىن قوزعاپ, جۇرەگىمىزدەگى رۋحاني جادتى ءتۇرتىپ تۇر. ال ءقازىر جىگىتتەر الەۋمەتتىك جەلىدە, كلۋبتا, ءتۇرلى باسقوسۋ كەشتەرىندە قىزدىڭ وسىنداي قاسيەتتەرىنە ءمان بەرە مە؟ ول قانداي تەكتەن شىقتى, تاربەسى قانداي, الەۋمەتتىك ماسەلەسى, كوزقاراسى دەگەننىڭ ءبارى ۇمىت قالىپ قويادى. ءسويتىپ ۇيلەنەدى. ال ونداي جىگىت وتباسىلىق قۇندىلىققا تولى جاۋاپكەرشىلىكتى موينىنا جۇكتەۋگە دايىن ەمەس. قىز بالا انا بولۋعا دايىن ەمەس. سودان قازاق دالاسىندا جاس وتباسىلاردىڭ اجىراسۋى ۇشتەن بىرگە جەتتى. بۇل &ndash؛ وتە وزەكتى ماسەلە.


وتباسىلىق قۇندىلىقتى جۇيەلى ناسيحاتتاۋ جاستار جىلىندا ەڭ ۇلكەن قاجەتتى دۇنيە. قوماقتى قارجى تابۋ, ەلدىڭ قامىن ويلاۋدان بۇرىن, وتباسىنىڭ تىزگىنىن ۇستاي بىلۋگە دايىنمىن با دەيتىن ءبىر قام-قارەكەت اسا قاجەت ءقازىر. ستيۆ دجوبستىڭ ءسوزى وعان كەرەمەت دالەل عوي. «؛مەنىڭ بۇكىل ءومىرىمنىڭ ءمانى &ndash؛ دۇنيە تابۋ, ەلدى تاڭ قالدىرۋ بولدى»؛ دەيدى. ء«؛يا, ەلدى تاڭ قالدىردىم, ءيا مەن ميللياردەر بولدىم. ءبىراق مەنىڭ وتباسىلىق قۇندىلىعىم قايدا؟ قايدا مەنىڭ تۋىسىم مەن تۋعاندارىنا جۇمسالماعان التىن ۋاقىتتارىم»؛ دەيدى ەمەس پە؟!


بىز نەدەن كەندە بولىپ جاتقان قوعامبىز؟ ءبىز تۇلعاعا كەندە بولىپ جاتىرمىز. اقساقالى جوق جەتىم قوعامبىز. ءبىز قىزعا قىرىق ۇيدەن تىيىم سالاتىن, كەلىنگە ىممەن-اق تۇسىندىرەتىن اق جاۋلىقتى اجەگە مۇقتاجبىز. قىز كەزىندە كەرەمەت كەلىنشەك بولۋدى ويلاماسا, كەلىنشەك بولعان كەزدە اجە بولىپ, قارتايۋدى ويلاماسا, قازىنا قاريا اسپاننان جاۋمايدى عوي. جاقسى كەلىنشەك بولاتىن ادام قىز كەزىنەن سوعان ىڭعايلانادى. اكەسىنە ەركەلەپ وسكەن قىز وسكەندە قىلىقتى كەلىن بولادى. كۇيەۋىنىڭ وتباسىنا بەرەكە كىرگىزەدى. ۇل جاۋاپكەرشىلىكتى سەزىنسە, قىز بولاشاق انا ەكەنىن سەزىنىپ وسسە, ودان قايراتكەر دە شىعادى, كاسىپكەر دە شىعادى. ۇلتقا ءسوز كەلتىرمەيتىن تۇلعالار شىعادى. جاستارعا ۇلتتىق قۇندىلىق ءبارىن بەرەدى.

مۇحامەدجان تازابەك

«؛facebook»؛ الەۋمەتتىك جەلىسىنەن الىندى

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر