شقو اكىمى: "؛قىتايعا ەشقانداي جەر ساتىلعان جوق"؛ ءبىراق, ءبىراق....

شقو-نىڭ اكىمى دانيال احمەتوۆ وبلىس اۋماعىنانداعى جەر داۋىنا قاتىستى مالىمدەمە جاسادى دەپ حابارلايدى qamshy.kz اقپارات اگەنتتىگى  اltaynews.kz سايتىنا سىلتەمە جاساپ.

سوڭعى ءۇش كۇندە الەۋمەتتىك جەلىلەردە, شقو اۋماعىنداعى اۋىل شارۋاشىلىعى جەرلەرىنىڭ 2019 جىلى قىتايعا ساتىلىپ كەتكەنى جونىندە اقپارات تارالعان. ول اقپاراتتاردا شقو اۋماعىنداعى ءۇرجار, كۇرشىم, جارما اۋداندارىنداعى جەرگە قاتىستى ايتىلعان.

بۇگىن, ياعني, 31 مامىردا وبلىس اكىمى وسكەمەندە وسى ماسەلەگە بايلانىستى بريفينگ وتكىزىپ, رەسمي مالىمدەمە جاسادى.

"قادىرمەندى قاۋىم! مەن اكىم رەتىندە رەسمي تۇردە وسى اۋدانداردا ءبىر مەتر دە جەر قىتايلىقتارعا بەرىلمەگەنىن مالىمدەيمىن.  سىزدەر بىلەسىزدەر, 2016 جىلدىڭ 6 مامىرىنان بەرى قازاقستاننىڭ ءبىرىنشى پرەزيدەنتىنىڭ جارلىعىمەن شەتەلدىكتەرگە جانە شەتەلدىك ۇلەسى بار زاڭدى تۇلعالارعا جەر ساتۋعا ماراتوريي جاريالانعان. سوندىقتان, مەملەكەتتىك مەكەمەلەردەگى بارلىق جۇمىستار زاڭ بويىنشا جۇزەگە اسىرىلادى جانە ونىڭ بارلىعى قوعام وكىلدەرى مەن اقپارات قۇرالدارىنا اشىق, – دەدى وبلىس اكىمى.

سونداي-اق, احمەتوۆ جەر ۋچاستوكتەرىنە ماراتوريي جاريالانباي تۇرىپ, 2015 جىلى 20 قازاندا بەسقاراعاي اۋدانىندا بايقاۋ ناتيجەسى بويىنشا ءبىر شەتەلدىك كومپانيا 14 890 گەكتار جەردى 10 جىلعا ۋاقىتشا جالعا العانىن دا ايتتى.

"بۇل – قىتايلىق "لۋن سين" دەگەن كومپانيا. بۇگىندە ولار جەردى اۋىل شارۋاشىلىق ماقساتقا پايدالانىلىپ جاتىر. بۇل – ءبىزدىڭ وبلىستاعى جالعىز فاكت جانە ءبىز ونى بۇعان دەيىن جاسىرعان ەمەسپىز", – دەپ ءتۇسىندىردى احمەتوۆ.

ەستەرىڭىزگە سالا كەتەيىك, وسىدان بىرنەشە كۇن بۇرىن الەۋمەتتىك جەلىلەردە 40 مىڭ گەكتار جەردىڭ شەتەلدىكتەرگە بەرىلەتىنى تۋرالى اقپارات تاراپ حالىق اراسىندا الۋان ءتۇرلى پىكىر ايتىلعان. شقو جەر قاتىناستارى باسقارماسىنىڭ باسشىسى ۆ. بارسۋكوۆا دا اتالمىش اقپاراتتىڭ جاڭساق ەكەنىن جانە ەشقانداي شىندىققا جاناسپايتىنىن مالىمدەگەن.

ۇسىنعان: ميات كاشىباي